Сытюв тэ авэс лошало

1. Со када тэ авэс лошало?

МОЖЭШ ту тэ ԥэнэс, кай ту лошало мануш? Кацаво мануш блаӷодарно лэ Иеговасти пала вся лашо, со лэстэ исин, и важ када лэстэ по ди спокойно и драго. Во на холявэл, кай лэстэ варисо нинай. Но тэ авэс лошало — када на сыкавэл, кай лэ манушэсти нисо на трэбуй и во нисо на камэл. Например, андэ Библия ԥэнэнпэ, кай если ту камэс тэ терэс май бут важ о Иегова — када най вэрыто (Римо 12:1; 1 Тим. 3:1). Но о мануш, саво лошавэл кодэлэсти, со лэстэ исин, ашэлпэ радосно, дажэ если лэсти най сразу дорэсэлпэ и дила, сави во камлоп тэ терэл.

2. Сави бида можэт тэ авэл, кала о мануш най лошало кодэлэсти, со лэстэ исин?

² Кала о мануш варисости найлошало, када можэт тэ анэн каринг и бида. Кодэла, касти вся и время варисо на хутилэл, моӷут тэ терэн бути о дес и рят, кай тэ тинэн кода, со па чачимастэ лэнди най кадя и трэбуй. Сас кацаво, кай дэсавэ христианоря дажэ жанас пэ чори. Можэт, вонэ гиндонас кадя: «Мандэ пэ када исин право», «Манди щас када фартэ трэбуй» или «Чуть май интя мэ рисарава кадэла ловэ». Но любо чори лажаварэл лэ Дэвлэс и через латэ лэстэ дуқал оди (Прит. 30:9). Ай варико камэлас, кай лэсти тэ дэн тэ терэл варисави дила важ о Дэл. И кала лэсти ла на динэ, во кадя умэкля и вас, кай ашадя лэ Иеговас (Гал. 6:9). Сар кацаво моӷло тэ терэлпэ кай о христианино? Наверно, во парашэлясас тэ авэл лошало кодэлэсти, со лэстэ исин.

3. Сар амэн подритярэн и алава анда Филиппы 4:11, 12?

³ О апостало Павло ԥэндя: «Мэ сытелэм тэ авав лошало андэ любо ситуацыя». (Проадинон Филиппы 4:11, 12.) Во пистросардя кадэла алава, кала сас тала домашнё аресто. Дицол, кай дажэ андэ кацави ситуацыя о Павло на хасарэлас и радость. Во поля, сар тэ авэл лошало. Вижал, амэ тожэ сможэм тэ авас лошалэ, со бы тэ на авэл андэ амари жызня. Но амэ на трэбуй тэ аштярас, кай када получияпэ корко пэстар. Амэ трэбуй тэ сытювас тэ авас лошалэ. Давайте погиндосараса, со амэнди андэ када поможыя.

ЦЭНИСАР КОДА, СО ТУТЭ ИСИН

4. Васо, кай тэ авас бахталэ и лошалэ, трэбуй тэ авас блаӷодарни? (1 Фессалоники 5:18).

⁴ Если о мануш цэний кода, со лэстэ исин, лэсти май вушэро тэ авэл бахтало и лошало. (Проадинон 1 Фессалоники 5:18.) Например, если амэ цэнисарас кода, со амэндэ исин важ и жызня, то амэ на ласа фартэ тэ загиндосавас, кай амэндэ варисо на хутилэл, дажэ если амэнди када фартэ камэлпэ. Если амэ цэнисарас кодэя дила, сави амэнди динэ тэ терас, то амэ ласа тэ гиндосарас, сар тэ стерас ла инке май драго, ай най кай амэнди май ӥто тэ дэн нэви дила. Важ када, и Библия дэл амэнди совето тэ ԥэнас наис лэ Иеговасти андэ пэстирэ молитвы. Если амэ блаӷодарни, то амэндэ авэла «покоё по ди, саво май зорало любонэ гиндонэндар» (Флп. 4:6, 7).

5. Важ со и израильтяноря трэбуй сас тэ ԥэнэн наис лэ Иеговасти? (Кадяжэ диқэн и картинка.)

⁵ Погиндосарам, со тердяпэ лэ израильтянонэнца. Вонэ бутвар ровэнаспэ лэ Иеговасти, кай скучин пала хамос, саво сас лэндэ андо Египто (Чис. 11:4—6). Чаче, тэ жувэн андэ пустыня сас найвушэро. Но со поможысардоп лэнди тэ авэн лошалэ? Вонэ трэбуй сас тэ гиндон, со ужэ о Иегова важ лэндэ стердя, и тэ цэнин када. Андо Египто вонэ сас раборя и лэнца жэстоко обжанаспэ. Но о Иегова бишалдя пэ египтяноря дэш биды и одмэкля пэстирэ народос. Кала и израильтяноря ужанас анда Египто, вонэ залинэ кай и египтяноря руп, сомнак и ӥда (Исх. 12:35, 36). Кала ля тэ здэлпэ, кай лэнди най каринг тэ терэнпэ паша Лоли моря, о Иегова стердя чуда и розделисардя о паи. Ай кала вонэ ԥирэнас па пустыня, о Дэл кажно дес дэлас лэнди манна. Тоди васо и израильтяноря ровэнаспэ? Най важ кода, кай лэнди на хутилэлас хамос, ай важ кода, кай лэнго ди на цэнияс кода, со терэлас важ лэндэ о Иегова.

6. Со поможый амэнди анда ди тэ цэнисарас кода, со амэндэ исин?

⁶ Со поможыя тути тэ цэнис кода, со тутэ исин? Пэрво, кажно дес гиндосар пала вся лашо, со тутэ исин андэ жызня. Можно дажэ кажно дес тэ виарақэс набут время, кай тэ запистрос кодэла маменторя, важ савэ ту адес блаӷодарно (Плач 3:22, 23). Дуйто, старысав тэ сыкавэс, кай ту цэнис кода, со тутэ исин, пэ алава и пэ дила. Ԥэн аврэнди наис важ кода, со вонэ терэн важ тутэ. И, канешно жэ, на бистэр тэ ԥэнэс наис лэ Иеговасти (Пс. 75:1). Трито, старысав тэ дружыс кодэлэнца, ко цэний кода, со лэндэ исин, важ кода кай кацаво настроё ӥто пэрэдэлпэ аврэнди. И, наоборот, если тэ вэдиспэ кодэлэнца, касти вся и время варисо най кадя, ту можэш тэ ашэс кацаво жэ (Втор. 1:26—28; 2 Тим. 3:1, 2, 5). Кала амэ анда ди цэнисарас кода, со амэндэ исин, амэ на ласа тэ умэкас и вас, если амэндэ нинай кода, со амэнди камэлпэ.

7. Со поможысардя еқа амаря ԥьяти упалэ тэ авэл лошали?

⁷ Акэ со росԥэндя и А́чи анда Индонезия: «Кала сас и пандемия, мэ лэм тэ сыстосарав пэс аврэнца. Манди здэласпэ, кай вонэ жувэн май драго чем мэ, и через када мэ хасардэм и радость» (Гал. 6:4). Со поможысардя ла ԥьяти тэ парувэл пэско гиндо? Вой росԥэнэн: «Мэ лэм май бут тэ шав сама пэ подаркоря, савэ о Иегова терэлас манди кажно дес. И инке мэ гиндосаравас, скати дэ бут лашымос мандэ исин важ кода, кай мэ андэ лэ Дэвлэско народо. Ай потом мэ блаӷодарисаравас лэ Иеговас андэ молитва. Када поможысардя манди па чачимастэ тэ авав бахтали и лошали». Если ту нащи вишос анда шэро и найлашэ гиндоря, попробуй тэ стерэс кода жэ, со стердя и Ачи.

НА ГИНДОСАР ПАЛА ПЭСТЭ ФАРТЭ БУТ

8. Васо о Барухо умэклясас и вас?

⁸ Еқвар о Бару́хо, лэ Иеремияско помошнико, умэклясас и вас. Лэстэ сас найвушэро дила: во поможыяс лэ Иеремиясти тэ росԥэнэн лэ израильтянонэнди, со лэнца авэла через кода, кай вонэ на кандэн пэстирэ Дэвлэс. Но важ о Барухо ашэля май важно най кода, со камэлас о Иегова, ай кода, со камэлас во екжэно. Через о Иеремия о Иегова ԥэндя лэ Барухости: «Ту родэс важ пэстэ варисо май баро. На родэ» (Иер. 45:3—5). Аврэ алавэнца о Дэл ԥэндя: «Ав лошало кодэлэсти, со тутэ исин акана». О Барухо приашунделя каринг лэ Иеговаско совето и када поможысардя лэсти тэ ашэлпэ лэско друӷо.

9. Сости амэн сытярэн и алава анда 1 Коринфо 4:6, 7? (Кадяжэ диқэн и картинки.)

⁹ Дэкала о христианино можэт тэ гиндой, кай ек во поджал важ варисави дила. Возможно, во драго ӷанэн ла тэ терэл, ӷотово тэ пристол бут зор или ужэ дэлмут болдо, кай лэсти ла тэ дэн. Но со, если и дила, сави во фартэ камэл, дэн варикасти аврэсти? Со поможыя лэсти тэ на умэкэл и вас? Во можэт тэ погиндой пала лэ Павлостирэ алава, савэ запистромэ андо 1 Коринфо 4:6, 7 (проадинон). Если амэ ӷанас варисо драго тэ терас и амэнди дэн разно дила — вся када подаркоря лэ Иеговастар. Амэнди динэ ла най важ кода, кай амэ май лашэ аврэндар, ай важ кода, кай о Дэл здиқэл пар мэндэ па пэско баро ковло ди (Римо 12:3, 6; Эф. 2:8, 9).

10. Со поможыя амэнди тэ на гиндосарас пала пэстэ бут?

¹⁰ Со поможыя амэнди тэ на гиндосарас пала пэстэ бут? Амэнди трэбуй тэ лас примеро лэ Иисусостар. Погиндосарам, со тердяпэ вечером англа лэстири смэрть. Хоть о Иисусо ӷанэнас, кай во лэ Дэвлэско Шаво и лэсти дино баро зор, во всаек вихаладя и пэрнэ пэстирэ апосталонэнди. О Иоанно пистросардя: «О Иисусо, важ кода кай ӷанэнас, кай о Дад отдя вся андэ лэстирэ вас и кай во авеля лэ Дэвлэстар и каринг о Дэл жал, ущеля лэ столостар... Посли када во шутя паи андо чаро и ля тэ халавэл лэ учениконэнди и пэрнэ» (Иоан. 13:3—5). О Иисусо моӷ тэ гиндой, кай най во трэбуй тэ халавэл и пэрнэ лэ апосталонэнди, ай вонэ лэсти. Но кала во терэлас лэ Дэвлэстири дила пэ ԥув, во никала на ровэласпэ и на гиндояс, кай если во лэ Дэвлэско Шаво, тоди лэстэ трэбуй тэ авэл баро цэр, бут ловэ и барвали жызня (Лука 9:58). О Иисусо на гиндояс пала пэстэ бут. Во сас лошало кодэлэсти, со лэстэ сас. Во подя амэнди райкано примеро (Иоан. 13:15).

11. Со поможый еқэ ԥралэсти тэ ашэлпэ лошало?

¹¹ О Де́ннисо анда Нидерланды старыийпэ тэ лэл примеро лэ Иисусостар и тэ на гиндой пала пэстэ бут. Но када най кадя дэ вушэро. Во росԥэнэн: «Кала варикасти дэн задания, сави мэ камавас, мэ дэкала лав тэ хасарав и радость. Мэ лав тэ гиндосарав, кай кадэя дила трэбуй сас тэ дэн манди. Тоди мэ сразу лав тэ адиносарав пала кода, сар тэ на ашав ӷордо. Андэ амари прилажэния мэ стердэм тэго, андэ саво исин дэсавэ стихоря пэ кадэя тема, и важ када моӷу лэн ӥто тэ ԥэрнавав и тэ проадиносарав. Ай инке мэ скачал по телефоно дэсавэ речи пала кода, сар тэ на ашэс ӷордо, и часто лэн ашунавa. Мэ полав, кай через мэрни дила най мэ, ай о Иегова трэбуй тэ авэл май ашунгло. О Иегова домэкэл амэнди варисо тэ терас, но ек кати через лэстэ амэндэ вся вижал драго». Если тути на чалёл, со ту щас терэс, тоди тути трэбуй най май бут дила тэ терэс, ай май набут пала пэстэ тэ гиндос. Када поможыя тути тэ авэс инке май пашэ каринг о Иегова и тэ авэс бахтало и лошало (Иак. 4:6, 8).

НА БИСТЭР ПАЛА ЛЭ ИЕГОВАСТИРЭ ОБЕЩЯНИИ

12. Савэ лэ Иеговастирэ обещянии поможын амэнди тэ авас лошалэ? (Исайя 65:21—25).

¹² Со инке поможый амэнди тэ авас лошалэ? Кала амэ гиндосарас пала райкани жызня, сави о Иегова камэл тэ стерэл англэ. Сар дицол анда Библия, о Дэл полэл, кай амэнди фартэ ԥарэс, но во дэл алав, кай улэла вся амаро ԥаримос. (Проадинон Исайя 65:21—25.) Кажнонэстэ андар мэндэ авэла лашо и шукарно цэр, интересно дила и бут вкусно и лашо хамос. Амэ будэр никала на ласа тэ дарас, кай варисо терэлапэ амэнца или амарэ бэятонэнца (Ис. 32:17, 18; Иез. 34:25). Амэ всаворэ́ одеса патяс: о Иегова зритярэла вся, пала со дя алав.

13. Сар кода, со аштярэл амэн англэ, поможый амэнди тэ пэрэжувас о ԥаримос?

¹³ Адес, сар никала, амэнди важно май часто тэ гиндосарас пала лэ Дэвлэстирэ обещянии. Васо? Важ кода кай амэ жувас андэ «послидни деса» и амари жызня фартэ ԥари (2 Тим. 3:1). Кажно дес о Иегова подритярэл амэн, дэл зор и потԥэнэн, сар тэ терас май правильно (Пс. 145:14). Ай инке амэ фартэ аштярас, кай ӥто авэла о раё, и када поможый амэнди тэ пэрэжувас о ԥаримос. Можэт, ту пристос бут зор, кай тэ затерэс важ о ери, но и ловэ хутилэл кати по котор марно. Но всегда тутэ авэла кацави жызня? Най! О Иегова дя алав, кай андо раё дэла тути вся, со трэбуй, и дажэ пэбутэстэ май бут, чем ту аштярэс (Пс. 9:18; 72:12—14). Ай можэт ту кажно дес мучиспэ кодэлэстар, кай тутэ баро насвалимос или депрессия. Но лэса ту вся и жызня кадя тэ мучиспэ и дажэ на уӷанэса, со значит тэ авэс зорало? Най. Андо раё будэр на лэла тэ насвавэл ни ек мануш и нико на лэла тэ мэрэл (Тайна 21:3, 4). Кадэя надежда поможый амэнди тэ на холявас пэ пэстири жызня, ай тэ авас бахталэ ужэ акана. Дажэ если амэнца найдраго обжанпэ, мэрэл варико анда амарэ чаче или пар мэндэ дэл авэр бида, амэ всаек можэм тэ ашаспэ радосни и спокойни. Сар када можэт тэ авэл? Амэ ӷанас, кай «и бида и о ԥаримос, саво амэндэ исин, амэ пэрэандярас найдолӷо» и андо раё када будэр никала на авэла (2 Кр. 4:17, 18).

14. Со поможыя амэнди инке май фартэ тэ аштярас кода, со авэла англэ?

¹⁴ Амэ полям, кай, если амэ надеисавас пэ кода, со авэла англэ, када поможыя амэнди тэ авас лошалэ и бахталэ. Со дэла амэнди помощь тэ аштярас кодэя время инке май фартэ? Дэкала, кай тэ роздиқэс варисо жы дурал, лэ манушэсти трэбуй тэ лэл вочки. Ай амэнди, кай драго тэ додиқас о раё, саво трэбуй тэ авэл англэ, трэбуй прецтавлять пэс котэ. Если адес ту вся и время пережываеш, сар тэ проправарэс лэ ерес, тоди ту можэш прецтавлять пэсти о раё, кай ужэ на авэна ни ловэ, ни вужылимос, ни чорымос. Ай со, если ту умэкэс и вас, кай тути на дэн тэ терэс варисави дила? Тоди прецтавь, со авэла посли кода, сар прожала и 1 000 бэрш: ту ашэса идеально и бут бэрша лэса тэ радуиспэ ла жызняти (1 Тим. 6:19). Лэса ту тоди тэ загрыжоспэ пала када? Варико ԥэнэна: «Мандэ и кадя о шэро замардо. Мандэ просто нинай зор тэ гиндосарав инке пала варисостэ». Чаче, спэрва можэт тэ авэл найвушэро тэ шос сама по лашымос, саво авэла англэ. Но если тэ присытярэс пэс, тоди через дэсави время тутэ када вижала.

15. Сости ту сытёс кай и Криста?

¹⁵ Уӷанам, со сас кай и Кри́ста, вой лэ Деннисостири хулаи, пала саво амэ ужэ дям дума. Вой росԥэнэн: «Мандэ насвалимос, саво одлэл фартэ бут зор. Мэ не моӷу тэ ԥирав — манди важ када трэбуй инвалидно кресло. Инке через кадэва насвалимос мэ почти на ущяв па ҭан. Мандэ кажно дес вся дуқал. Найдэлмут мэрно врачо ԥэндя, кай манди на ашэла май фэдэр. Мэ сразу жэ погиндосардэм: „Када най чаче! Ашэла! Во просто на ӷанэн кода, со ӷанав мэ“. Мэ старысавав май бут тэ гиндосарав пала кода, со ман аштярэл англэ. Када дэл манди покоё по ди. Хоть андэ кадэя люма манди прижалпэ фартэ тэ мучисавав, мэ ӷанав, кай андо раё пэ ԥув ман аштярэл ек и лош!»

«КОДЭЛЭНДЭ, КО ДАРАЛ ЛЭСТАР, ИСИН ВСЯ, СО ТРЭБУЙ»

16. Со камля тэ ԥэнэн о Давидо, кала ԥэндя пала Иегова: «Кодэлэндэ, ко дарал лэстар, исин вся, со трэбуй»?

¹⁶ Дажэ если амэнди чалёл амари жызня, када на сыкавэл, кай амэндэ вобще на авэла ԥаримос. Погиндосарам пала царё Давидо. Во гарадя тринэ шавэн, лэс несправедливо дошалярэнас, подвэдинас, ай инке во бут бэрша гарадёлас лэ Саулостар, саво камэлас лэс тэ умарэл. Хоть лэстэ сас бут ԥаримос, во ԥэндя пала Иегова: «Кодэлэндэ, ко дарал лэстар, исин вся, со трэбуй» (Пс. 34:9, 10). Амэ тожэ на аштярас, кай амари жызня лэла тэ жал сар па цылэстэ. Но амэ патяс, кай о Иегова дэла амэнди вся, со амэнди па чачимастэ трэбуй (Пс. 145:16). О Дэл поможыя амэнди тэ виритярас любо ԥаримос и тэ ашаспэ спокойни и радосни.

17. Васо амэнди трэбуй тэ сытювас тэ авас лошалэ?

¹⁷ О Иегова камэл, кай амэнди тэ авэл драго (Пс. 131:1, 2). Во росԥэндя амэнди, сар тэ авас лошалэ. Важ када старысав тэ терэс кадя, сар ԥэнэнпэ андэ кадэя статья. Цэнисар кода, со тутэ исин, на гиндосар пала пэстэ бут и на бистэр пала лэ Дэвлэстирэ обещянии. Тоди ту сможэш тэ ԥэнэс: «Мэ сытелэм тэ авав лошало» (Флп. 4:11).