Марто

О раё пэ ԥув пока нинай. Но давайте погиндосараса пала кода, со исин, — например, пала звёзды, витки, жывотни или мануша. Никастэ нинай сомнении, кай када исин, хоть варикала када на сас. Вся када адес амэ диқас, важ кода кай о Иегова када создал (Быт. 1:1, 26, 27). Амаро Дэл кадяжэ дэл алав, кай авэла о раё, и во обязательно зритярэла пэстирэ алава. Тоди кай и мануша авэла райкано зор и вечно жызня. Амэ можэм тэ авас уверени, кай кадя жэ сар диқас акана и тварении, амэ диқаса и о раё, саво авэла андэ время, сави стодя о Дэл (Ис. 65:17; Тайна 21:3, 4). Пока на ашэля о раё, терэн вся, кай тумари вера тэ авэл май састи. Розмышляйте и авэн блаӷодарни пала выкупо. Гиндон пала лэ Иеговаско зор. Терэн кода, со пашарэла тумэн каринг о Иегова. И тоди тумэ авэна машкар кодэла, ко через и вера и терпения диқлэ кода, пала со о Дэл дя алав (Евр. 6:11, 12). w23.04 31, абз. 18, 19

О Исусо ваздэл каринг о небо и яқа и вслух мангэлпэ. Во камэл, кай вся и патив пала кода, со терэлапэ, тэ прижал кати лэ Иеговасти. Потом о Исусо ԥэнэн: «Лазарё, вижа!» (Иоан. 11:43). И о Лазарё вижал анда моӷилка. О Исусо стердя кода, со дэсавэнди моӷло тэ здэлпэ, кай када нэвозможно. Када запистромэ, кай амэ тэ лас инке май фартэ тэ патяс, кай и мануша ринапэ каринг и жызня. Сар када? Вспомни, со о Исусо обещял ла Марфати. Во ԥэндя: «Тиро ԥрал ущела» (Иоан. 11:23). Кадя жэ сар лэ Иеговастэ, кай о Исусо исин жылания и зор тэ стерэл кода, пала со дя алав. Лэ Исусостирэ ясва драго сыкавэн, кай во фартэ камэл тэ улэл и смэрть и вся о ԥаримос, саво вой анэн. Кала о Лазарё, вижыля анда моӷилка, о Исусо инке еқварэс доԥэндя, кай лэстэ исин зор тэ рий лэ манушэн каринг и жызня. Инке погиндон пала алава, савэ о Исусо ԥэндя ла Марфати андо стихо пэ адес. Амэндэ исин вся, кай тэ патяс, кай о Дэл обязательно воскресия лэ манушэн. w23.04 11, 12, абз. 15, 16

Дэкала, кала амэ фэдэр полас, со камэл о Иегова, амэ диқас, кай трэбуй тэ мангаспэ пала варисо авэр. Важно тэ сэрас, кай лэ Иеговастэ тожэ исин цэль и кай во стерэла кода, со загиндосардя андэ пэстири время. О Дэл навсегда улэла всаворэ проблемы, савэ анэн бут ԥаримос. Када и бида андэ природа, о насвалимос и смэрть. О Иегова стерэла кода, со загиндосардя через пэско Царство (Дан. 2:44; Тайна 21:3, 4). Но пока кадэя время на авеля, о Дэл домэкэл, кай о Сатана тэ правий ла люмаса (Иоан. 12:31; Тайна 12:9). Если о Иегова ужэ акана тэ ришысардоп всаворэ лэ манушэндирэ проблемы, тоди моӷло тэ здэлпэ, кай лэ Сатанастэ андэ дэсо вижал драго тэ правий. Важ када амэнди трэбуй тэ аштярас, пока о Иегова зритярэла всаворэ пэстирэ обещянии. Но када на сыкавэл, кай во амэнди на поможый. О Иегова амэнди обязательно дэла зор. w23.05 8, абз. 4; 9, 10, абз. 7, 8

Пэрво, со амэ можэм тэ стерас важ амарэ ӷостёря пэ Вечеря, — када тэ ақарас лэн. Канешно, амэ можэм тэ ԥэнас пала Вечеря лэ манушэнди, савэн диқас андэ служэния. Но инке амэ можэм май данглал тэ погиндосарас пала кодэла, кас ӷанас, — кас андар лэндэ амэ камлоп тэ ақарас. Например, када можэт тэ авэл о родо, кодэла, каса амэ терас бути, или однокласникоря. Дажэ если амэ пороздаса всаворэ приӷлашэнии, амэ можэм тэ бишалас ссылка пэ электроно приӷлашэния. Прицтавь, если вонэ всаворэ авэна! (Эккл. 11:6). Трэбуй тэ полэс, кай кодэлэндэ, кас ақарэс пэ Вечеря, моӷут тэ авэн бут вопросоря. Особено тоди, кала вонэ ни еқвар на сас пэ амарэ собрании. Пала дэсавэ вопросоря амэ можэм тэ погиндосарас май данглал и тэ подӷотовимся каринг лэндэ. Но и посли кода сар прожала и Вечеря, кай амарэ ӷостёря моӷут тэ появинпэ нэвэ вопросоря. Жы каринг и Вечеря и посли латэ амэ камас тэ стерас вся пэстиря ригатар, кай тэ поможысарас кодэлэнди, «кастэ оди [цырдэл] каринг о чачимос» (Дила 13:48). w24.01 12, абз. 13, 15; 13, абз. 16

Андэ Библия росԥэнэнпэ пала 8 случаёря, кала лэ манушэн воскресинас каринг и жызня пэ ԥув. Авелоп драго, если тумэ май бут уӷанэна пала кажно анда кадэла случаёря. Старыинпэ варисости тэ сытён анда када. Гиндон, сар кажно примеро сыкавэл, кай лэ Дэвлэстэ исин жылания и зор тэ воскресий лэ манушэн. И особено гиндон пала само важно воскресения — када кала о Исусо рисайля каринг и жызня. Сэрэн, кай када доԥэндэ фартэ бут мануша, савэ када диқлэ пэстирэ яқэнца. Через кадэва чачимос амари вера ашэл май састи, кай англэ милиардоря мануша упалэ лэна тэ жувэн (1 Кр. 15:3—6, 20—22). Сар амэ блаӷодарни лэ Иеговасти, кай во дя алав, кай и мануша ринапэ каринг и жызня! Амэ можэм тэ патяс, кай во обязательно када стерэла, важ кода кай лэ Иеговастэ исин жылания и зор пэ када. Давайте жэ ласа бут со тэ терас, кай амари вера андэ воскресения тэ авэл май састи. Када поможыя амэнди инке май пашэ тэ авас каринг амаро Дэл, саво обещяет кажнонэсти андар мэндэ: «Тирэ пашутнэ ринапэ каринг и жызня!» (Иоан. 11:23). w23.04 8, абз. 2; 12, абз. 17; 13, абз. 20

Сэжо и найӷордо мануш — када почти ек. Тэ авэс сэжо — када значит ту полэс, пэр со тутэ исин зор, ай пэр со най. Ай тэ авэс найӷордо, када тэ стос патив пэ авэр (Флп. 2:3). Сэжо мануш обычно найӷордо. О Гедеоно сас сэжо и найӷордо мануш. Еқвар о анӷело лэсти ԥэндя, кай о Иегова витидя лэс, кай во тэ освободий лэско народо лэ мадианитянонэндар. Пэ када о Гедеоно сэжо ԥэндя: «Мэрно колено со май цыкно анда кодэла, ко жыля лэ Манасия́стар, ай мэ само цыкнэдэр андо ери кай мэрно дад» (Суд. 6:15). Лэстэ сас кацаво андо ди, кай кадэя дила най важ лэстэ. Но о Иегова ӷанэнас, кай во можэт када тэ стерэл. И лэ Иеговастирэ зорэса лэстэ вся драго вижыля. И барэдэр ԥрала андэ собрания старыинпэ андэ вся тэ авэн сэжи и найӷорди (Дила 20:18, 19). И барэдэр ԥрала на хвалинпэ кодэлэса, кай вонэ май лашэ аврэндар. Но и на гиндон, кай нисо на ашэн, если лэндэ варисо на вижыля. w23.06 3, абз. 4, 5

О пророчество пала кода, кай о потомко ростасавэла лэ Сатанасти о шэро, исполнияпэ най раньшэ, чем через 1 000 бэрш (Тайна 20:7—10). Жы каринг кодэя время, сар ԥэнэнпэ андэ Библия, авэна авэр фартэ интересни пророчества. Спэрва и народоря ԥэнэна: «Акана вся мирно и нинай дар!» (1 Фес. 5:2, 3). Потом вонэ дэна пэ всаворэ хохавнэ веры (Тайна 17:16). Кадя залэлапэ и бари бида. Посли када о Исусо сындоя лэ манушэн и отделия лэ бакрэн лэ бузнэндар (Матф. 25:31—33, 46). Но вся кадэя время о Сатана на бэшэла би дилако. Через пэстири холи во заставия и объединёни правительстворя (када о Гого па ԥув Магого) тэ дэн пэ лэ Иеговастирэ служытеля (Иез. 38:2, 10, 11). Андэ варисаво маменто и избрани, савэ жувэн пэ ԥув, ужана по небо, кай вместе лэ Христоса и лэстирэ войскоса тэ марэнпэ андо Армагедоно — андэ послиднё события андэ бари бида (Матф. 24:31; Тайна 16:14, 16). Ай потом залэлапэ и Тысячелетнё лэ Христостири правления (Тайна 20:6). w23.10 20, 21, абз. 9, 10

Адес бут лэ Иеговастирэ служытеля жувэн андэ страны, кай пэ лэндири дила стодэ запрето. Вонэ стон патив пэ власти. Но, кадя жэ сар о Авдиё, кадэла кучутнэ ԥрала и ԥэя никала на отԥэндён тэ тэлён лэ Иеговасти (Матф. 22:21). Вонэ сыкавэн, кай даран лэ Дэвлэстар и кандэн лэс, ай най лэ манушэн (Дила 5:29). Важ када вонэ на парашэн тэ росԥэнэн и лащи новость и тэ стидэнпэ еқэҭанэ, но терэн када осторожно (Матф. 10:16, 28). Вонэ заботинпэ, кай лэ ԥралэндэ и лэ ԥэяндэ тэ авэл вся, со трэбуй важ и лащи дружба лэ Иеговаса. Акэ ек примеро. О Анри́ жувэл андэ ек африканско страна. Раньшэ котэ пэ лэ Иеговастирэ свидетеля сас стодо запрето. Андэ кодэя время о Анри соӷласисайля тэ анэн лэ ԥралэнди и лэ ԥэянди амари литература. Акэ со во пистросардя: «Вобще, па жызни мэ лажавно мануш. Мэ уверено, кай ашэлэм смило кати через о Иегова». Ай вижала тутэ тэ авэс кацаво жэ смило, сар о Анри? Канешно, да! Если тутэ исин правильно дар англа Дэл. w23.06 15, абз. 9; 16, абз. 11

Значит ли када, кай, если о Адамо и Ева жылэ против о Дэл, тоди во на стерэла кода, со загиндосардя, кай пэ ԥув тэ жувэн и мануша, савэ кандэн лэс? Возможно, о Сатана гиндояс, кай лэ Дэвлэстэ нинай выходо анда кадэя ситуацыя. О Сатана моӷ тэ гиндой, кай лэ Дэвлэсти прижалапэ тэ умарэл лэ Адамос и ла Ева и вместо лэн тэ создаст аврэ манушэн. Но если о Иегова тэ стердоп кадя, тоди о Сатана ԥэндоп, кай во — хохавно. Васо? Важ кода кай андэ Бытие 1:28, о Дэл ԥэндя лэ Адамости и ла Евати, кай и мануша, савэ жана лэндар, ԥэрэна и ԥув. Или, возможно, о Сатана гиндояс, кай дажэ если о Иегова домэкэла, кай лэ Адамостэ и ла Еватэ тэ авэн бэяцэ, вонэ всаек никала на авэна совершэни (Эккл. 7:20; Римо 3:23). Тоди о Сатана ԥэндоп, кай о Иегова нэ можэт тэ достерэл пэстири дила. Васо? Если па вся и ԥув на авэла раё, кай жувэн совершэни мануша, савэ кандэн лэ Дэвлэс, тоди вижал, кай о Иегова на стердя кода, со загиндосардя. w23.11 5, 6, абз. 15, 16

О Иегова дэл амэнди понятно руковоцтво через пэско Алав и через пэстири арӷанизацыя. На трэбуй тэ достас варисо пэстар (Прит. 3:5—7). Важ када амэ на терас кадя, сар най пистромэ андэ Библия, и на стас правилоря андэ кодэла вопросоря, андэ савэ и ԥрала и ԥэя моӷут тэ витидэн екжэнэ. О Сатана использует и «хохавни и йвутни дума», ай кадяжэ и принцыпоря кадэлэ мирости, кай тэ хохавэл лэ манушэн и тэ розделий лэн (Клс. 2:8). Савэ ловушки во использовал андо пэрво вико? Пэрво: и мудрость, сави вигиндосардэ и мануша. Дуйто: и иудейски учении, савэ на сас лэ Дэвлэстар. И трито: и мнения, кай и христианоря трэбуй сас тэ ритярэн лэ Моисеёско законо. Када вся сас хохаимос, важ кода кай дурярэлас лэ Иеговастар — кодэлэстар, Кастар па чачимастэ жал и мудрость. Адес о Сатана хохавэл лэ манушэн через и новости, интэрнэто и соцыальни сети. Через лэндэ во розындярэл и теории заговора, и найчачунэ новости, ай кадяжэ кода, со можэт тэ подмарэл амэн тэ залас варикастири риг андэ политика. w23.07 16, абз. 11, 12

О Сатана дажэ на дополэлас, со стерэла о Иегова. Хоть о Сатана и пэрви мануша жылэ против о Дэл, во ӷанэнас, сар тэ розришый кадэя ситуацыя кадя, кай тэ зритярэл пэско алав. Во домэкля, кай лэ Адамостэ и ла Еватэ тэ авэн бэяцэ. Важ када о Сатана нэ моӷ тэ дошалярэл лэ Иеговас, кай во хохавно. Кадяжэ во нэ моӷ тэ ԥэнэн, кай о Иегова на достерэл пэстири дила. Важ кода кай о Дэл позаботисайля, кай тэ авэл о «потомко», саво отдэла пэстири жызня и спасыя лэ кандинэ манушэн, савэ жылэ лэ Адамостар и ла Еватар (Быт. 3:15; 22:18). О Сатана дажэ нэ моӷ и тэ гиндой, кай о Иегова жала пэ кацави жэртва. Васо? Важ кода кай о Иегова када терэлас анда вся ди и нисо на родэлас важ пэстэ (Матф. 20:28; Иоан. 3:16). Ай лэ Сатанастэ нинай кацави любовь. Во гиндой кати пала пэстэ. Саво лашымос анэна о выкупо? Кала закончица и Тысячелетнё лэ Христостири правления, андо раё пэ ԥув лэна тэ жувэн совершэни и кандинэ мануша, савэ жылэ лэ Адамостар и ла Еватар. Вся авэла кадя, сар и загиндосардя о Дэл спэрва. w23.11 6, абз. 17

Амэ ритярас лэ Иеговаско законо пала жызня и рат. Васо? Важ кода кай о рат — када и жызня, кучутно лэ Дэвлэско подарко (Лев. 17:14). Кала о Иегова пэрво разо домэкля, кай и мануша тэ хан о мас, во ԥэндя, кай вонэ тэ на хан о рат (Быт. 9:4). О Дэл упалэ када ԥэндя, кала дя лэ израильтянонэнди лэ Моисеёско законо (Лев. 17:10). Во побудисардя, кай о руководящё совето андо пэрво вико тэ ԥэнэн всаворэ христианонэнди «тэ ритярдён май дур... лэ ратэстар» (Дила 15:28, 29). Амэ кандас лэ Дэвлэс андэ када, кала витидас, сар тэ личисавас. Амэ кадяжэ жувас строӷо па лэ Иеговастирэ нравствени нормы. О апостало Павло ԥэнэн, кай амэ тэ улас и найлашэ жылании. Амэ на диқас пэ картинки, савэ моӷут тэ подмарэн каринг о билажавардимос, и на терас кода, со можэт каринг лэстэ тэ анэн (Иов 31:1; Клс. 3:5). w23.07 15, абз. 5, 6

И Далила вся и время вихалас лэ Самсоности оди, кай во тэ виԥэнэн лати, васо лэстэ кацаво баро зор. Хэба сас во кацаво доверчиво, кай через и любовь каринг латэ во тэ на додиқэл лако найлашо гиндо? Сар бы када тэ на авэл, во кангля ла. Жалко, кай через кадэя ошыбка, о Самсоно пэ дэсави время хасардя пэско зор и дружба лэ Иеговаса (Суд. 16:16—20). О Самсоно цырдя бида пэ пэско шэро, кала патяя ла Далилати, ай най лэ Иеговасти. И филистимляноря хутилдэ лэс и випусадэ лэсти и яқа. Лэ Самсонос шутэ андо баруно андэ Газа, лэс стердэ рабоса и застависардэ тэ мэлий о зэрно. Тоди и филистимляноря стидэсаспэ по празнико, кай тэ анэн бари жэртва пэстирэ дэвлэсти лэ Дагоности. Вонэ патянас, кай лэнго дэл отдя лэ Самсонос лэнди андэ вас. Лэ Самсонос андэ́ анда баруно, кай тэ подасанпэ лэстар (Суд. 16:21—25). w23.09 5, 6, абз. 13, 14

Со, если о мануш па бути или однокласнико пушэл, васо амэ ритярас лэ Иеговастири время? Амэ пристаса зор, кай тэ объяснисарас лэсти када. Но андэ кодэя жэ время стаса патив пэ кода, андэр со во патял (1 Пёт. 3:15). Кала о мануш задэл вопросо, старысав тэ диқэс пэ када най кадя, кай во долэлпэ андэ дума или приасалпэ. Дик пэ када, сар пэ возможность тэ полэс пала со во пережывает. Сар бы о мануш амэндар тэ на пушэл, амэ всегда камас тэ отвечаем най ӷрубо и ковлэ одеса. Када можэт тэ поможый лэсти тэ парувэл пэско гиндо. Возможно, о мануш па бути пушэл, васо лэ Иеговастирэ свидетеля на справин и день рождения. Пристон зор, кай май бут тэ полэн. Возможно, во гиндой, кай амэнди вобще нащи драго тэ проандярас и время. Со амэ можэм тэ стерас, кай во тэ на пережывает пала када? Амэ можэм тэ поблаӷодарисарас лэс, кай во гиндой пала мануша. Посли када амэндэ, возможно, вижала драго тэ подас дума лэса и тэ росԥэнас, со андэ Библия ԥэнэнпэ пала день рождения. w23.09 17, абз. 10, 11

Амэ трэбуй годяса тэ проандярас и время и тэ на витидас, касти тэ росԥэнас важ о Дэл. О апостало Пётро ԥэнэн амэнди тэ сэрас пала лэ Иеговаско дес (2 Пёт. 3:11, 12). Сар амэ можэм када тэ терас? Амэнди трэбуй тэ гиндосарас пала райкани жызня, сави авэла андо раё пэ ԥув. Если тутэ исин возможность, тер када кажно дес. Драго прецтавляй пэсти, сар ту ԥурдэс вужэ воздухоса, хас лашо хамос и диқэспэ пэстирэ пашутнэ манушэнца, савэ рисайлэ каринг и жызня. Кадяжэ погиндосар, сар ту лэса тэ сытярэс кодэлэн, ко жувэлас бут викоря палпалэ, и тэ росԥэнэс лэнди, сар о Дэл зритярдя пэстирэ алава. Кацавэ гиндоря поможына тути тэ на цыёс тэ аштярэс и тэ на авэл всаек пэ кода, со терэлпэ андэ люма. Если амэ ӷанас, со авэла англэ, амэн не смоӷут тэ обхохавэн кодэла, ко на патян, кай ӥто авэла лэ Иеговаско дес. w23.09 27, абз. 5, 6

Бут бэяцэ и подросткоря на кандэн лэ родителёнэн (2 Тим. 3:1, 2). Васо? Варико гиндой, кай и взросли мангэн лэ бэятонэндар кода, со на терэн екжэнэ. Авэр гиндон, кай и дада и дэя бут со на полэн или вонэ фартэ строӷи. Тэрнэ ԥрала и ԥэя, ай тумэндэ исин кацавэ гиндоря? Адес бутэнди ԥарэс тэ терэн кадя, сар ԥэнэн о Иегова андо стихо по дес. Но со поможыя тумэнди тэ кандэн? Пэрво со май лашо примеро, сар тэ кандэн, — када о Исусо. Тумэ можэте тэ сытён лэстар (1 Пёт. 2:21—24). Во сас совершэно мануш, савэс барярэнас и несовершэни родителя. Но о Исусо столас пэр лэндэ патив, дажэ кала вонэ шылинаспэ или на полэнас лэс (Исх. 20:12). w23.10 7, абз. 4, 5

О апостало Павло росԥэндя, кай и жэртвы, савэ анэнас тала законо, не моӷли полностью тэ вивужарэн лэ манушэн лэ бэзэхэстар. Имено важ када о законо будэр на сас. Потом андэ пэско письмо лэ евреёнэнди о Павло пэрэжыля каринг и май ԥарэ учении. Во напомнил лэ христианонэнди пала май лащи надежда, сави ритярдёл пэ лэ Исусостири жэртва и через сави вонэ па чачимастэ моӷут тэ авэн май пашэ каринг о Дэл (Евр. 7:19). О Павло сыкадя пэстирэ ԥралэнди анда евреёря, кай на трэбуй тэ ритярдён пала кода, со сас. Кода, сар вонэ тэлёнас лэ Дэвлэсти раньшэ, «сар тень сыкавэлас кода, со трэбуй тэ авэл англэ, но со па чачимастэ исин — када о Христос» (Клс. 2:17). Па тень полэса кати саво када предмето. Точно кадя жэ лэ евреёнэндири поклонения раньшэ сас кати «тень» важ и май лащи поклонения, сави о Дэл камля тэ стерэл. Амэ трэбуй тэ полас, со о Иегова стердя важ кода, кай амарэ бэзэха тэ простинпэ и амэ тэ тэлювас лэсти кадя, сар во камэл. w23.10 25, абз. 4, 5

Андэ 11 ӷлава Даниила ԥэнэнпэ пала дуй царёря, или правительстворя, савэ боринпэ ек еқэса, кай тэ доԥэнэн, ко адес со май зорало. Если сыстосараса кадэва и авэр библейски пророчества, када поможыя тэ полас, кай «о северно царё» — када и Россия и кодэла, ко ла подритярэн, ай «о южно царё» — када и Англо-Американско мирово держава. Лэ Дэвлэстирэ служытеля, савэ жувэн котэ, кай правий о «северно царё», пэр пэстэ диқэн лэстири холи. Важ кода кай патян андо Дэл, дэсавэ свидетелёнэн марэн и шон андэ барунэ. Но кай о «северно царё» на вижал тэ пэрэдаравэл амарэ ԥралэн. Наоборот, лэндири вера ашэл инке май састи. Васо? Важ кода кай вонэ диқэн, сар точно исполнийпэ о пророчество, саво запистросардя о Даниило (Дан. 11:41). Если амэ сэрас када, амэндэ вижала тэ на хасарас амари надежда и тэ ашаспэ предани лэ Иеговасти. w23.08 11, абз. 15, 16

О Иегова любий амэн. Важ када во шол сама пэ кода, со амэндэ андо ди и всегда ӷотово тэ зашолпэ пала амэндэ. Кала амэнди найдраго, через када лэсти тожэ ԥарэс, вижал, амэ можэм тэ мангаспэ: «Фэрисар ман сар пэстири як» (Пс. 17:8). И во обязательно дэла ответо. И як фартэ чуствительно. Важ када, кала о Иегова сыстой амэн пэстирэ зрачкоса, во, кабута, ԥэнэн: «Любо, ко терэл найлашымос тумэнди, терэл дуқанэс манди». О Иегова камэл, кай амэ тэ патяс, кай во амэн любий. Но дэкала через о ԥаримос, саво амэ пэрэжудям или саво амэндэ исин акана, ԥарэс тэ патяс, кай о Дэл амэн любий. Сар када тэ на домэкас? w24.01 27, абз. 6, 7

Ездра ужэ диқля, сар о Иегова спасысардя пэско народо андэ ԥари время. Андо 484 бэрш до н. э. о царё Ахашверошо приԥэндя тэ умарэн всаворэ евреёнэн андо Персицко царство. Тоди о Ездра, наверно, жувэлас андо Вавилоно (Эсф. 3:7, 13—15). Лэс тожэ моӷли тэ умарэн! Кала и евреёря уӷанглэ пала кода, со приԥэндя о царё, всаворэ вонэ линэ тэ ритярэн о посто и тэ ровэн. Наверно, вонэ анда вся оди мангэнас лэ Иеговас, кай во тэ фэрий лэн (Эсф. 4:3). И акэ и ситуацыя полностью паруделя. Кодэва найлашымос, саво камэнас тэ стерэн лэ евреёнэнди, дя пэ лэндирэ вороӷоря! (Эсф. 9:1, 2). Погиндон, со сас по ди кай о Ездра и кай авэр евреёря. Кода, со пэрэжудя о Ездра, андэ кодэла деса поможысардя лэсти тэ авэл ӷотово каринг о ԥаримос, саво авэла англэ андэ лэстири жызня. Во кадяжэ ля май фартэ тэ патял, кай лэ Иеговастэ исин баро зор тэ спасый пэстирэ народос. w23.11 17, абз. 12, 13

О апостало Павло май бут шолас сама пэ дила, сави трэбуй сас тэ терэн па лэ Маисеёско законо, саво о Дэл дя паша плай Синаё (Римо 3:21, 28). Андэ лэ Павлостирэ деса дэсавэ христианоря, савэ сас евреёря, на полэнас, кай будэр на трэбуй сас тэ ритярэн лэ Маисеёско законо. Важ када о Павло па лэ Авраамоско примеро доԥэндя, кай о Дэл прижанэн лэ манушэс найдошалэса най через кода, кай во ритярэл лэ Маисеёско законо, ай важ кода, кай лэстэ исин вера. Кадэва гиндо фартэ подритярэл амэн! Амэ драго диқас, кай если патяс андо Дэл и андо Исусо, тоди о Иегова авэла амэнца довольно. Дила, пала сави пистросардя о Иаково андэ 2 ӷлава андэ пэско письмо, када най кодэя дила, пала сави ԥэнэнпэ андэ лэ Маисеёско законо. О Иаково ԥэнэн пала лашымос, саво терэл о христианино андэ пэстири жызня (Иак. 2:24). Имено кала о мануш кадя терэл, кадэлэса во сыкавэл, кай па чачимастэ патял андо Дэл. w23.12 3, абз. 8; 4, 5, абз. 10, 11

Ԥэя, савэ ришын тэ жан миростэ, трэбуй годяса тэ витидэн пала кастэ тэ вижан. Сэр, кай о мануш, пала кастэ ту жаса, ашэла пэр тутэ хулай и тути трэбуй авэла лэс тэ кандэс (Римо 7:2; Еф. 5:33). Важ када пуш пэстар: «Старыийпэ во тэ терэл кадя, сар о Христос? Дицол, кай о Иегова по пэрво ҭан андэ лэстири жызня? Прилэл во годявэрнэ ришэнии? Прижанэн во пэстирэ ошыбки? Стол во патив пэ жувля? Сможэт во тэ поможый манди, кай мэрни дружба лэ Иеговаса тэ авэл май састи? Затерэла во ловэ, кай амэндэ тэ авэл вся, со трэбуй важ и жызня? Авэла во важ мандэ лашо друӷо?» Канешно, тути трэбуй тэ гиндос най кати пала кода, сар тэ виарақэс лашэ хулас, но и пала кода, сар екжэни тэ авэс лащи хулаи. Лащи хулаи — када помошница важ пэско хулай (Быт. 2:18). Важ кода кай и хулаи любий лэ Иеговас, вой заботийпэ пала пэско хулай, кай пала лэстэ всегда драго тэ дэн дума (Прит. 31:11, 12; 1 Тим. 3:11). Сар тэ авэс лащи хулаи? Ту ужэ акана можэш тэ терэс вся, кай май фартэ тэ любис лэ Иеговас и тэ авэс лащи помошница важ пэстирэ чаче и важ и ԥрала и ԥэя андэ собрания. w23.12 22, 23, абз. 18, 19

О Иегова обещяет, кай дэла амэнди мудрость, кала амэнди трэбуй тэ прилас лашэ ришэнии. Андэ савэ ситуацыи амэнди особено трэбуй мудрость лэ Дэвлэстар? Кала амэ прилас ришэнии, савэ моӷут тэ повлияют пэ вся амари жызня. Инке о Иегова дэл амэнди зор тэ виритярас и трудности. Кадяжэ сар во дя зор и лэ Павлости (Флп 4:13). Например, о Иегова поможый амэнди через и ԥрала и ԥэя. И рят, англа пэстири смэрть, о Исусо анда вся ди мангэласпэ. Пала со во мангэлас лэ Иеговас? О Исусо на камэлас, кай лэс тэ дошалярэн андэ кода, кай во ԥэнэн найлашэ алава по Дэл. Но о Иегова на зля пар лэстэ кадэя дош. Сар жэ во поможысардя пэстирэ Шавэсти? Во бишалдя еқэ анӷелос, лэ Исусостирэ ԥралэс, кай во лэс тэ подритярэл (Лука 22:42, 43). О Иегова можэт кадяжэ тэ побудий варикас анда собрания тэ зажал каринг амэндэ или тэ позвоний. Важ када кажно андар мэндэ можэт тэ родэл возможность, кай тэ ԥэнэн «лашо алав» лэ ԥралэнди и лэ ԥэянди (Прит. 12:25). w23.05 10, 11, абз. 9—11

Кала и ԥрала и ԥэя, савэ парашэлэ тэ ԥирэн пэ собрания, авэн пэ Вечеря, вонэ моӷут тэ даран, кай лэн прилэна най анда вся оди. Важ када на пушэн лэндар пала кода, через со лэнди можэт тэ авэл лажаво, и на ԥэнэн кода, состар лэнди авэла дуқанэс. Кадэла ԥрала и ԥэя — када амаро ери, савэса амэ полас еқэ Дэвлэс. Амэ лошалэ упалэ тэ тэлювас лэ Дэвлэсти вмести лэнца! (Пс. 119:176; Дила 20:35). Амэ фартэ блаӷодарни, кай о Исусо приԥэндя амэнди кажно бэрш тэ вспоминаем пала лэстири смэрть. Тэ авас пэ Вечеря фартэ важно. Када анэн лашымос и амэнди и аврэнди (Ис. 48:17, 18). Амэ лас май фартэ тэ любисарас лэ Иеговас и лэ Исусос. Инке амэ сыкавас лэнди, сар дэ куч амэнди кода, со вонэ важ амэндэ стердэ. Ай кадяжэ амари дружба лэ ԥралэнца и лэ ԥэянца ашэл май састи. Инке амэ поможысарас всаворэнди тэ уӷанэн, сави жызня авэла англэ, блаӷодаря кодэлэсти, кай о Исусо отдя пэстири жызня важ амэндэ. И Вечеря, кай тэ сэрас пала лэ Исусостири смэрть, — када со май важно события андо бэрш. Давайте пристаса вся о зор, кай тэ авас ӷотови каринг кадэва дес! w24.01 14, абз. 18

Сар о Иегова андярэл амэн? Ӷлавно через со во када терэл — када и Библия. Кадяжэ во сыкавэл амэнди о дром через и мануша. Например, через «о кандино и годявэрно рабо». Кадэва рабо дэл амэнди тэ хас па лэ дэвлэстири мисяйля. Через када амэ можэм тэ прилас годявэрнэ ришэнии (Матф. 24:45). Инке о Иегова ԥэнэн амэнди, со тэ терас, через авэр способни мурша, кацавэ сар раёни и катутнэ барэдэр ԥрала. Вонэ подритярэн амэн и ԥэнэн, со тэ терас, кай тэ виритярас о ԥаримос. Амэ анда вся оди блаӷодарни лэ Иеговасти, кай во кадя драго андярэл амэн андэ послидни деса кадэла люмати. Кода, со дэл амэнди о Иегова, поможый тэ на парашас тэ дружысарас лэса и тэ на зжас па дром, саво андярэл каринг и жызня. Но дэкала амэнди можэт тэ авэл найвушэро тэ терас кода, со ԥэнэн о Иегова. Особено, кала во када терэл через и несовершэни мануша. Андэ кацавэ маменторя амэнди фартэ трэбуй тэ патяс, кай лэндирэ алава жан лэ Иеговастар и вся и время анэн амэнди лашымос. w24.02 20, абз. 2, 3

Кай тэ любисарас лэ Дэвлэс инке май фартэ, амэнди трэбуй драго тэ изучаем лэско Алав. Кала ту адинос и Библия, старысав тэ полэс, со кажно стихо росԥэнэн тути пала Иегова. Пуш пэстар: «Сар кадэва расказо сыкавэл, кай о Иегова любий ман? Сар кадэла библейски стихоря побудин ман тэ любисарав лэс?» Кадяжэ амэ сможэм май фартэ тэ любисарас лэ Иеговас, если вся и время ласа тэ росԥэнас лэсти андэ молитва кода, со амэндэ по ди (Пс. 25:4, 5). Ай во, пэстиря ригатар, лэла атвечать пэ амарэ молитвы (1 Иоан. 3:21, 22). Кадяжэ, амэнди трэбуй тэ на парашас тэ любисарас аврэн. Вспомните пала апостоло Павло. Во уӷангля райканэ тэрнэ манушэс, савэс ақарэнас Тимофеё. О Тимофеё любияс лэ Иеговас и лэ манушэн. Прожылэ бэрша, и о Павло пистросардя пала лэстэ лэ христианонэнди андэ Филиппы: «Мандэ авэр нико нинай, савэстэ авелоп кацаво жэ настроё, кай анда оди тэ заботийпэ пала тумэндэ» (Флп. 2:20). О Павло шолас сама, кай о Тимофеё фартэ любияс лэ ԥралэн и лэ ԥэян. Амэ уверени, кай и ԥрала и ԥэя андэ собрании фартэ аштярэнас кодэя время, кала лэндэ авэла о Тимофеё (1 Кр. 4:17). w23.07 9, абз. 7—10

О Маисеё муля жы каринг кода, сар и израильтяноря авелэ пэ ԥув, пала сави о Иегова дя лэнди алав. Хэба ашэляпэ лэ Дэвлэско народо екжэно? Най. Пока вонэ кандэнас лэ Иеговас, во заботияспэ пала лэндэ. Англа кода, сар о Маисеё тэ мэрэл, о Дэл ԥэндя, кай во тэ стол барэдэрэса андо народо лэ Исусоос Навинос. Ужэ бут бэрша май данглал о Маисеё сытярэлас лэ Исусоос (Исх. 33:11; Втор. 34:9). Инке андо народо сас авэр мурша, савэ моӷли драго тэ терэн и дила. Вонэ сас барэдэр пэ мануша, савэн сас 1 000, 100, 50 и дажэ 10 (Втор. 1:15). Амэ диқас, кай пала лэ Дэвлэско народо драго заботинаспэ. Кадя сас и тоди, кала жувэлас о Илья, саво пэрэдэлас и алава лэ Дэвлэстар. Во бут бэрша поможыяс лэ израильтянонэнди тэ тэлён лэ Иеговасти. Но поджыля и время, кала о Дэл дя лэсти авэр дила андэ Иудея (2 Цар. 2:1; 2 Лет. 21:12). Ай со сас лэ Дэвлэстирэ служытелёнэнца, савэ жувэнас андо израильско царство? Можэт вонэ ашэлэпэ екжэнэ и на ӷанэнас, со тэ терэн? Най. Ужэ дэсавэ бэрша о Илья сытярэлас лэ Елисеёс. О Иегова драго диқэлас пала пэстирэ предани служытеля и на парашэлас тэ терэл кода, со загиндосардя. w24.02 5, абз. 12

И христианоря закамлэ тэ жувэн кадя, сар пистромэ андэ лэ Дэвлэско алав, саво сас сар свето важ лэнго дром (Пс. 119:105). Кадэла мануша парашэлэ тэ тэлён лэ идалонэнди и тэ терэн билажавардимос. Вонэ линэ тэ сытён кай о Дэл и старыинаспэ тэ служын лэсти кадя, кай тэ радуин лэс (Еф. 5:1). Кода, со амэ диқас адес, шолпэ пэ кодэя время. Жы каринг кода, сар тэ уӷанас о чачимос, амэ самас андэ тэмнота. Васо кадя можно тэ ԥэнас? Важ кода кай дэсавэ андар мэндэ справинас празникоря анда хохавнэ веры, ай варико андярэлас билажаварди жызня. Но кала амэ уӷанглям, со важ о Иегова лашымос, ай со най, амэ паруделям. Амэ закамлям тэ жувас па лэ Дэвлэско свынто законо, кай тэ радосарас лэско ди. Амари жызня ашэля пэ бутэстэ май лащи (Ис. 48:17). Но амэнди всаек трэбуй тэ фэрисавас кодэлэстар, кай упалэ тэ на попэрас андэ тэмнота. Трэбуй тэ ритярдювас латар май дур и тэ андярас пэс «сар лэ светостирэ бэяцэ». w24.03 21, абз. 6, 7

Тути можэт тэ здэлпэ, кай ту пока нэ ӷотово тэ дэс алав тэ жувэс важ о Дэл и тэ болдёс. Возможно, тути инке трэбуй варисо тэ парувэс андэ пэстири жызня, кай андэ вся тэ ритярэс лэ Иеговаско законо. Или можэт трэбуй май бут время, кай тири вера тэ ашэл май састи (Клс. 2:6, 7). Най всаворэндэ, ко изучает и Библия, и дружба лэ Дэвлэса ӥто ашэл састи. И най всаворэ тэрнэ мануша ӷотови тэ отдэн пэстири жызня лэ Дэвлэсти и тэ болдён андэ ек возрасто. Старысав тэ полэс, со трэбуй тэ лашарэс имено тути и на сыстосар пэс аврэнца (Гал. 6:4, 5). Если ту инке най ӷотово тэ отдэс пэстири жызня лэ Иеговасти, всаек старысав тэ домардёс кадэя цэль. Мангпэ, кай о Иегова тэ поможый тути тэ парудёс (Флп. 2:13). Патя, во ашунэна тири молитва и дэла атвето пэр латэ (1 Иоан. 5:14). w24.03 5, абз. 9, 10

Еқвар и Сарра сас фартэ растроено, кай выԥэндя вся лэ Авраамости и дошалярдя лэс андэ пэско ԥаримос. Но о Авраамо ӷанэнас, кай и Сарра сас кандини и найӷордо хулаи. Важ када во виашундя ла и стердя вся, кай тэ ришый латири проблема (Быт. 16:5—6). Сости лэстар моӷут тэ сытён и хула́я? Тумэндэ исин право тэ прилэн ришэния важ вся о ери (1 Кр. 11:3). Ту сыкавэса пэстири любовь, кала лэса внимательно тэ ашунэс, со ԥэнэн и хулаи. Еқвар о Авраамо мангля ла Сарра тэ ашавэл пэстири дила и тэ гитой бут марно, кай тэ шол сама лэ манушэн, савэ нэожыдано лэндэ авелэ (Быт. 18:6). И Сарра сразу кангля лэ Авраамос. Кучутнэ хулая́, тумэ можэте тэ терэн кадя жэ, сар и Сарра, кала подритярэн пэстирэ хулан андэ лэндирэ ришэнии. Кадя тумэ састярэна пэско ери (1 Пёт. 3:5, 6). w23.05 24, 25, абз. 16, 17

Посли кода, сар о Гедеоно сас стодо сындомареса андо Израилё, во трэбуй сас тэ авэл кандино и смило. Лэстэ сас опасно задания — тэ розмарэл лэ Ваалоско жэртвенико, саво сас лэстирэ дадэско (Суд. 6:25, 26). Ӷэт май интя о Дэл дуварэс дясас лэсти указании тэ стерэл пэско войско май цыкно (Суд. 7:2—7). Ай инке, лэсти сас ԥэндо тэ жал пэ вороӷоря и рят (Суд. 7:9—11). И барэдэр ԥрала тожэ трэбуй тэ кандэн. Кандино барэдэр ԥрал терэл, сар пистромэ андэ Библия, и всаворэ́ одеса прилэл и указании, савэ дэл лэ Иеговастири арӷанизацыя. Кадэлэса вонэ подэн розлашо примеро важ авэр. И всаек моӷут тэ авэн кацавэ ситуацыи, андэ савэ найвушэро тэ кандэн. Например, лэ барэдэрэ ԥралэсти моӷут тэ бишалэн бут указании или вонэ ӥто парудён и лэсти найвушэро лэн тэ прилэл. Или лэсти можэт тэ здэлпэ, кай дэсавэ указании найгодявэрнэ и лэндар нинай нисаво толко. Или лэсти динэ варисави дила, через сави во можэт тэ бэшэл андо бар. Сар андэ кацавэ ситуацыи и барэдэр ԥрала моӷут тэ сытён кай о Гедеоно? Если авэна драго тэ ашунэн о руковоцтво и тэ кандэн. w23.06 4, 5, абз. 9—11