Маё

Кроми 144 000 кодэла, ко правия лэ Христоса, о Иоано додиқля фартэ бутэ манушэн. Андэ Библия на ԥэнэнпэ, скати мануша авэна андэ кадэя ӷрупа. Со амэ ӷанас пала лэндэ? Акэ, со пистросардя о апостоло Иоано: «Када кодэла, ко вижан анда само бари бида. Вонэ вихаладэ пэстири ӥда и стердэ ла парни андэ лэ Бакрорэско рат» (Св. Т. 7:14). Кала кадэла мануша пэрэжувэна и само бари бида, вонэ лэна тэ радуинпэ ла жызняти андо раё пэ ԥув (Пс. 37:9—11, 27—29; Прит. 2:21, 22; Св. Т. 7:16, 17). Андэ 7 ӷлава Свынто тайна росԥэнэнпэ и пала кодэла, ко лэна тэ жувэн по нэбо, и пала кодэла, ко лэна тэ жувэн пэ ԥув. Диқэн тумэ пэс котэ? Стон зор, кай тэ додиқэн! Кати погиндон, сави дэ райкани жызня авэла кай лэдуй кадэла ӷрупы. Амэ аваса фартэ бахталэ, кай залям лэ Иеговастири риг! w22.05 16, абз. 6, 7

Дэкала амэнди всаворэнди прижалпэ тэ прилас серьёзни ришэнии. Андэ кацавэ маменторя амэ мангаспэ, кай о Иегова тэ дэл амэнди мудрость, важ кода кай вой амэнди фартэ трэбуй (Иак. 1:5). О Соломоно пистросардя: «И мудрость... со май важно всаворэстар» (Прит. 4:7). О Соломоно ԥэндя най пала кодэя мудрость, кала о мануш бут ӷанэн, ай пала мудрость, сави дэл о Иегова. Но чаче и мудрость, сави дэл о Дэл, можэт тэ поможый амэнди тэ ришысарас амарэ проблемы акана? Канешно. Андэ дэлмутни время дуй мурша сас ашунглэ кодэлэса, кай лэндэ сас бари мудрость. Если амэ пала лэндэ май бут уӷанаса, амэ кадяжэ ашаса май мудри. Пэрво — када о царё Соломоно. Андэ Библия ԥэнэнпэ: «О Дэл дя лэ Соломоности бари мудрость и кай во бут со тэ полэл» (1 Цар. 4:29). Ай о дуйто — када о Иисус Христос. Во сас само мудро мануш, саво варикала жувэлас пэ ԥув (Матф. 12:42). Пала Иисусо дажэ сас пистромэ кацаво пророчество: «Пэр лэстэ авэла лэ Иеговаско духо. О духо, саво дэл мудрость и саво дэл тэ полэс» (Ис. 11:2). w22.05 20, абз. 1, 2

Амэ можэм тэ стас цэли андэ служэния андэ любо возрасто. Подам дума пала ԥэй Беверли, савяти 75 лет. Через лако зор лати сас найвушэро тэ ԥирэл. Но вой камэлас май бут время тэ проандярэл андэ служэния, кай тэ ақарэл май бутэ манушэн пэ Вечеря. Кала вой домарделя кадэя цэль, вой сас фартэ бахтали, и када придя зор аврэ ԥралэнди и ԥэянди тэ терэн май бут андэ служэния. О Иегова фартэ цэний вся, со терэн амарэ ԥрала и ԥэя, савэ андэ бэршэндэ, дажэ если бут со най па лэнго зор (Пс. 71:17). Стов англа пэстэ цэли, савэ ту можэш тэ домардёс. Мэк тутэ авэн лашэ качестворя, савэ радуина лэ Иеговас. Сытюв тэ терэс полезно дила, кай тутэ тэ авэн май бут возможности андэ служэния. Старысав тэ поможыс лэ ԥралэнди и лэ ԥэянди. Блаӷодаря лэ Иеговасти о Тимафеё смоӷ тэ ашэл инке май лашо христианино, ай значит, када вижала и тутэ. Тоди всаворэнди дицола, «сости ту домардёс» лэ Иеговастирэ зорэса (1 Тим. 4:15). w22.04 27, абз. 18, 19

Но со, если тумаро бэято на закамля тэ служый лэ Иеговасти? На дошалярэн пэс! О Иегова дя амэнди возможность екжэнэ тэ витидас, камас амэ лэсти тэ служысарас чи най. На парашэн тэ патян, кай варикала тумаро бэято рияпэ каринг о Иегова. На бистрэн лэ Иисусостири притча пала шаво, саво ужылятар цэрал (Лука 15:11—19, 22—24). Кадэва шаво стердя бут найлашымос, но потом обгиндосайля, паруделя и рисайля цэрэ. Родителя, тумэндэ исин бари бах: тэ поможын пэстирэ бэятонэнди тэ служын лэ Иеговасти (Пс. 78:4—6). Камас тэ похвалисарас тумэн, кай тумэ пристон вся пэско зор, кай тэ сытярэн лэ бэятонэн, кай вонэ тэ любин лэ Иеговас и тэ кандэн лэс (Эф. 6:4). Тоди када анэна бари радость лэ Иеговасти! w22.05 30, 31, абз. 16—18

Кай андэ собрания тэ авэл мирно, кажно андар мэндэ трэбуй тэ пристол зор. Погиндосарам пала христианоря анда пэрво вико. Лэндэ сас разно дила и разни таланторя (1 Кор. 12:4, 7—11). Но вонэ на сыстонас пэс ек еқэса и на споринаспэ. О апостоло Павло пистросардя лэ христианонэнди анда Эфесо: «Кала кажно ла тилатири часть терэл кода, со трэбуй, вой поможый, кай и тила тэ барёл и тэ ашэл май састи андэ любовь» (Эф. 4:1—3, 11, 12). И ԥрала и ԥэя прилинэ кадэва совето и линэ тэ используют пэстирэ способности, кай тэ подритярэн ек еқэс. Када поможысардя, кай «лэ Христостири тила», то есть и собрания, «тэ авэл май састи». Кадяжэ и адес андярэн пэс и чачунэ христианоря. Старыинпэ тэ на сыстон пэс аврэнца. Сытён кай о Иисусо. Терэн вся, кай тэ андярэн пэс кадя жэ, сар во. Патян, о Иегова на бистрэла «тумари дила и любовь» (Евр. 6:10). Сэрэн, кай во фартэ цэний вся, со тумэ терэн важ лэстэ. w22.04 14, абз. 15, 16

Драго по ди кодэлэстар, кай амэнди на трэбуй тэ ришаем пала Иегова, ашэл о мануш, кай лэс тэ простисарас чи най. И всаек дэсо амэ можэм тэ стерас. Со имено? Дажэ если о мануш на мангля амэндар прощения, амэ можэм лэс тэ простисарас и тэ старысавас тэ на холявас пэр лэстэ. Но чаче тэ ԥэнас, пэ када можэт тэ ужал бут время и зор, особено если амэн фартэ холярдэ. Акэ со ԥэнэнпэ андэ «Сторожэво башня» пала 15 сентябрё 1994 бэрш: «Кала амэ простисарас варикас, амэ на ԥандавас и яқа пэ лэско бэзэх. Кала о христианино простий, во доверяет лэ Иеговасти и отдэл вся андэ лэстирэ вас. О Дэл — праведно Сындомари всаворя люмако, и андэ пэстири время во стерэла, кай тэ авэл справедливость». w22.06 9, абз. 6, 7

О Иегова дя алав, кай стидэла вмести лэ манушэн «анда всаворэ нацыи, народоря и шыба» и вонэ лэна тэ тэлён лэсти. Пэ кадэя ӷрупа ԥэнэн «фартэ бут мануша» (Св. Т. 7:9, 10). Хоть андэр латэ ужан разни мануша па вся и ԥув, вонэ вмести тэлён лэ чачунэ Дэвлэсти сар ек баро ери, андэ саво всаворэ любин ек еқэс (Пс. 133:1; Иоан. 10:16). Кала и мануша камэн тэ ашунэн лэн, вонэ всегда ӷотови тэ росԥэнэн пала пэстири надежда (Матф. 28:19, 20; Св. Т. 14:6, 7; 22:17). Если и тумэ ужан андэ «фартэ бут мануша», тоди кадэя надежда тожэ куч тумарэ одести. Но о Сатана камэл, кай амэ тэ хасарас пэстири надежда. Во терэл вся, кай амэ тэ патяс, кай о Иегова на зритярэла пэстирэ обещянии. Если кай о Сатана вижала када тэ стерэл, амэ хасараса пэстири смилость и можэм дажэ тэ парашас тэ служысарас лэ Иеговасти. w22.06 20, 21, абз. 2, 3

Если амари надежда састи, вой поможыя амэнди тэ виритярас ԥарэ испытании, важ кода кай амэ ӷанас, кай англэ авэла вся драго. На бистрэн: о Иисусо ԥэнэнас, кай амэн лэна преследовать (Иоан. 15:20). Кала амэ розмышляем пала лащи жызня, сави аштярэл амэн англэ, када поможый амэнди тэ на парашас тэ жас па лэ Иеговаско дром. Ай сар и надежда поможысардя лэ Иисусости тэ ашэлпэ предано лэ Иеговасти, хоть лэс трэбуй сас жэстоко тэ умарэн? Андэ Пятидесятница андо 33 бэрш н. э. о апостало Пётро ԥэндя о пророчество пала Мессия анда книӷа Псалом. Андар лэстэ дицол, сави увереность сас кай о Иисусо: «Мэ вся и жызня лава тэ надеисавав, важ кода кай ту на ашавэса ман андэ моӷила и на дэса кодэлэсти, ко тут на ашавэл, тэ тернёл. [...] Кала мэ авава паша тутэ, ту дэса манди бари радость андо ди» (Дила 2:25—28; Пс. 16:8—11). Кай о Иисусо сас надежда, кай о Дэл рия лэс каринг и жызня и во упалэ авэла паша пэско небесно Дад (Евр. 12:2, 3). w22.10 24, 25, абз. 4, 5

Еқвар и апосталоря о Иаково и о Иоано бишалдэ каринг о Иисусо пэстиря да, кай вой лэстар тэ мангэл важ лэндэ почотно ҭан андэ лэ Дэвлэско Царство (Матф. 20:20, 21). Кода, со стердэ о Иаково и о Иоано, сыкадя, кай вонэ ӷорди и камэн тэ авэн май лашэ аврэндар (Прит. 16:18). Но андэ кадэя ситуацыя андярдэ пэс найдраго най кати о Иаково и о Иоано. Шон сама, со стердэ авэр апосталоря: «Кала авэр 10 ученикоря ашундэ када, вонэ росхоляйлэ пэ кодэла дуй ԥрала» (Матф. 20:24). Можно прецтавить, сар ӷрубо вонэ дэнас дума лэ Иаковоса и лэ Ионоса. Ай сар андэ кадэя ситуацыя андярдя пэс о Иисусо? Во на ля тэ холявэл. Во на ԥэндя, кай виарақэла пэсти май лашэ апосталонэн, савэ на авэна ӷорди и савэ всегда любина ек еқэс. О Иисусо терпеливо дэлас дума кадэлэ муршэнца, савэндэ сас искренё ди (Матф. 20:25—28). Во на парашэлас лэн тэ любий. w23.03 28, 30, абз. 10—13

Погиндосар, со тутэ ужэ вижыля тэ стерэс. Ту драго изучал и Библия, возможно, дажэ най ек бэрш. И блаӷодаря кадэлэсти ту полян, кай вой лэ Дэвлэстар. Ту драго уӷанглян и полюбисардян амарэ небеснонэ Дадэс, лэ Иеговас. И через кадэя любовь ту закамлян тэ дэс алав тэ жувэс важ лэстэ и тэ болдёс. Када роздраго! Канешно, инке англа крещения тутэ сас дэсавэ трудности. Но сар ту лэса тэ барёс духовно и дальшэ, андэ тири жызня лэна тэ появинпэ нэвэ испытании. О Сатана старыийпэ тэ змарэл тут па правильно дром, кай ту тэ парашэс тэ дружыс лэ Иеговаса и тэ служыс лэсти (Эф. 4:14). На домэк, кай кацаво тэ авэл! Со поможыя тути тэ ашэспэ предано лэ Иеговасти и тэ зритярэс пэско алав? На параш тэ барёс духовно (Евр. 6:1). w22.08 2, абз. 1, 2

Андэ кажно ери исин кацавэ темы, пала савэ на трэбуй тэ росԥэнэс аврэнди. Например, кай и христианка можэт тэ авэл привычка, савятар латирэ хуласти чудно. Лэла во пала када тэ росԥэнэн аврэнди, кай лати кадэлэстар тэ авэл лажаво? Канешно най! Важ кода кай во любий ла и на камэл, кай лати тэ авэл больно (Эф. 5:33). Важ и подросткоря фартэ важно, кай пэр лэндэ тэ стон патив. И драго, кала и родителя када полэн. Вонэ на лэна тэ росԥэнэн пала лэндирэ нэдостаткоря аврэнди, кай кадэлэса лэн тэ лажаварэн (Кол. 3:21). Кадя жэ и бэяцэ трэбуй тэ полэн, пала со аврэнца тэ дэн дума, ай пала со най, кай тэ на лажаварэн лэ ерес. Если кажно лэла тэ слидой, кай тэ на виандярэл анда ери кода, со лично, кадэлэстар вонэ авэна май дружни. w22.09 10, абз. 9

О Иегова подя дума лэ Иовоса. Во напомнил лэсти пала пэстири бари мудрость и кай во фартэ любий и заботийпэ пала пэстирэ тварении. Во росԥэндя пала дэсавэ удивительни жывотни (Иов 38:1, 2; 39:9, 13, 19, 27; 40:15; 41:1, 2). Кадяжэ о Дэл бишалдя лэ тэрнэ манушэс, савэс ақарэнас Елиуё, кай во тэ подритярэл и тэ дэл зор лэ Иовости. О Елиуё ԥэндя, кай о Иегова всегда блаӷословий кодэлэн, ко виритярэл о ԥаримос. Кадяжэ через о Елиуё о Иегова дя лэ Иовости совето. О Елиуё поможысардя лэ Иовости тэ парашэл тэ гиндой пала пэстэ и тэ сэрэл, кай амэ фартэ цынёне англа амаро Велико Создателё. Инке о Иегова дя лэ Иовости ек дила. Во трэбуй сас тэ помангэлпэ пала пэстирэ трин друӷоря, савэ стердэ бэзэх англа Иегова (Иов 42:8—10). Ай сар адес о Иегова подритярэл амэн, кала амэндэ исин ԥаримос? Адес о Иегова на дэл дума амэнца ворта, кадя жэ, сар лэ Иовоса. Но амэ можэм тэ ашунас лэс через лэско алав и Библия (Рим. 15:4). w22.08 11, абз. 10, 11

Андэ пэрво вико андэ христианско собрания андо Римо сас и евреёря и най евреёря. Кала лэ Маисеёско законо сас улино, лэ Дэвлэстирэ служытеля будэр на трэбуй сас тэ ритярэн и законоря, андэ савэ ԥэнэнаспэ, кай нащи тэ хан варисаво хамос (Мар. 7:19). Тоди дэсавэ христианоря анда евреёря витидэ важ пэстэ, кай моӷут тэ хан любо хамос. Ай авэр на камэнас тэ терэн кадя. Важ када андэ собрания будэр на сас ладо. О апостало Павло ԥэндя, кай фартэ важно тэ терэн вся, кай тэ авэл мирно. Во поможысардя лэнди тэ полэн, кай о розладо можэт тэ анэн вредо и кажнонэ манушэсти, и всаворя собранияти (Рим. 14:19, 20). Во и екжэно сас ӷотово тэ парудёл важ авэр, кай никас тэ на змарэл па правильно дром (1 Кор. 9:19—22). Кадя жэ и амэ подритяраса аврэн и стераса, кай тэ авэл ладо, если на ласа тэ спорисавас андэ кодэла вопросоря, андэ савэ кажно можэт тэ прилэл пэстири ришэния. w22.08 22, абз. 7

Если амэндэ исин варисави цэль андэ служэния, амэ пристас вся пэско зор, кай тэ домардювас ла. Чаче ш? Кацаво жэ можно тэ ԥэнас и пала праведность. Ай о Иегова лэла терпеливо тэ поможый амэнди тэ любисарас и праведность (Пс. 84:5, 7). О Иегова любий амэн и ԥэнэн, кай найԥарэс тэ андярас пэс правильно (1 Иоан. 5:3). Наоборот, и праведность фэрий амэн кажно дес. Погиндон пала доспехоря, пала савэ пистросардя о апостоло Павло (Эф. 6:14—18). Саво андар лэндэ фэрий оди? Када «и саструни жылетка», сави сыкавэл «лэ Дэвлэстирэ праведни законоря». Лэ Иеговастирэ праведни законоря фэрин амаро символическо ди, кадя жэ сар и саструни жылетка фэрий оди кай о халавдо. Акэ васо фартэ важно пала латэ тэ на бистрас, кала утидаспэ андэ лэ Дэвлэстирэ доспехоря (Прит. 4:23). w22.08 29, абз. 13, 14

И Библия ужэ най ек тысяча бэрш дэл мудрость лэ муршэнди и лэ жувлянди, савэ верни лэ Дэвлэсти. Сар? О Иегова позаботисайля, кай па кадэла свиткоря тэ авэн стердэ бут копии. Хоть и мануша, савэ терэнас и копии, сас нэсовершэни, вонэ фартэ любинас пэстири бути. Например, акэ со ԥэндя ек учоно пала Еврейски Писании: «Амэ уверени, кай нинай ни ек кацави дэлмутни книӷа, сави кадяжэ точно пэрэпистросардэ». Важ када можэм тэ патяс, кай адес адиносарас андэ Библия кодэла гиндоря, савэ пэрэдя лако Афтаро, о Иегова. О Иегова дэл амэнди «лашэ и совершэни подаркоря» (Иак. 1:17). Ек анда со май лашэ лэ Дэвлэстирэ подаркоря — када и Библия. Часто через о подарко можно тэ уӷанас, пэ скати дэ драго амэн ӷанэн кодэва, ко лэс дарий. Кадя жэ и ла Библияса. Со май бут амэ уӷанас пала латэ, со май бут амэ уӷанас пала Иегова: пэ скати дэ драго во ӷанэн амэн и кода, со амэнди трэбуй. w23.02 2, 3, абз. 3, 4

Наверно, тумэ най еқвар прецтавляли, сар о Дэл лэла воскрешать лэ манушэн андэ лэ Иисусостири Тысячелетнё правления. Амэ всаворэ одеса аштярас кадэя время! Всаворэ, ко хасардэ пэстирэ чачен, фартэ камэн упалэ лэн тэ диқэн. И о Иегова кадяжэ пала лэндэ фартэ скучий (Иов 14:15). Савэ дэ бахталэ авэна и мануша, кала о Дэл рия каринг и жызня лэндирэ пашутнэн, и вонэ лэнца диқэнапэ! И «праведни» мануша, кастирэ алава запистромэ андэ книӷа важ и жызня, воскреснут, кай тэ получин и вечно жызня (Дила 24:15; Иоан. 5:29). Возможно, амарэ пашутнэ мануша воскреснут со май пэрви, ӥто посли кода, сар прожала о Армагеддоно. Кадяжэ каринг и жызня ринапэ и «нэправедни». Например, кодэла, кастэ на сас возможность тэ уӷанэн лэ Иеговас и тэ служын лэсти. Вонэ воскреснут, кай лэн тэ сындон. Всаворэн, кас о Дэл рия каринг и жызня, трэбуй авэла тэ сытярэн (Ис. 26:9; 61:11). Важ када па вся и ԥув авэла фартэ бари обучения (Ис. 11:9, 10). w22.09 20, абз. 1, 2

Дэлмут о Иегова най еқварэс сыкадя, кай лэстэ май баро зор, чем дажэ кай и объединёни правителя. Во зашутяпэ пала израильтяноря и поможысардя лэнди тэ захутилэн бари часть анда обетовано ԥув (Иис. Н. 11:4—6, 20; 12:1, 7, 24). О Иегова упалэ и упалэ доԥэнэнас, кай во Всевышнё Дэл. Еқвар о вавилонско царё о Навуходоносоро путёлас, кай во фартэ зорало и велико. Во на камэлас тэ прижанэн, кай вся и слава прижал лэ Иеговасти. Важ када о Иегова стердя кадя, кай во тэ сжал па годятэ. Кала каринг о Навуходоносоро рисайля и годи, во ля тэ прославий лэ Всевышнёнэс и прижангля, кай «[лэ Иеговастири] правления авэла вечно». Кадяжэ во ԥэндя: «Нинай кодэлэс, ко можэт тэ тердярэл лэс» (Дан. 4:30, 33—35). О псалмопевцо ԥэндя: «Бахтало миро, каско Дэл о Иегова, о миро, савэс во витидя и тиндя важ пэстэ» (Пс. 33:12). Важ када амэ трэбуй тэ ашаспэ вужэ андэ лэ Дэвлэстирэ яқа! w22.10 15, 16, абз. 13—15

Кала амэ диқас, сар исполнинпэ и библейски пророчества, амэ инке май фартэ лас тэ патяс, кай и май англэ о Иегова кадяжэ зритярэла всаворэ пэстирэ обещянии. Амэндэ по ди кадя жэ, сар кай о псалмопевцо, саво ԥэндя пала Иегова: «Мэ кадя аштярав, кай ту спасыса ман, важ кода кай надеисавав по алав, саво ту ԥэндян» (Пс. 119:81). Андэ Библия о Иегова росԥэнэн амэнди пала «лашымос, саво авэла англэ» (Иер. 29:11). Амэ надеисавас най пэ мануша, ай по Иегова. Важ када давайте и май дур внимательно тэ иследуем и библейски пророчества, кай инке май фартэ тэ патяс ла Библияти. Авэр причина, васо амэ можэм тэ доверяем ла Библияти, — вой поможый бутэ манушэнди (Пс. 119:66, 138). Например, и еря, савэ ужэ камлэ тэ розжанпэ, акана бахталэ кодэлэстар, кай прилэн и библейски советоря андэ пэстири жызня. И бэяцэ андэ христиански еря чуствуют, кай и родителя па чачимастэ заботинпэ пала лэндэ и любин лэн (Эф. 5:22—29). w23.01 5, абз. 12, 13

Саво лашымос тумэнди андя, кай и обещянии анда Библия исполнинпэ? Например, о Иисусо ԥэндя, кай лэско Дад дэла вся, со трэбуй амэнди важ и жызня (Матф. 6:32, 33). Кадяжэ о Иегова дя алав, кай если амэ ласа тэ мангас пала свынто духо, во обязательно лэс амэнди дэла (Лука 11:13). И о Иегова зритярэл кадэла обещянии. Наверно, тумэ можэте вспомнить инке бут, со о Иегова терэлас важ тумэндэ. Например, во обещял, кай дэла вся важ и лащи дружба лэса, простия и подритярэла тумэн (Матф. 6:14; 24:45; 2 Кор. 1:3). Кала амэ розмышляем пала кода, сар о Иегова заботияспэ пала амэндэ, када поможыя амэнди май фартэ тэ патяс андэ кода, кай во на ашавэла амэн и май англэ. Амэ патяс, кай о Иегова всегда зритярэл пэско алав. Акэ савэ лашэ алава ԥэндя о псалмопевцо: «Бахтало кодэва... ко лэ Иеговастар, пэстирэ Дэвлэстар, аштярэл о лашымос... во кодэва, касти можно тэ патяс андэ вся»! (Пс. 146:5, 6). w22.10 27, 28, абз. 15; 28, абз. 17

Исполнийпэ андэ амари время о пророчество, кай упалэ авэла вужи поклонения? Канешно! Андо 1919 бэрш милионоря мануша вижылэ анда Вавилоно Велико — анда всаворэ хохавнэ веры. О Иегова андярэл пэско народо андо май лашо ҭан, чем и Обетованно ԥув, — када духовно раё (Ис. 51:3; 66:8). Анда 1919 бэрш андо духовно раё линэ тэ жувэн и памазаникоря. Потом андэ кадэва раё линэ тэ жувэн и мануша, савэ надеинпэ тэ жувэн пэ ԥув — «авэр бакрорэ» (Иоан. 10:16). И лэн о Иегова кадяжэ фартэ блаӷословий (Ис. 25:6; 65:13). Адес о духовно раё, андэ саво жувэн лэ Иеговастирэ служытеля, находийпэ пэ вся и ԥув. Важ када, кай бы амэ тэ на авас, амэ жувас андо духовно раё, если анда вся оди тэлювас лэ Иеговасти кадя, сар во камэл. w22.11 11, 12, абз. 12—15

Вушэро тути тэ полэс, кай о Дэл всегда сас и всегда авэла? (Ис. 40:28). Если най, када нормально. О Елиуё пистросардя пала Дэл: «Нэвозможно тэ полас, скати лэсти бэрш» (Иов 36:26). Но если амэ варисо на полас, када инке на сыкавэл, кай када най чачимос. Например, амэ нэ можэм полностью тэ полас, со када свето. Но хэба ԥэнэса, кай лэс нинай? Кадяжэ и лэ манушэнди ԥарэс тэ полэн, сар када, кай о Иегова всегда сас и всегда авэла. Но када на сыкавэл, кай во на жувэл вечно. О чачимос пала Создателё на парудёл, дажэ если амэнди найвушэро лэс тэ полас (Рим. 11:33—36). О Дэл жувэлас, кала инке на сас и люма, о қам и черӷая. О Дэл сас инке жы каринг кода, сар во «росшутя о нэбо» (Иер. 51:15). w22.12 2, 3, абз. 3, 4

Дэкала амэн мангэн тэ ԥэнас и молитва англа авэр. Например, ек ԥэй ақарэл авря ԥья пэ изучения Библии и мангэл, кай вой тэ обратийпэ каринг о Дэл. И ԥэй, савя ақардэ, можэт тэ на ӷанэн, со терэлпэ андэ жызня кай и изучающё и важ када вой, возможно, закамэла тэ помангэлпэ посли изучения. Кадя лати авэла май вушэро тэ полэл, пала со тэ мангэлпэ важ и изучающё. Лэ ԥралэсти моӷут тэ ԥэнэн, кай во тэ мангэлпэ пэ встреча важ и служэния или пэ собрания. Пала со во трэбуй тэ сэрэл? Важно тэ ритярэл андо шэро, васо всаворэ авелэ. Андэ молитва на трэбуй тэ дэл совето ла собранияти или тэ терэл объявлении. Кадяжэ пэ дили и молитва обычно жал пять минут. Важ када о ԥрал, саво мангэлпэ, на трэбуй тэ дэл дума бут, особено кала во мангэлпэ англа встреча (Матф. 6:7). w22.07 24, абз. 17, 18

О Иисусо ԥэндя, кай андэ послидни деса авэна эпидемии (Лука 21:11). Блаӷодаря кодэлэсти, кай амэ када ӷанас, амэндэ исин спокойство по ди. Васо? Важ кода кай амэ диқас, сар исполнинпэ лэстирэ алава. Амэ на удивисавас, кай вся и время появинпэ нэвэ эпидемии. Важ када амэ приашундювас каринг лэ Иисусоско совето, саво во ԥэндя лэ манушэнди андэ послидни деса: «На даран». Если исин эпидемия, амари жызня можэт фартэ тэ парудёл. Но на домэк, кай через када ту тэ парашэс тэ проандярэс лично изучения и тэ ԥирэс пэ собрании. Пэ амаро сайто ту можэш тэ проадинос или тэ диқэс видео пала ԥрала и ԥэя, савэ ашэнпэ предани лэ Иеговасти, хоть лэндэ исин кацавэ жэ трудности. w22.12 17, абз. 4, 6

О Иаково фартэ любияс пэстирэ шавэс лэ Иосифос (Быт. 37:3, 4). Через када лэстирэ барэдэр шавэ фартэ линэ тэ завидуин лэ Иосифости. Кала лэндэ появисайля возможность, вонэ битиндэ лэс лэ манушэнди анда Мадиамо. Кадэла мануша сас торӷовцоря. Вонэ одындярдэ лэ Иосифос фартэ дур андо Египто. Котэ лэс упалэ битиндэ, пэ кадэва разо лэ Патифарости, саво сас начальнико пэ охрана кай о фараоно. Сар жэ ӥто паруделя лэ Иосифостири жызня: кати найдэлмут во сас любимо шаво кай пэско дад, ай акана ашэля рабо кай о египтянино! (Быт. 39:1). Дэкала амэндэ исин ԥаримос, саво «обычно важ и мануша», аврэ алавэнца, кацаво ԥаримос пэрэандярэн всаворэ (1 Кор. 10:13). Ай авэр проблемы амэндэ исин кати важ кода, кай амэ лэ Христостирэ ученикоря. Например, через амари вера амэндар моӷут тэ приасанпэ, тэ тасавэн пар мэндэ и дажэ тэ преследуют (2 Тим. 3:12). Саво бы ԥаримос амэндэ тэ на авэл, о Иегова поможыя тэ виритярас лэс. w23.01 14, 15, абз. 3, 4

Дэкала амэ можэм тэ гиндосарас, кай фартэ трэбуй тэ подас дума лэ ԥралэса, саво амэн обидел. Но спэрва авелоп драго тэ пушас пэстар: «Полностью мэ полав вся и ситуацыя? [Прит. 18:13]. Можэт, во вобще ман на камля тэ холярэл? [Эккл. 7:20]. На терав мэ дэкала кацави жэ ошыбка? [Эккл. 7:21, 22]. Если мэ подава дума кадэлэ манушэса, на терава мэ инке май бари проблема?» Если амэ погиндосараса пала кадэла вопросоря, амэ, возможно, на шаса сама пэ лэ ԥралэстири ошыбка, важ кода кай любисарас лэс. Сар кажно андар мэндэ можэт тэ сыкавэл, кай во па чачимастэ терэл кадя, сар о Христос? Кала сыкавэн, кай па чачимастэ любин лэ ԥралэн и лэ ԥэян и на шон сама, кай вонэ нэсовершэни. Кала амэ сыкавас кацави любовь, авэр тожэ моӷут тэ додиқэн, кай када чачуни вера. Када поможыя, кай вонэ тэ закамэн тэ тэлён амэнца лэ Иеговасти. Давайте всегда ласа тэ сыкавас пэстири любовь, сави исин кай и чачунэ христианоря. w23.03 31, абз. 18, 19

И Библия поможый тэ уӷанас райкано качество, саво исин кай лако Афтаро, — када любовь. Через кода, кай о Иегова любий амэн, во на ля тэ дэл амэнди бут авэр знании, савэ амэ на полиноп (Иоан. 21:25.). Лэ Иеговастири любовь инке дицэля андэ кода, сар во пативаса дэл дума амэнца через пэско Алав, и Библия. Андэр латэ амэ на виарақас бут правила, савэ контролируют кажно амаро шаӷо. Наоборот, о Иегова камэл, кай амэ тэ сытювас тэ гиндосарас. Важ када андэ лэско алав запистромэ бут случаёря анда жызня, удивительни пророчества и лашэ советоря. Кадяжэ и Библия побудий амэн тэ любисарас и тэ кандас лэ Иеговас анда вся оди. И Библия сыкавэл, кай о Иегова фартэ заботийпэ пала амэндэ. Андар со када дицол? Андэ лэско алав амэ можэм тэ адиносарас пала мануша и тэ уӷанас, со лэндэ сас по ди. Тоди амэ можэм тэ полас, кай лэндэ сас кацавэ жэ чуства, сар и амэндэ (Иак. 5:17). Но со май важно, кала амэ адиносарас, сар о Дэл обжаласпэ лэ манушэнца, амэ инке май драго полас, кай о Иегова «фартэ любий и жалуий анда вся оди» (Иак. 5:11). w23.02 6, абз. 13—15

Послиднё книжка андэ Библия залэлпэ кацавэ алавэнца: «И откровения лэ Иисусостар Христостар, сави дя лэсти о Дэл, кай тэ сыкавэл пэстирэ рабонэнди кода, со ӥто трэбуй тэ авэл» (Св. Т. 1:1). Важ када амэнди фартэ интересно кода, со терэлпэ андэ люма, и сар кадэлэса исполнинпэ и библейски пророчества. И дэкала амэ камас май ӥто тэ подас дума пала када ек еқэса. Кала амэ дас дума пала библейски пророчества, амэнди трэбуй тэ авас осторожни, кай нисо тэ на достас. Васо? Важ кода кай амэ на камас, кай через амарэ алава андэ собрания тэ на авэл единство. Например, амэ можэм тэ ашунас, сар и барэдэр мануша андэ страны доԥэндёнпэ тэ улэн варисаво розладо и тэ стерэн, кай тэ авэл мирно и безопасно. Варико сразу лэла тэ гиндой, кай кадэлэса исполнийпэ о пророчество анда 1 Фессалоникийцам 5:3. Но амэнди трэбуй тэ слидосарас пала послидни новости, савэ ԥэндя лэ Иеговастири арӷанизацыя. Если амэ андэ дума шас сама пэ када, тоди поможысарас лэ ԥралэнди и лэ ԥэянди андэ собрания тэ гиндон и тэ диқэн еқэндар (1 Кор. 1:10; 4:6). w23.02 16, абз. 4, 5

Васо о Иисус Христос куч важ тутэ? О Иисусо любий «о чачимос, смирения и праведность». Если ту любис кода, со чачимос и вужо англа Дэл, тоди, канешно, ту лэса тэ любис и лэ Иисусос. Погиндосар пала кода, кай во би дарако зашоласпэ пала чачимос и праведность (Иоан. 18:37). Но во кадяжэ сытярэл амэн тэ на авас ӷорди. Сар во када терэл? О Иисусо подэл амэнди примеро. Во андярэл пэс смирено и терэл кадя, кай тэ авэл ашунгло най во, ай лэско дад (Мар. 10:17, 18; Иоан. 5:19). Со ту гиндос пала када? Канешно, када побудий тут тэ любис лэ Дэвлэстирэ Шавэс и тэ терэс кадя жэ, сар во. Но васо о Иисусо сыкавэл и смирения? Важ кода кай любий пэстирэ Дадэс и андэ вся шолпэ пэр лэстэ, ай о Иегова тожэ сыкавэл смирения (Пс. 18:35; Евр. 1:3). Хэба када на побудий тут тэ сытёс лэ Иисусостар? w23.03 3, 4, абз. 6, 7

Андэ Библия ԥэнэнпэ, «кай ринапэ каринг и жызня кодэла, ко муля, праведни и нэправедни». Кай кадэла дуй ӷрупы манушэн авэла возможность тэ жувэн вечно пэ ԥув. И «праведни» мануша — када кодэла, ко вся и жызня предано служынас лэ Иеговасти. Ай и «нэправедни» на сас лэ Иеговастирэ служытеля. Но если и мануша анда кадэла дуй ӷрупы воскреснут, запистромэ лэндирэ алава андэ книӷа важ и жызня? И алава кодэлэндирэ, ко «праведни», сас запистромэ андэ книӷа важ и жызня, кала вонэ инке жувэнас. Но стрисардя о Иегова лэн анда кадэя книӷа посли лэндири смэрть? Най, важ кода кай во вся и время пала лэндэ сэрэл. Сар ԥэндя о Иисусо, о Иегова — «Дэл най лэ мулэнго, ай лэ жундэнго, важ кода кай важ лэстэ вонэ всаворэ жундэ» (Лука 20:38). Вижал, кала вонэ воскреснут пэ ԥув, лэндирэ алава идоси авэна андэ кадэя книӷа, но запистромэ, ԥэнэса, карандашоса (Лука 14:14). w22.09 16, абз. 9, 10

О Иегова камэлас, кай о пэрво мануш тэ радуийпэ кодэлэсти, савэ тварении сас круӷом лэстэ. Кала о Иегова создал лэ Адамос, во дя лэсти тэ жувэл андо шукарно садо и ԥэндя, кай во тэ заботийпэ пала лэстэ и тэ стерэл, кай кадэва раё тэ авэл па вся и ԥув (Быт. 2:8, 9). Наверно, кай о Адамо пэрэхутилэлас о фано, кала во диқэлас, сар пробарён и семена и розмэкэнпэ и цвиторя. Сави када дэ бари честь — тэ заботийпэ пала Эдэмско садо! О Иегова кадяжэ ԥэндя, кай о Адамо тэ дэл алав кажнонэ жывотнонэсти (Быт. 2:19, 20). О Дэл моӷ екжэно када тэ стерэл, но кадэя дила во дя лэ Адамости. Канешно, англа кода, сар тэ приақарэл кажно жывотно, о Адамо внимательно диқэлас, сар во андярэл пэс. Наверно, лэ Адамости фартэ чалёлас кадэлэса тэ залэлпэ. Через када во май драго поля лэ Иеговастири мудрость и пэскати о Дэл дэ лашо мастеро пэстиря дилати. w23.03 15, 16, абз. 3

О союзо машкар Великобритания и США — када ла статуятирэ талпы. Вижал, када послиднё мирово держава, пала сави ԥэнэнпэ андэ Библия (Дан. 2:31—33). Посли латэ на авэна авэр манушыканэ правительства. Лэ Дэвлэско Царство ӥто уничтожыт ла и всаворэ авэр правительства андо Армагеддоно (Св. Т. 16:13, 14, 16; 19:19, 20). Васо амэнди трэбуй тэ полас кадэва пророчество? Андэ лэ Даниилоско пророчество исин инке ек доказательство, кай амэ жувас андэ послиднё время. Май бут чем 2 500 лет палпалэ о Даниило пистросардя, кай посли Вавилоно по лэ Дэвлэско народо лэна фартэ тэ влияют инке штар мирови державы. И Англо-Американско мирово держава авэла послиднё андар лэндэ. Када амэнди фартэ придэл зор, и амэ патяс, кай ӥто лэ Дэвлэско Царство улэла всаворэ манушыканэ правительства и залэла вся и власть андэ пэстирэ вас. w22.07 4, абз. 9; 5, абз. 11, 12