Сар тэ витидэс кода, со радуия лэ Иеговас?

1. Со амэ всаворэ терас кажно дес?

КАЖНО дес амэнди прижалпэ тэ витидас. Дэкала када вушэро. Например, со амэ ласа тэ хас или васкати пэраса тэ совас. Но дэкала най вся кадя просто. Кодэлэстар, со амэ витидас, зависит, саво зор амэндэ авэла, пэскати дэ бахталэ амэ аваса, со авэла амэнца и амарэ ереса и сар амэ ласа тэ андярас лэ Дэвлэстири время. Амэ камас, кай амарэ решэнии тэ анэн лашымос и амэнди, и амарэ чаченди. Но со май ӷлавно важ амэндэ — када тэ радосарас лэ Иеговас (Римо 12:1, 2).

2. Со поможыя тэ прилас лашэ решэнии?

² Амэ приласа лащи решэния, если: 1) уӷанаса май бут, 2) поласа лэ Иеговаско гиндо и 3) драго погиндосараса. Давайте подаса дума пала када и диқаса, со поможыя амэнди екжэнэнди тэ прилас решэнии (Прит. 2:11).

УӶАН МАЙ БУТ

3. Васо англа кода сар тэ прилэс решэния, трэбуй вся драго тэ розуӷанэс? Призындяр примеро.

³ Пэрво, со трэбуй тэ стерэс, — када тэ розуӷанэс май бут. Васо када важно? Погиндосар пала кацаво примеро: кай о мануш исин бари проблема лэ зорэса и во авеля каринг о врачо. Авэла о врачо сразу тэ лечий лэс, если дажэ на продиқля лэс и на задя лэсти ни ек вопросо? Канешно най! Амэ можэм тэ терас кадя жэ, кала прилас решэнии. Амэнди тожэ спэрва трэбуй тэ стидас вся и инфармацыя, сави поджал каринг амари ситуацыя. Сар када тэ стерас?

4. Сар пистромэ андэ Притчи 18:13, со поможыя тэ уӷанэс май бут? (Кадяжэ диқэн и картинка.)

⁴ Кай тэ уӷанэс май бут, трэбуй тэ задэс дэсавэ вопросоря. Ԥэнаса, стодэ мисяйля и тут ақардэ пэр латэ. И тути трэбуй тэ витидэс: тэ жас чи най. Если ту на ӷанэс, сар вся лэла тэ прожал, тоди задэ кацавэ вопросоря: «Кай и кала када авэла? Скати котэ авэна мануша? Ко лэла тэ диқэл пала порядко? Кас инке ақардэ? Сар када авэла? Со котэ авэла? Ай авэла пэ кадэя мисяйля пимос?» Кадэла вопросоря поможына тэ прилэс годявэрни решэния. (Проадинон Притчи 18:13.)

5. Со трэбуй тэ стерэс, кала ту вся розуӷанглян?

⁵ Акана, кала ту уӷанглян май бут, со трэбуй тэ терэс? Трэбуй драго тэ погиндос пала вся ситуацыя. Например, ту можэш тэ уӷанэс, кай котэ авэна и мануша, савэ на ритярэн лэ Иеговаско законо, или кай нико на лэла тэ следий пала кода, кай о миро тэ на пэрэпэл. Погиндосар май данглал, можэт вся тэ жал най кадя и тэ зажал бида? (1 Пёт. 4:3). Но трэбуй тэ сэрэс най кати пала када. Можэт, андэ кадэя время тутэ собрания или ту ужэ доԥэнделян тэ жас тэ росԥэнэс важ о Дэл. Кала ту уӷанглян вся, со трэбуй, тути ужэ май вушэро тэ прилэс лащи решэния. Но акана трэбуй тэ стерэс инке коесо. Тутэ исин пэско гиндо пала кадэя ситуацыя. Но со важ латэ гиндой о Иегова? (Прит. 2:6).

ПОЛЭ ЛЭ ИЕГОВАСКО ГИНДО

6. Сар ԥэнэнпэ андо Иаково 1:5, васо амэнди трэбуй тэ мангас лэ Иеговастар помощь?

⁶ Манг лэ Иеговас тэ поможый тути тэ полэс, со во гиндой пала тири ситуацыя. О Дэл ԥэндя, кай поможыя амэнди тэ авас май годявэрнэ. Кадя ту сможэш тэ полэс, чалёла лэсти тири решэния чи най. Кацави помощь о Иегова «дэл всаворэнди анда ди и никас пала када на лажаварэл». (Проадинон Иаково 1:5.)

7. Сар тэ полэс лэ Иеговаско гиндо? Призындяр примеро.

⁷ Посли кода сар ту манглянпэ, доаштярдюв лэ Иеговаско ответо. Прецтавь, кай ту заблудисайлян андо чужо форо и пушэс о дром кай о катутно мануш. Но жаса ту май дур, кала во тути инке нисо на ԥэндя? Канешно най. Ту лэса внимательно тэ ашунэс, со во ԥэнэна. Точно кадя жэ, посли кода сар ту манглян лэ Иеговастар помощь, старысав тэ полэс лэско ответо. Важ када трэбуй тэ погиндос, савэ библейски законоря и понятии поджан каринг тири ситуацыя. Например, со поможыя тути тэ витидэс, тэ жас пэ кодэя мисяйля, пала сави амэ дям дума май данглал, чи най? Май драго розуӷан, со пистромэ андэ Библия. Со андэр латэ ԥэнэнпэ пала кода, кала виринпэ пэ ӷульбы, кала проандярэн и время найлашэ манушэнца и пала кода, со о христианино трэбуй тэ стол по пэрво ҭан андэ пэстири жызня, — лэ Дэвлэско Царство или кода, со лэсти екжэнэсти камэлпэ? (Матф. 6:33; Римо 13:13; 1 Кр. 15:33).

8. Сар тэ виарақэс и гиндоря, савэ тути поможына? (Кадяжэ диқэн и картинка.)

⁸ Дэкала бывает най кадя вушэро тэ стидэс вся инфармацыя. Тоди ту можэш тэ подэс дума лэ ԥралэса или ла ԥьяса, кай тэ ашунэс лашо совето. Но инке важно екжэно тэ розлэспэ андэ кадэва вопросо. Бут лашэ гиндоря ту виарақэса андо «Справочнико па публикацыи кай лэ Иеговастирэ свидетеля» и андэ книжка «И Библия поможый тэ андярас лэ Дэвлэстири время». Сэр, кай тири цэль — тэ прилэс кацави решэния, сави чалёла лэ Иеговасти.

9. Сар точно тэ полэс, кай лэ Иеговасти чалёла амари решэния? (Ефесо 5:17).

⁹ Сар точно тэ полэс, кай лэ Иеговасти чалёла тири решэния? Само ӷлавно — тути трэбуй драго тэ ӷанэс амарэ Дэвлэс. Андэ Библия ԥэнэнпэ: «Кала... [о мануш] уӷанэн пала Свынто Дэл, во сытёл тэ росполэл» (Прит. 9:10). Да, амэнди трэбуй тэ полас, саво о Иегова, со лэсти уӷодно, со во любий, ай со вэрыцый. Важ када пуш пэстар: «Если тэ ритярав андо шэро вся, со мэ ӷанав пала Иегова, сави решэния лэсти чалёла?» (Проадинон Ефесо 5:17.)

10. Васо и библейски советоря май важни, чем любо традицыя?

¹⁰ Дэкала амэнди прижалпэ тэ витидас кода, со радуия лэ Иеговас, но на чалёла амарэ чаченди. Призындяраса примеро. И родителя камэн тэ отдэн пэстиря щя миростэ пала мануш, саво дэла лашэ ловэ лэнди пэ вас, но саво на стол лэ Иеговас по пэрво ҭан. Канешно, вонэ камэн, кай лэндири щей тэ жувэл драго и тэ попэрэл андо барвало ери. Но вой можэт пэстар тэ пушэл: «Если мэ жава пала кадэва мануш, поможыя во манди тэ ашав май пашэ каринг о Дэл?» Со о Иегова гиндой пала кацави ситуацыя? О ответо амэ виарақас андо Матфеё 6:33. Андэ кадэва стихо ԥэнэнпэ, кай и христианоря вся и время трэбуй тэ стон лэ Дэвлэско Царство «по пэрво ҭан андэ пэстири жызня». Амэ стас патив пэ родителя и пэ амаро родо. Но со май ӷлавно важ амэндэ — тэ уӷодисарас лэ Иеговасти.

ДРАГО ПОГИНДОСАР

11. Со поможыя тэ обгиндос кажно варианто и тэ витидэс, сар тэ терэс? (Филипы 1:9, 10).

¹¹ Кала ту роздиқлян и советоря анда Библия, тути трэбуй драго тэ обгиндос кажно варианто, саво тутэ исин, и тэ погиндос, со авэла посли кода, сар ту витидэса. (Проадинон Филипы 1:9, 10.) Дэкала тэ стерэс када вушэро, ай дэкала най фартэ. Но кала ту драго росполэс и ситуацыя, када поможыя тути тэ прилэс годявэрни решэния, дажэ если вся фартэ найвушэро.

12, 13. Со поможыя тэ прилэс годявэрни решэния, кала витидэс, пэ сави бути тэ терэс?

¹² Ԥэнаса, ту родэс бути, кай тэ заботиспэ пала ери. Тути попэрделэ дуй варианторя. Ту драго розуӷанглян пала кадэя бути: полян, со трэбуй тэ терэс, саво ӷрафико, скати время ужала по дром и авэр маменторя. Лэдуй кадэла бутя на жан против лэ Дэвлэско законо. Можэт, ек анда кадэла варианторя тути чалёл май фартэ, важ кода кай котэ драго потинэн и бути интересно. Но англа кода сар тэ прилэс решэния, шув сама и пэ авэр маменторя.

¹³ Кай тэ полэс, сави бути тэ витидэс, задэ пэсти кацавэ вопросоря: «На прижалапэ манди через кадэя бути дэкала тэ промэкав и собрании? Хутилэла мандэ время, кай тэ авав паша мэрно ери и тэ сытярав лэн па Библия?» Кацавэ вопросоря поможына тути тэ витидэс най и ловэ, ай «со па чачимастэ важно» — када тэ андярэс лэ Дэвлэстири время и тэ заботиспэ пала ери. Тоди тутэ вижала тэ прилэс решэния, сави чалёла лэ Иеговасти.

14. Со поможыя тэ на змарас аврэн па правильно дром?

¹⁴ Кала амэ драго росполас и ситуацыя, када поможый амэнди тэ погиндосарас, со авэла аврэндэ по ди, если амэ приласа варисави решэния. Амэ жэ на камас никас тэ змарас па правильно дром. Важно тэ шас пэ када сама, дажэ кала амэ витидас, сар тэ вурядювас и сави ӥда тэ лас пэр пэстэ. Ԥэнаса, амэнди чалёл варисави ӥда или причоска. Но со, если важ авэр ԥрала и ԥэя, — и най кати важ лэндэ, — када найпативалэс? Если драго тэ погиндосарас пала вся ситуацыя, када поможыя амэнди тэ стас патив пэр лэндэ. Кала амэ любисарас аврэн, када дэла помощь тэ гиндосарас май бут «пала авэр, ай най пала пэстэ» и тэ авас сэжи (1 Кр. 10:23, 24, 32; 1 Тим. 2:9, 10). И тоди амэндэ вижала тэ прилас кацави решэния, андэ сави лэла тэ дицол, кай амэ любисарас аврэн и стас патив пэр лэндэ.

15. Пала со трэбуй тэ погиндос англа кода, сар тэ прилэс важно решэния?

¹⁵ Если тути трэбуй тэ прилэс важно решэния, погиндосар, со трэбуй тэ стерэс, кай тэ авэл кадя, сар ту витидян. О Исусо сытярэлас, кай спэрва трэбуй тэ подадинос, со тути када ашэла (Лука 14:28). Важ када погиндосар, скати ту тратиса время, ловэ и пэско зор. Дэкала авелоп драго тэ пушэс совето кай пэстирэ чаче, кай тэ полэс, сави помощь вонэ моӷут тэ дэн. Васо када авелоп фэдэр? Ту можэш тэ додиқэс, кай тути трэбуй дэсо тэ парувэс или тэ прилэс совсем авэр решэния. Ай инке, если ту пушэс совето кай пэско ери и приашундёс каринг лэндэ, лэнди авэла май вушэро тэ подритярэн тири решэния (Прит. 15:22).

ВИТИДЭ ГОДЯВЭРНЭС

16. Со поможыя тути тэ прилэс годявэрнэ решэнии? (Кадяжэ диқэн и рамка «Со поможыя тэ витидэс правильно».)

¹⁶ Если ту прилян всаворэ советоря анда кадэя статья, тоди тутэ вижала тэ прилэс годявэрни решэния. Ту вся драго розуӷанглян и погиндосардян, со пала када ԥэнэнпэ андэ Библия. Кадя ту точно полэса, кай кадэя решэния анэна радость лэ Дэвлэсти. Акана ту можэш тэ мангэс лэ Иеговас тэ поможый тути тэ терэс кадя, сар ту витидян.

17. Васо амэндэ вижал тэ прилас лашэ решэнии?

¹⁷ Дажэ если варикала амэ прилям бут годявэрнэ решэнии, трэбуй тэ сэрас, васо амэндэ када вижыля. Када най важ кода, кай амэ кацавэ хамаря, ай вся через о Иегова, саво поможый амэнди тэ ашас май годявэрнэ. Кати через лэстэ амэ можэм май бут тэ ӷанас, май драго тэ полас и кадя па чачимастэ тэ ашас годявэрнэ (Прит. 2:1—5). Лэ Иеговастирэ зорэса амэ сможэм тэ прилас решэнии, савэ лэна лэс тэ радуин (Пс. 23:2, 3).