Апрелё

Пуш пэстар: «Сар мэ андярав пэс, кала манди дэн совето? Прижанав мэ пэстири дош или лав тэ виболдавпэ? Дошалярав мэ аврэн?» Кала адинос андэ Библия пала предани мурша и жувля, шув сама пэ кода, сар вонэ пэс андярэнас андэ кацавэ жэ ситуацыи. Кажно разо, кала ту розмышляеш пала предано лэ Иеговаско служытелё, погиндосар: «Сар мэ моӷу тэ шавпэ пэр лэстэ?» Инке амэ можэм тэ сытювас кай амарэ ԥрала и ԥэя и нэ важно, саво лэндэ возрасто. Например, погиндон, ко андар лэндэ щяс пэрэандярэл варисаво ԥаримос? Можэт, пэр лэндэ тасавэн и ровэсникоря чи о родо, или лэндэ найлашо зор. Сости тумэ можэте тэ сытён кай кадэла мануша? Если тумэ лэна тэ гиндон пала лэнго примеро, тоди тумэнди авэла май вушэро тэ пэрэандярэн пэско ԥаримос. Амэ фартэ блаӷодарни лэ Иеговасти, кай амэндэ исин кацавэ райканэ ԥрала и ԥэя, савэндэ састи вера. И када анэн амэнди бари бах! (Евр. 13:7). w22.04 13, абз. 13, 14

Кала амэндэ варисави ԥари ситуацыя, амэнди приятно, кай и старейшыноря виашунэн амэн и подритярэн. Ай если амэ проандярас и изучения Библии, амэ фартэ ради, кала опытно пианеро подԥэнэн амэнди, сар тэ авас инке май лашэ учителёря. Амарэ ԥрала и ԥэя всегда ӷотови тэ поможын амэнди, и вонэ фартэ бахталэ кадэлэстар. Амэндэ тожэ можэт тэ авэл кацави радость, если амэ ласа тэ поможысарас аврэнди. Если ту камэс тэ терэс май бут важ и ԥрала и ԥэя, со поможыя тути тэ домардёс кадэя цэль? Кала ту стос варисави цэль, важно, кай вой тэ авэл конкретно. Например, ту гиндос: «Мэ камав тэ терав май бут дила андэ собрания». Но если тири цэль найконкретно, авэла найвушэро тэ полэс, сар ла тэ домардёс и ту на уӷанэса, кай тутэ ужэ вижыля када тэ стерэс. Важ када ту трэбуй драго тэ полэс, со имено ту камэс тэ стерэс. Ту можэш дажэ тэ запистрос пэстири цэль и тэ погиндос, сар ту лэса тэ домардёс ла. w22.04 25, абз. 12, 13

О Иегова стидэл «фартэ бутэ манушэн» и сытярэл лэн, кай вонэ тэ жувэн тала лэско Царство (Св. Т. 7:9, 10). Адес и мануша ритярэн холи пэ авэр и вороӷуин ек еқэса. Но лэ Дэвлэстирэ мануша терэн вся, кай лэндэ андо ди кацаво тэ на авэл. Вонэ анда мечоря, ԥэнэса, терэн плуӷоря (Мих. 4:3). Вонэ на жан пэ война, через сави бут мануша хасарэн пэстири жызня. Наоборот, вонэ поможын аврэнди тэ уӷанэн пала чачуни жызня — росԥэнэн лэнди пала Иегова и лэско замысло (1 Тим. 6:19). Через кода, кай вонэ подритярэн лэ Дэвлэско Царство, пэр лэндэ можэт тэ холявэл о родо и лэндэ моӷут тэ авэн проблемы лэ ловэнца. Но о Иегова лэн на ашавэл. Во заботийпэ пала лэндэ и дэл вся, со трэбуй важ и жызня (Матф. 6:25, 30—33; Лука 18:29, 30). Када сыкавэл, кай лэ Дэвлэско Царство ужэ правий, и о Иегова обязательно стерэла кода, со загиндосардя. w22.12 5, 6, абз. 13

Кала закончица и 1 000 лет, всаворэ мануша пэ ԥув ашэна совершэни. О Иегова улэла о бэзэх, саво амэнди пэрэдяпэ лэ Адамостар, и во будэр на лэла пар мэндэ тэ влияет (Рим. 5:12). Каринг кодэя время, кай всаворэ мануша авэла совершэно жызня, важ када андэ Библия ԥэнэнпэ, кай вонэ жундёна (Св. Т. 20:5). Амэ ӷанас, кай о Иисусо ашэляпэ верно лэ Иеговасти, дажэ кала о Сатана фартэ тасавэлас пэр лэстэ. Кала прожана 1 000 лет и лэ Сатанас вимэкэна анда безна, во упалэ закамэла тэ змарэл амэн па правильно дром. Ашэнапэ тоди всаворэ совершэни мануша предани лэ Дэвлэсти? (Св. Т. 20:7). Када авэла послиднё проверка. Кажно андар мэндэ сможэт тэ сыкавэл пэстири преданость лэ Иеговасти. И мануша, савэ авэна верни лэсти, лэна тэ жувэн вечно и ашэна па чачимастэ свободни (Рим. 8:21). Ай кодэла, ко отԥэндёна лэ Иеговастар, авэна уничтожэни (Св. Т. 20:8—10). w22.05 19, абз. 18, 19

Када исполнисайля, кала о Сатана подмардя лэ евреёнэн и лэ римлянонэн тэ умарэн лэ Дэвлэстирэ Шавэс (Лука 23:13, 20—24). Если кай о мануш дуқал и талпа, во дэсави время нэ можэт тэ ԥирэл. Кадяжэ и кала о Иисусо муля, во трин дес нисо нэ моӷ тэ терэл (Матф. 16:21). Кай тэ исполнинпэ и алава анда Бытие 3:15, о Иисусо нэ моӷ тэ ашэлпэ андэ моӷила. Васо? Сар ԥэнэнпэ андэ кадэва пророчество, о потомко трэбуй сас тэ ростасавэл лэ сапэсти о шэро. Вижал, во трэбуй сас тэ рийпэ каринг и жызня. Кадя и тердяпэ! Через трин дес, сар о Иисусо муля, о Иегова рисардя лэс каринг и жызня, кай во будэр никала тэ на мэрэл. О Иегова стодя и время, кала трэбуй тэ авэл уничтожэно о Сатана, и о Иисусо када обязательно стерэла (Евр. 2:14). О Иисусо и авэр памазаникоря па вся и ԥув улэна лэ Дэвлэстирэ вороӷонэн, савэ ужан андэ лэ сапэстирэ потомкоря (Св. Т. 17:14; 20:4, 10). w22.07 16, абз. 11, 12

Родителя, поможын лэ бэятонэнди тэ виарақэн лашэ друӷонэн. Андэ Библия ԥэнэнпэ ворта: амарэ друӷоря фартэ влияют пар мэндэ и амэ парудювас — либо андэ лащи, либо андэ найлащи риг. Со тумэ можэте тэ стерэн, кай тэ поможын пэстирэ бэятонэнди тэ виарақэн лашэ друӷонэн андэ собрания? (1 Кор. 15:33). Например, тумэ можэте тэ ақарэн в ӷости лэ ԥралэн и лэ ԥэян, савэндэ лащи дружба лэ Иеговаса, кай тэ проандярэн время вмести (Пс. 119:63). О ԥрал Энтони росԥэнэн: «Амэ ақарасас амэндэ в ӷости лэ ԥралэн и лэ ԥэян, савэ любин лэ Иеговас и радостяса служын лэсти. Када сас и тэрнэ, и ԥурэ. Амэ хасас вмести, общялись, ай кадяжэ проандярасас и семейно изучения. Када райкани возможность май драго тэ уӷанэс кодэлэн, кастэ лащи дружба лэ Иеговаса и тэ подружыспэ лэнца! [...] Вонэ росԥэнэнас, сар анда вся оди служынас лэ Иеговасти и виритярэнас разно ԥаримос. Када фартэ повлияло пэ амарэ бэяцэ и поможысардя лэнди тэ полюбин лэ Иеговас». w22.05 29, 30, абз. 14, 15

Со трэбуй тэ терэн и старейшыноря, кала дэн дума кодэлэса, ко стердя бэзэх? Вонэ трэбуй тэ прилэн кодэя жэ ришэния, сави ужэ приля о Иегова. Важ када вонэ мангэнпэ и стон бут зор, кай тэ полэн и библейски принцыпоря. Сар када фэрий и собрания? Если о мануш на каийпэ, лэс исключина, и тоди во нэ сможэт тэ анэн вредо лэ Иеговастирэ служытелёнэнди (1 Кор. 5:6, 7, 11—13; Титу 3:10, 11). Но возможно, и старейшыноря смоӷут тэ поможын лэсти тэ каийпэ, и о Дэл лэс простия (Лука 5:32). Тоди и ԥрала помангэнапэ, кай лэстэ упалэ тэ авэл лащи дружба лэ Иеговаса (Иак. 5:15). Прецтавим, кай о мануш на каийпэ, кала и старейшыноря лэса дэн дума. Тоди лэс исключин анда собрания. Но если потом во загиндояпэ, анда вся оди каияпэ и парудёла, о Иегова радостяса простия лэс (Лука 15:17—24). Кадя авэла, дажэ если о бэзэх сас фартэ баро (2 Лет. 33:9, 12, 13; 1 Тим. 1:15). w22.06 9, абз. 5, 6

Лэ Иеговастирэ зорэса кай и христианоря па вся и ԥув вижал тэ виритярэн о ԥаримос и тэ на домэкэн, кай о Сатана тэ победий (1 Пёт. 5:9). Тумэндэ тожэ када вижала! Фартэ ӥто о Иегова ԥэнэна лэ Иисусости и лэ помазаниконэнди тэ улэн «вся, со стердя о Сатана» (1 Иоан. 3:8). Тоди кай лэ Дэвлэско народо авэла бахтали жызня «и нико на даравэла лэн» (Мих. 4:4; Ис. 54:14). Ай пока кадэя время на авеля, давайте ласа тэ пристас зор, кай тэ улас пэстири дар. Важ када важно тэ терас вся, кай инке май фартэ тэ патяс, кай о Иегова любий и фэрий пэстирэ друӷонэн. Давайте ласа тэ розмышляем, сар о Иегова фэрияс пэстирэ служытелёнэн андэ дэлмутни время, и тэ росԥэнас пала када аврэнди. Ай кадяжэ на ласа тэ бистрас, сар о Иегова поможыяс лично амэнди, кала амэндэ сас ԥаримос. Лэ Иеговастирэ зорэса амэндэ вижала тэ улас пэстири дар! (Пс. 34:4). w22.06 19, абз. 19, 20

И мирово держава, сави сыкавэл и талпы «анда ӷлина и анда састри», ужэ исин адес. Када союзо машкар Великобритания и США, пэ саво ԥэнэн Англо-Американско мирово держава. Вой появисайля андэ Пэрво мирово война, кала кадэла страны линэ тэ терэн ек дила. О суно, саво диқля о Навуходоносоро, сыкавэл инке дуй маменторя, соса кадэя держава на шолпэ пэ авэр. Ек андар лэндэ када, кай о союзо машкар Великобритания и США, — када састри и ӷлина, ай най кучутно метало, кацаво сар сомнак или руп. Кадэлэса кадэя мирово держава на шолпэ пэ авэр, савэ сас май англал. И ӷлина сыкавэл лэ простонэ манушэн (Дан. 2:43). Кадэла мануша ԥирэн пэ выборы, стидэнпэ андэ разни ӷрупы, терэн митингоря и боринпэ пала пэско право. Блаӷодаря кадэлэсти и послиднё мирово держава ашэл май слабо и нэ можэт через и политика тэ терэл вся, со камэл. w22.07 4, 5, абз. 9, 10

Если ту нэуверено, трэбуй тути тэ болдёс чи най, погиндосар пала вопросо: «Со манди мишыий?» (Дила 8:36). Шув сама, кай о Иисусо сыстосардя лэ хамаса кода, кай о мануш ритярэл и время пэстирэ небеснонэ Дадэстири. Васо? Важ кода кай о хамос анэн польза. О Иисусо ӷанэнас, кай вся, пала со о Иегова мангэл амэн, анэн кати о лашымос. Ай мангэл во тут тэ болдёс? Да, када лэстири жэлания (Дила 2:38). Вижал, и крещения анэна тути лашымос. Хэба ту отԥэндёса тэ зумавэс о хамос, саво гитосардя ашунгло поваро? Тоди состэ тэ хасарэс и радость, сави анэн и крещения? И всаек дэсавэ цырдэн и время, кай тэ болдён. Варико можэт тэ ԥэнэн: «Мэ инке нэ ӷотово». Чаче, кадэя ришэния тэ дэс алав лэ Иеговасти тэ жувэс важ лэстэ и тэ болдёс, — када само важно ришэния андэ жызня. Каринг када трэбуй тэ поджас серьёзно. Кай тэ подӷотовишся каринг и крещения трэбуй время и зор. w23.03 7, абз. 18—20

Кала о Иегова помазал лэ Иисусос лэ свынтонэ духоса, во ашэля ӷлавно ла жувляко потомко. Посли кода, сар о Иисусо муля и рисайля каринг и жызня, о Иегова дя «лэсти слава и честь». О Иегова дя лэ Иисусости «вся и власть по нэбо и пэ ԥув», кадяжэ, кай во «тэ розмарэл лэ Сатанастирэ делоря» (Евр. 2:7; Матф. 28:18; 1 Иоан. 3:8). Но кай и жувли трэбуй сас тэ авэн и авэр «потомкоря». О апостоло Павло пистросардя пала када лэ памазаниконэнди анда евреёря и най евреёря: «Если тумэ лэ Христостирэ, тоди тумэ лэ Авраамостирэ потомкоря, наследникоря, сар сас дино алав» (Гал. 3:28, 29). Кала о Иегова витидэл, кай о христианино тэ авэл памазанико, во ашэл ла жувляко потомко. Вижал, кадэла потомкоря — када о Иисусо и 144 000 памазаникоря (Св. Т. 14:1). Вонэ пристон зор, кай тэ гиндон и тэ терэн кадя, сар лэнго Дад, о Иегова. w22.07 16, абз. 8, 9

Амэ ӷанас, кай амэндэ авэла ԥаримос, пока амэ жувас андэ кадэла послидни деса (2 Тим. 3:1). Андэ кацави время амэ можэм тэ умэкас и вас и тэ гиндосарас, кай када най па амаро зор. Особено, кала терэлпэ бида пала бидатэ. Сэрэн: о Иегова всегда паша амэндэ, и лэстирэ зорэса амэндэ вижала тэ виритярас вся. Вспомним, сар о Иегова поможысардя пэстирэ служытелёсти лэ Иовости. Лэстэ андэ ек время тердяпэ бида пала бидатэ. Во уӷангля, кай лэстэ на ашэля лэско хабэ, мулинэ лэстирэ слуӷоря, ай со инке май ԥарэс, во хасардя всаворэ пэстирэ бэятонэн (Иов 1:13—19). Лэсти и кадя сас фартэ ԥарэс по ди, тай инке во занасвайля ԥарэ насвалимаса (Иов 2:7). О Иегова на ашадя лэ Иовос. Во лэс фартэ любияс и дя лэсти вся, кай во тэ виритярэл кадэва ԥаримос. w22.08 11, абз. 8—10

Кала о Иегова амэн сытярэл, дэкала можэт тэ авэл найвушэро кадэлэстар. Амэнди дажэ можэт тэ здэлпэ, кай амэнца обжылэпэ фартэ нэсправедливо и строӷо. Тоди амэ бистраса само важно — о Иегова амэн строӷо сытярэл, важ кода кай любий (Евр. 12:5, 11). Важ када прилэн, кала тумэн сытярэн, и парудён. О Иисусо най еқвар сытярэлас лэ Петрос англа всаворэ апостолоря (Мар. 8:33; Лука 22:31—34). Наверно, лэ Петрости сас лажаво кадэлэстар. Но о Пётро ашэласпэ предано лэ Иисусости. Во прилэлас, кала о Иисусо лэс сытярэлас, и сытёлас пэ пэстирэ ошыбки. Важ када о Иегова лэс блаӷословисардя и дя лэсти тэ терэл бари дила андэ собрания (Иоан. 21:15—17; Дила 10:24—33; 1 Пёт. 1:1). Если амэ на шас сама пэ пэстирэ чуства, прилас, кала амэн сытярэн, и парудювас, када анэна лашымос и амэнди, и аврэнди. Тоди амэ сможэм тэ стерас май бут важ о Иегова и важ и ԥрала. w22.11 21, 22, абз. 6, 7

О Авраамо ӷанэнас, кай о Дэл никала на андярдоп пэс нэправедно или жэстоко. О апостоло Павло пистросардя, кай о Авраамо патялас, кай о Иегова можэт тэ воскресий лэстирэ любимонэ шавэс (Евр. 11:17—19). Важ кода кай о Дэл дя алав, кай лэ Исаакостар жала баро народо, ай тоди кай о Исаако инке на сас бэяцэ. О Авраамо любияс лэ Иеговас и сас уверено, кай лэско небесно Дад вся и время андярэл пэс правильно. И хоть лэсти сас фартэ ԥарэс, во сыкадя, кай патял лэ Дэвлэсти, и кангля лэс (Быт. 22:1—12). Сости амэ можэм тэ сытювас кай о Авраамо? Амэнди тожэ трэбуй вся и время май бут тэ уӷанас пала Иегова. Тоди амэ ашаса май пашэ каринг лэстэ и ласа инке май фартэ лэс тэ любисарас (Пс. 73:28). Амэ присытярас пэстири совесть, кай тэ гиндосарас кадя, сар о Иегова (Евр. 5:14). Саво лашымос када амэнди анэна? Если варико лэла тэ тасавэл пар мэндэ, амэ никала на стераса кода, со нэправильно. Амэнди авэла гряца ек о гиндо тэ стерас кода, состар авэла ԥарэс по ди амарэ небеснонэ Дадэсти. Амэ на камас, кай амари дружба лэса тэ римойпэ. w22.08 28, 29, абз. 11, 12

Кала о апостало Павло и о Варнава сас андэ Листра, Икония и Антиохия, «андэ кажно собрания вонэ... стонас лэ старейшынонэн» (Дила 14:21—23). Кадэла мурша подритярэнас вся и собрания. Адес и старейшыноря кадя жэ дэн зор лэ ԥралэнди и лэ ԥэянди. Старейшыноря, шон сама кодэлэн, касти трэбуй помощь, кай лэндэ тэ лошавэл оди «лэ лашэ алавэстар». О Павло пистрояс, кай «фартэ бут свидетеля» андэ дэлмутни время пэрэандярдэ барэ трудности лэ Иеговастирэ зорэса (Евр. 12:1). О Павло полэлас, кай кала и ԥрала и ԥэя уӷанэна пала верни служытеля, савэ виритярэнас баро ԥаримос, када придэла лэнди зор тэ авэн смили. Ай инке када поможысардоп лэнди тэ жувэн кадя, кай вся и время тэ диқэн «лэ жундэ Дэвлэско форо» (Евр. 12:22). Кацавэ истории поможына и амэнди. Хэба амэнди на придэл зор, кала амэ адиносарас, сар о Иегова заботияспэ пала Гедеоно, Варако, Давидо, Самуило и пала бут авэр служытеля? (Евр. 11:32—35). w22.08 21, 22, абз. 5, 6

Па сави дила лэна тэ сындон лэ манушэн, савэ ринапэ каринг и жызня? Жал катэ и дума пала кодэя дила, сави вонэ терэнас англа кода, сар мулинэ? Най! На бистрэн, кала лэн на ашэля, лэндирэ ӷрехоря о Дэл простисардя. Вижал, када нэ можэт тэ авэл кодэя дила, сави вонэ терэнас варикала. Май ӥто всаворэстар, катэ ԥэнэнпэ пала кода, сар вонэ пэс андярэна, кала лэн лэна тэ сытярэн андо раё пэ ԥув. Дажэ и праведни мануша, кацавэ, сар о Ноё, о Самуило, о Давидо и о Даниило, трэбуй авэна тэ уӷанэн пала Иисус Христос и тэ патян андэ лэстири жэртва. Если лэ праведнонэнди кадэлэсти прижалапэ тэ сытён, тем более и нэправедни трэбуй авэна бут со тэ уӷанэн! Со аштярэл кодэлэн, ко на закамэла, кай лэндирэ алава навсегда тэ авэн запистромэ андэ книӷа важ и жызня? Андэ Свынто тайна 20:15 ԥэнэнпэ: «И кажнонэс, кас на виарақлэ андэ ла жызнятири книжка, шутэ андо озеро ягаса». Вонэ авэна уничтожэни пэ вся и время. Важ када важно тэ терас вся, кай амаро алав тэ запистрон андэ книӷа важ и жызня и никала тэ на стрин! w22.09 18, 19, абз. 17—19

Амари совесть, сави сытярди па Библия, поможый амэнди тэ полас, сар тэ заботисавас пала пэско зор и сави личения тэ витидас (1 Тим. 3:9). Кала амэ прилас ришэния и дас дума пала када аврэнца, амэнди трэбуй тэ терас кадя, сар пистромэ андэ Филиппийцам 4:5: «Мэк всаворэ ӷанэн, кай тумэ блаӷоразумни». Если амэ андярас пэс кадя, тоди на ласа черезчур тэ пэрэжываем пала пэско зор. Кадяжэ амэ любисарас лэ ԥралэн и лэ ԥэян и стас патив пэр лэндэ, дажэ если вонэ прилинэ авэр ришэния, най кацави, сар амэ (Рим. 14:10—12). Ай сар амэ можэм тэ сыкавас лэ Иеговасти и блаӷодарность пала жызня? Амэ фэрисарас ла и отдас лэ Дэвлэсти со май лашо, со амэндэ исин (Св. Т. 4:11). Чаче, акана амэнди прижалпэ тэ пэрэандярас разно насвалимос и биды. Но амаро Создателё загиндосардясас важ амэндэ най кацави жызня. Ӥто во подария амэнди вечно жызня, кай нинай дук и смэрть (Св. Т. 21:4). Ай пока кадэя время инке на авеля, давайте тэ цэнисарас, кай амэ жувас и можэм тэ служысарас амарэ небеснонэ Дадэсти, лэ Иеговасти! w23.02 25, абз. 17, 18

О Иегова бут разоря сыкавэлас, кай лэстэ май бари власть, чем кай и мануша (Рим. 13:1). Роздиқам трин примероря. О египецко фараоно стердя кадя, кай лэ Дэвлэстирэ служытеля тэ авэн лэстирэ раборя, и на камэлас лэн тэ одмэкэл. Но о Дэл виандярдя лэн анда Египто, ай лэ фараонос тасадя андэ Лоли моря (Исх. 14:26—28; Пс. 136:15). О вавилонско царё Валтасаро стодя бари мисяйля, пэ сави вистолас пэс, кай во май баро, чем о Дэл. Кадяжэ во и лэстирэ ӷостёря «хвалинас лэ дэвлэн, савэ анда руп и сомнак» (Дан. 5:22, 23). Но о Иегова тэлярдя кадэлэ манушэс, саво фартэ завазгля о шэро. «Андэ кодэя жэ рят о Валтасаро... сас умардо», ай лэско царство сас «отдино андэ вас кай и мидяноря и персоря» (Дан. 5:30, 31). О царё Ирадо Агриппа Пэрво, саво правияс андэ Палестина, казнисардя лэ Иаковос и бэшардя андо баруно лэ Петрос, кай и лэс тэ казнин. Но о Иегова на дя лэсти када тэ стерэл. «Лэ Иеговаско анӷело бишалдя по Ирадо насвалимос... и во муля» (Дила 12:1—5, 21—23). w22.10 15, абз. 12

Кала амэ уӷанас, сар о Иегова заботияспэ пала пэстирэ предани служытеля андэ дэлмутни время, амари надежда ашэл май састи. Лэ Дэвлэско Алав «сас пистромэ... важ амэндэ. Через кода, кай амэ виритярас о ԥаримос и кай амэн подритярэн алавэнца анда Писании, амэ тэ аштярас англэ о лашымос» (Рим. 15:4). Розмышляйте, сар о Иегова зритярэл пэстирэ обещянии. Сэрэн, со о Иегова стердя важ о Авраамо и Сарра? Вонэ сас ужэ фартэ ԥурэ, но всаек о Дэл дя алав, кай лэндэ арақадёла о бэято (Быт. 18:10). Сар о Авраамо диқля пэ кадэя обещяния? Во «патялас, кай ашэла дад важ бут народоря» (Рим. 4:18). Хоть и мануша моӷли тэ гиндон, кай када нэвозможно, о Авраамо патялас, кай о Иегова зритярэла пэско алав. И када на сас евья (Рим. 4:19—21). Кацавэ примероря поможын амэнди тэ патяс, кай о Иегова всегда зритярэл пэстирэ обещянии. w22.10 27, абз. 13, 14

Кадэла алава исполнисайлэ, кала и евреёря вижылэ анда плено. О Иегова ашэля важ лэндэ Баро учителё и поможыяс лэнди тэ стерэн вся, кай упалэ тэ авэл вужи поклонения. Амэ фартэ бахталэ, кай о Иегова — амаро Баро учителё. О Исайя пистросардя, кай амэ, сар ученикоря, ай о Иегова — учителё. Сар сытярэл амэн о Иегова? О Исайя пистрой: «Тумэ пэстирэ яқэнца лэна тэ диқэн пэстирэ Само Барэ Учителёс». Катэ о учителё тердёл англа пэстирэ ученикоря. Важ амэндэ бари бах, кай амэн сытярэл екжэно о Иегова. Но сар во амэн сытярэл? Во када терэл через пэстири арӷанизацыя. И амэ фартэ блаӷодарни лэсти, кай во дэл амэнди руковоцтво, саво амэ драго полас. О Иегова сытярэл амэн пэ собрании. Ай кадяжэ через амари литература, Бродкастинго и бут со авэр. Вся када поможый амэнди тэ виритярас о ԥаримос андэ жызня и тэ на хасарас и радость. w22.11 10, абз. 8, 9

Кала о Иисусо росԥэндя, со авэла, кала пашола и время кадэла люмати, андэ сави амэ жувас, во ԥэндя: «Пала кода, кала авэла кодэва дес и часо, на ӷанэн нико: ни анӷелоря по нэбо, ни о Шаво — када ӷанэн кати о Дад». Ай тоди о Иисусо ԥэндя пэстирэ учениконэнди тэ на совэн и тэ авэн внимательни (Мар. 13:32—37). И христианоря, савэ жувэнас андо пэрво вико андэ Иудея, трэбуй сас тэ авэн внимательни. Кадэлэстар зависила лэндири жызня. О Иисусо ԥэндя пэстирэ учениконэнди: «Кала тумэ додиқэна, кай о Иерусалимо окружысардэ и войскоря, тоди ӷанэн, кай ӥто во авэла шушо». Тоди лэнди трэбуй сас тэ приашундён каринг лэ Иисусостирэ алава и тэ нашэн андэ плая (Лука 21:20, 21). Кала и римляноря розмардэ о Иерусалимо, кодэла, ко канглэ лэ Иисусос, ашэлэпэ жундэ. Амэ тумэнца жувас андэ найлащи люма, савяти ужэ пашол и время. Важ када амэнди тожэ трэбуй тэ авас осторожни. w23.02 14, абз. 1, 2; 16, абз. 3

О Иегова сытярэл пэстирэ служытелёнэн тэ на хохавэн и тэ авэн праведни. Важ када лэндэ исин патив каринг пэстэ и спокойство андо ди (Прит. 13:5, 6). Наверно, ту можэш тэ ԥэнэс када и пала пэстэ: кала ту лян тэ изучаеш и Библия, тутэ ашэля драго по ди, ай кадяжэ, блаӷодаря лэ Иеговасти ту полян, кай вся, со ԥэнэн о Сатана, када хохаимос. Ту уӷанглян, кай лэ Иеговастирэ принцыпоря и законоря со май лашэ важ тутэ и важ и всаворэ мануша (Пс. 77:13). Важ када, тутэ появисайля жэлания тэ жувэс кадя, сар чалёл лэ Иеговасти (Матф. 6:33). Ту закамлян тэ зашоспэ пала чачимос и тэ на домэкэс, кай тэ хохавэн пэ тиро Дэл Иегова. Сар када можно тэ терэс? Пэстиря жызняса ту можэш тэ сыкавэс: «Мэ отшав лэ Сатанаско хохаимос и подритярав о чачимос. Мэ камав, кай пэ мэрни жызня хулай тэ авэл о Иегова и тэ терав кати кода, со чалёл лэсти». Сар када тэ терэс? Спэрва трэбуй тэ дэс алав лэ Иеговасти андэ молитва, кай лэса вечно лэсти тэ служыс, ай тоди — тэ болдёс. И любовь каринг о чачимос и праведность побудия тут тэ болдёс. w23.03 3, абз. 4, 5

Амэндэ исин кода, пала со на ӷанэн и мануша андэ кадэя люма. Амаро Дэл терэл кадя, кай амэндэ по ди тэ авэл мирно. Кадэва спокойство андо ди, саво дэл о Иегова, исин амэндэ блаӷодаря кодэлэсти, кай амэндэ лащи дружба лэса. Кала амэндэ исин спокойство, амэ нисостар на дарас (Флп. 4:6, 7). Кадяжэ амэндэ исин лашэ друӷоря, савэ любин лэ Иеговас. Амэ бахталэ кодэлэстар, кай амэндэ лащи дружба лэ Дэвлэса, саво терэл кадя, кай тэ авэл мирно (1 Фес. 5:23). Если амэ ӷанас лэ Иеговас, доверяем лэсти и кандас лэс, тоди, сави бы ԥари ситуацыя тэ на авэл, амэндэ авэла спокойство андо ди, саво дэл о Иегова. Андэ жызня можэт тэ авэл бут ԥаримос. Например, эпидемия, природно бида, беспорядкоря андэ страна, ай кадяжэ преследовании. Хэба возможно, кай андэ кацавэ ситуацыи по ди тэ авэл миро лэ Дэвлэстар? Через кадэла биды амэндэ можэт тэ авэл бари дар. Драго, кай амарэ ԥрала и ԥэя прилэн лэ Иисусоско совето анда адесутно стихо. О Иегова терэл кадя, кай лэндэ тэ авэл спокойство по ди, дажэ андо баро ԥаримос. w22.12 16, абз. 1, 2

Амэ на ӷанас, со амэнца авэла тэся. Вся можэт ӥто тэ парудёл. Важ када на гиндон, кай тумэ куч важ о Иегова кати тоди, кала тумэндэ исин варисави назначения. Ай кадяжэ на трэбуй тэ сыстон пэс аврэнца (Гал. 6:4). Родэн возможности андэ пэстири ситуацыя тэ терэн май бут андэ служэния. Если ту камэс, кай тути тэ дэн варисави нэви дила андэ служэния, ужэ акана андяр просто жызня и на заӷуль андо вужылимос. Стов найбарэ цэли, савэ поможына тэ домардёс тири ӷлавно цэль. Например, если ту камэс тэ авэс общё пианеро, ту можэш ужэ акана тэ служыс сар подсобно пианеро. Ай если о ԥрал камэл тэ авэл помошнико андэ собрания, во можэт ужэ адес май бут тэ проповедует. Кода, сости ту сытёса акана, поможыя, кай тутэ тэ авэн май бут возможности андэ служэния. Важ када старысав тэ отдэс вся пэско зор андэ любо служэния. w22.04 26, абз. 16, 17

О Иегова можэт тэ поможый амэнди тэ виритярас о ԥаримос андэ жызня и тэ служысарас лэсти радостяса. Кала амэ росԥэнас лэ Иеговасти пала пэстирэ пэрэжывании, во можэт сразу тэ дэл амэнди зор вся тэ виритярас. Но со, если амэнди ԥарэс ужэ долӷо время? Тоди амэ можэм най еқвар тэ обратисавас каринг о Иегова, кай во тэ поможый амэнди тэ на умэкас и вас. И во екжэно ԥэнэн амэнди када тэ терас. Пала када ԥэнэнпэ андэ Исайя: «На дэн... [лэ Иеговасти] покоё» (Ис. 62:7). Со сыкавэн кадэла алава? Трэбуй тэ мангаспэ постояно, кабута амэ на дас лэ Иеговасти тэ отцыёл. Кода, со ԥэндя о Исайя, напоминает лэ Иисусостирэ алава пала молитва, савэ запистромэ андэ Луки 11:8—10, 13. Котэ о Иисусо ԥэнэн, кай амэ тэ на парашас тэ мангас пала свынто духо. Инке амэ можэм тэ родас кай о Иегова руковоцтво, кай тэ прилас мудри ришэнии. w22.11 8, абз. 1; 9, 10, абз. 6, 7

Тумэ ужэ акана можэте пэстирэ ереса тэ ӷотовитесь каринг и преследовании. На гиндон фартэ бут пала кода, со можэт тэ авэл май англэ, кай тумэн тэ на шол андэ дар через када. Терэн вся, кай тумари дружба лэ Иеговаса тэ авэл инке май лащи и кай о Дэл тэ ашэл друӷо важ тумарэ бэяцэ. Кала тумэ фартэ пэрэжываете, «росԥэнэн [лэ Иеговасти] вся, со тумэндэ по ди» (Пс. 62:7, 8). Подэн дума лэ ереса, васо тумэ можэте тэ доверяете лэ Иеговасти. Кадя жэ сар тумэ поможын лэ бэятонэнди тэ авэн ӷотови каринг и природно бида, терэн вся, кай вонэ тэ авэн ӷотови каринг и преследовании. Вонэ ашэна смили и спокойни, если тумэ сытярэна лэн андэ вся тэ доверяют лэ Иеговасти. Спокойство андо ди, саво дэл о Иегова, фэрий амэн (Флп. 4:6, 7). Блаӷодаря кадэлэсти амэндэ по ди мирно, кала исин эпидемия, тердяпэ бида андэ природа или амэн преследуют. О Иегова заботийпэ пала амэндэ через амарэ барэдэр ԥрала. Кадяжэ амэ екжэнэ можэм тэ подритярас ек еқэс. О миро андо ди, саво лэ Дэвлэстар, поможый амэнди тэ авас ӷотови каринг о ԥаримос, саво авэла май англэ, и дажэ каринг и «бари бида» (Матф. 24:21). w22.12 27, абз. 17, 18

Амэ трэбуй тэ терас вся, кай амэн тэ на хал и дош пала амарэ бэзэха, савэ амэ варикала стердям. Канешно, амэ на ласа тэ гиндосарас: «Если о Иисусо муля пала мандэ, акана мэ моӷу спецыально тэ терав бэзэх» (Евр. 10:26—31). Но амэ можэм тэ патяс: если амэ анда вся оди каисайлям андэ пэско бэзэх, мангасас помощь лэ Иеговастар и паруделям, во амэн простисардя (Ис. 55:7; Дила 3:19). Кай лэ Иисусостири жэртва исин баро зор и блаӷодаря кадэлэсти о Иегова можэт тэ простий амарэ ӷрехоря и тэ сыкавэл о дром каринг о раё пэ ԥув. Ай и жызня андо раё пэ ԥув на авэла скучно. Ту лэса тэ знакомишся разнонэ манушэнца. Тутэ авэла разно интересно дила. Кажно дес ту лэса май драго тэ уӷанэс лэ Иеговас, и кадэлэстар тири любовь каринг лэстэ авэла май бари. Ту авэса бахтало кодэлэстар, пэскати дэ бут лашымос о Иегова дя тути. Ай инке тути авэла фартэ интересно тэ уӷанэс бут со нэво пала лэстирэ тварении. w22.12 12, абз. 17; 13, абз. 19

И «жувли» анда кадэва пророчество нэ можэт тэ авэл и Ева. Васо? Андо пророчество ԥэнэнпэ, кай лако потомко ростасавэла лэ сапэсти о шэро. О сап — када о найлашо анӷело, о Сатана. Хэба можэт лэс тэ умарэл варисаво ла Евако потомко? Канешно най! Тоди сар о Сатана авэла уничтожэно? Кай тэ полас, кас сыкавэл «и жувли» андэ Бытие 3:15, давайте шаса сама, со пистромэ андэ книӷа Свынто тайна (Св. Т. 12:1, 2, 5, 10). Котэ ԥэнэнпэ, кай када най обычно жувли. «Тала пэрнэ латэ сас луна, ай по шэро корона анда 12 черӷая». Кай кадэя жувли арақадёл нэобычно бэято — лэ Дэвлэско Царство. Кадэва Царство находийпэ по нэбо, вижал и кадэя жувли тожэ трэбуй тэ авэл по нэбо. Вой сыкавэл лэ Иеговастири небесно арӷанизацыя, андэ сави ужан верни лэ Дэвлэсти анӷелоря (Гал. 4:26). И Библия поможый амэнди тэ полас, ко ӷлавно ла жувляко «потомко». Во трэбуй сас тэ авэл анда лэ Авраамоско родо (Быт. 22:15—18). w22.07 15, 16, абз. 6—8

Андэ Библия, сави о Иегова подарисардя, исин бари мудрость. Латирэ советоря драго влияют пэ мануша. Лэ Дэвлэстирэ алава парувэн и жызня. Посли кода, сар сас запистромэ пэрви книжки андэ Библия, о Моисеё ԥэндя лэ израильтянонэнди: «Када важ тумэндэ най прости алава, важ кода кай лэндар зависит тумари жызня» (Втор. 32:47). Кодэла, ко приашундёнас каринг и алава анда Свынто Писания, андярэнас бахтали жызня, и лэндэ вся драго вижалас (Пс. 1:2, 3). Прожыля бут время, но и гиндоря анда Библия на хасардэ пэско зор, вонэ вся кадя жэ поможын лэ манушэнди тэ парудёнпэ андэ лащи риг. И принцыпоря анда Библия вечни. Када мудрость пэ вся и время. Кала амэ адиносарас кадэя свынто книӷа и гиндосарас пала кода, со уӷанглям, лако Афтаро пэстирэ зоралэ свынтонэ духоса поможый амэнди тэ полас, сар тэ прилас латирэ советоря (Пс. 119:27; Мал. 3:16; Евр. 4:12). Чаче, ла Библияко Афтаро вечно и во камэл амэнди тэ поможый. Акэ васо кадя важно тэ адиносарас и Библия кажно дес! w23.02 3, абз. 5, 6

Андэ 13 ӷлава Свынто тайна кадяжэ росԥэнэнпэ, кай и Англо-Американско мирово держава сыстойпэ лэ зверёса, савэстэ дуй роӷоря, сар кай о бакроро, и саво дэл дума сар драконо. Кадэва зверё «терэл барэ чудеса англа мануша и дажэ бишалэл и яг па нэбо пэ ԥув» (Св. Т. 13:11—15). Ай андэ Свынто тайна 16 и 19 ӷлава ԥэнэнпэ, кай о зверё — када хохавно пророко. О Даниило кадяжэ ԥэндя, кай и Англо-Американско мирово держава «фартэ бут со розмарэла» (Дан. 8:19, 23, 24). Кадя и тердяпэ, кала сас и Дуйто мирово война. И учони анда Великобритания и Америка стердэ дуй атомни бомбы, через савэ тердярдэ и война андэ страны паша Тихо океано. Кала вонэ сшутэ кадэла бомбы, вонэ кабута бишалдэ «и яг па нэбо пэ ԥув». w22.05 10, абз. 9