Кала амэнди дэн совето...

1. Со поможыя амэнди тэ терас май годявэрнэс и тэ домардювас кода, со камас? (Притчи 13:10; 15:22).

ВСАВОРЭ амэ камас тэ терас сар май годявэрнэс. И кала амэ варисостэ ласпэ, амэ камас, кай амэндэ вся тэ вижал драго. Андэ Библия пистромэ, кай, если амэ камас варисости тэ домардювас, амэнди трэбуй лашо совето. (Проадинон Притчи 13:10; 15:22.)

2. Саво алав дя о Иегова?

² Канешно, само лашо совето амэнди можэт тэ дэл амаро небесно Дад, о Иегова. Во дя алав, кай лэла тэ поможый амэнди, и ԥэндя: «Подԥэнава тути и лава тэ диқав пэр тутэ» (Пс. 32:8). Анда кадэла алава дицол, кай о Иегова шол сама кажнонэс андар мэндэ: во най кати дэл лашэ советоря, но и поможый амэнди тэ прилас лэн.

3. Со амэ роздиқаса андэ кадэя статья?

³ Кадэя статья поможыя амэнди тэ погиндосарас пала библейски принцыпоря и тэ виарақас ответоря пэ штар вопросоря: 1) Со поможыя манди тэ прилав лашо совето? 2) Ко можэт манди драго тэ потԥэнэн? 3) Сар тэ сыкавав, кай мэ ӷотово тэ приашундював каринг о совето? 4) Васо мэ на трэбуй тэ мангав аврэн тэ витидэн важ мандэ?

СО ПОМОЖЫЯ АМЭНДИ ТЭ ПРИЛАС ЛАШО СОВЕТО?

4. Состар амэ трэбуй тэ фэрисавас, кай о совето тэ анэн амэнди лашымос?

⁴ Дажэ само лашо совето на анэна амэнди лашымос, если амэ лэс на приласа. Важ када амэ трэбуй тэ на гиндосарас пала пэстэ бут. Дэкала амэнди трэбуй тэ прижанас, кай амэ най вся ӷанас и кай кацавэ ситуацыи амэндэ инке на сас. Тоди амэ трэбуй тэ полас, кай амэнди трэбуй помощь. Если амэ лас вся пэр пэстэ, тоди о Иегова не сможэт амэнди тэ поможый. Вся, со амэ ласа тэ адиносарас андэ Библия, авэла важ амэндэ сар андэ стинкатэ (Мих. 6:8; 1 Пёт. 5:5). Но если амэ на гиндосарас пала пэстэ бут, амэ ласа внимательно тэ ашунас, со ԥэнэн о Иегова, и сразу кадя тэ терас.

5. Через со о Давидо моӷ пала пэстэ бут тэ гиндой?

⁵ Погиндосарам, сости амэ сытювас кай о Давидо. Во бут сости домарделя и через када моӷ тэ заваздэл о шэро. Англа кода сар тэ ашэл царё, во сас ашунгло музыканто — лэс дажэ манглэ тэ дилабэл англа царё Сауло (1 Сам. 16:18, 19). Ай кодэла времятар, сар о Давидо сас витидо тэ авэл царёса, о Иегова дэлас лэсти пэско зор (1 Сам. 16:11—13). Кадэва мануш ашундёлас баря пативаса машкар пэско миро, кай победисардя бутэ вороӷонэн. Например, во умардя лэ зоралэ Голиафос (1 Сам. 17:37, 50; 18:7). Тэ авелоп о Давидо ӷордо, во гиндосардоп, кай авэр на трэбуй тэ дэн лэсти нисавэ советоря. Но во сас най кацаво.

6. Катар амэ ӷанас, кай о Давидо цэнияс и советоря? (Кадяжэ диқэн и картинка.)

⁶ Кала о Давидо ашэля царё, во ритярдёлас паша годявэрнэ мануша, савэ бут андэр со потԥэнэнас лэсти (1 Лет. 27:32—34). Вся лэ Давидостири жызня сыкавэл, кай во цэнияс лашэ советоря. Во приашундёлас най кати каринг и мурш, но и каринг и жувля, например каринг и Авигея. Лако хулай о Навало сас жэстоко и на столас патив пэ авэр. О Давидо на гиндояс пала пэстэ бут, важ када во стердя кадя, сар потԥэндя лэсти и Авигея. Через када лэс обжыля и бари бида (1 Сам. 25:2, 3, 21—25, 32—34).

7. Сости амэ сытювас кай о Давидо? (Экклезиаст 4:13). (Кадяжэ диқэн и картинки.)

⁷ Сости амэ сытювас кай о Давидо? Можэт, амэ драго андэ варисостэ розласпэ или хулаисарас пэ авэр андэ дэсави дила. Дажэ если када кадя, амэнди на трэбуй тэ гиндосарас, кай амэ ужэ вся ӷанас и кай амэнди на трэбуй нисавэ советоря. И неважно, ко дэл о совето, — если во лашо, амэ трэбуй каринг лэстэ тэ приашундювас. (Проадинон Экклезиаст 4:13.) Тоди амэ на стераса вэрыто ни пэсти, ни аврэнди.

КО МОЖЭТ МАНДИ ТЭ ПОТԤЭНЭН?

8. Васо имено о Ионафано моӷ тэ дэл лэ Давидости лашо совето?

⁸ Акэ инке сости амэ можэм тэ сытювас. О Давидо приашундёлас каринг кодэла, ко фартэ любияс лэ Иеговас. Но кадяжэ важ лэстэ сас важно, кай кадэла мануша тэ полэн лэстири ситуацыя. Например, кала о Давидо камля тэ примирийпэ лэ Саулоса, во мангля помощь кай лэско шаво о Ионафано. Но васо имено о Ионафано моӷ тэ дэл лашо совето? Важ кода кай во фартэ любияс лэ Иеговас и драго ӷанэнас лэ Саулос (1 Сам. 20:9—13). Сар амэ можэм тэ терас кадяжэ?

9. Ко можэт тэ дэл амэнди лашо совето? Росԥэнэн примеро (Притчи 13:20).

⁹ Если амэнди трэбуй совето, авелоп годявэрнэс тэ подас дума кодэлэса, ко най кати фартэ любий лэ Иеговас, но и ко пэрэжудя кацаво жэ андэ пэстири жызняa. (Проадинон Притчи 13:20.) Например, о тэрно ԥрал камэл тэ жэнийпэ. Ко можэт драго лэсти тэ потԥэнэн андэ када? Када можэт дажэ тэ авэл мануш, саво найжэнато, если во потԥэнэн па Библия. Но авелоп инке май драго, если о ԥрал пушэла совето кай и жэнати ԥрал и ԥэй, савэ драго лэс ӷанэн и савэ ужэ дэсавэ бэрша вместе терэн лэ Дэвлэстири дила. Вонэ моӷут най кати тэ потԥэнэн лэсти па Библия, но и кадяжэ тэ росԥэнэн, со лэнди поможый тэ жувэн бахталэс.

10. Пала со инке амэ подаса дума?

¹⁰ Амэ подям дума, со поможыя амэнди тэ прилас лашэ советоря и кастар амэ можэм лэн тэ мангас. Акана давайте уӷанаса, сар тэ сыкавас, кай амэ ӷотови тэ приашундювас каринг и советоря и васо на трэбуй тэ мангас аврэн тэ витидэн важ амэндэ.

САР ТЭ СЫКАВАС, КАЙ АМЭ ӶОТОВИ ТЭ ПРИАШУНДЮВАС КАРИНГ И СОВЕТОРЯ?

11, 12. а) Состар амэ трэбуй тэ фэрисавас? б) Сар андярдя пэс о Ровоамо, кала лэсти трэбуй сас тэ прилэл важно решэния?

¹¹ Дэкала о мануш мангэл совето, ай екжэно ужэ витидя, со тэ терэл. Но па чачимастэ во просто камэл тэ ашунэл ригатар, кай во право. Во на камэл тэ приашундёл ни каринг савэ советоря, если вонэ на зжанпэ лэстирэ гиндоса. Кацаво мануш трэбуй тэ фэрийпэ, важ кода кай лэса можэт тэ терэлпэ кода, со тердясаспэ еқэ царёса, савэс ақарэнас Ровоамо.

¹² Кала правияс о Соломоно, кай и мануша сас вся, со трэбуй важ и жызня. Но вонэ гиндонас, кай о царё заставияс лэн тэ терэн бут ԥари бути. Кала о Соломоно муля, царёса ашэля лэско шаво о Ровоамо. И мануша авелэ каринг о Ровоамо и манглэ лэс тэ дэл лэнди май вушэро бути. Во ԥэндя, кай лэсти трэбуй время вся тэ обгиндой. Спэрва во роспушля кай и ԥурэ, савэ сас паша лэско дад. И када сас годявэрнэс (1 Цар. 12:2—7). Но о Ровоамо на приашунделя каринг лэндэ. Васо во кадя стердя? Можэт, во ужэ витидя, сар лэла тэ терэл, и просто камля тэ ашунэл, кай вонэ гиндон кадя, сар и во. Но во ашундя совсем авэр и важ када жыля каринг пэстирэ ровэсникоря, кай тэ пушэл лэндар. Вонэ ԥэндэ кода жэ, со во екжэно гиндояс, кочай лэсти чалеля лэнго совето (1 Цар. 12:8—14). О царё ԥэндя лэ народости кода, со потԥэндэ лэсти и друӷоря. Каринг со када андя? О народо розделисайля и кодэла времятар кай о Ровоамо сас бут ԥаримос (1 Цар. 12:16—19).

13. Сар тэ полас, кай амэ ӷотови тэ приашундювас каринг о совето?

¹³ Сости амэ можэм тэ сытювас анда кода, со сас кай о Ровоамо? Кала амэ пушас совето, амэнди трэбуй тэ авас ӷотови лэс тэ прилас. Вижал, амэ на трэбуй тэ прилас решэния англа кода, сар тэ пушас варикастар совето. Сар тэ полас, кай амэ можэм тэ приашундювас каринг кода, со потԥэнэн авэр? Кай када тэ полас, можно тэ пушас пэстар: «Кала мэ мангав варикастар совето, на отшав мэ лэс важ кода, кай во на зжалпэ мэрнэ гиндоса?»

14. Со трэбуй тэ сэрас, кала амэнди дэн совето? Росԥэнэн примеро. (Кадяжэ диқэн и картинка.)

¹⁴ Роздиқам кацаво примеро. Лэ ԥралэсти попэрдёл лащи бути. Англа кода сар тэ прилэл решэния, во пушэл совето кай о старейшына. О ԥрал росԥэнэн, кай через и нэви бути лэсти прижалапэ пэдолӷонэстэ тэ мэкэл о цэр. О старейшына потԥэнэн лэ ԥралэсти па Библия, кай само ӷлавно, со во трэбуй тэ терэл, — када тэ следий, кай лэско ери тэ авэл састо па лэ Дэвлэстири время (Эф. 6:4; 1 Тим. 5:8). О ԥрал на шол сама пэ кода, со лэсти потԥэндя о старейшына, и жал тэ мангэл совето кай авэр ԥрала и ԥэя, пока варико на ԥэнэна лэсти кода, со во камэл тэ ашунэл. Чаче кадэва ԥрал родэл лашо совето, или во просто камэл ригатар тэ ашунэл, кай лэско гиндо правильно? Амэнди трэбуй тэ сэрас, кай амаро ди можэт тэ хохавэл (Иер. 17:9). Бывает, амэнди на чалёл о совето, но, можэт, имено во амэнди и трэбуй.

ВАСО АМЭ НА ТРЭБУЙ ТЭ МАНГАС АВРЭН ТЭ ВИТИДЭН ВАЖ АМАНДЭ?

15. Со амэнди нащи тэ терас и васо?

¹⁵ О Иегова камэл, кай кажно андар мэндэ екжэно тэ витидэл, со тэ терэл (Гал. 6:4, 5). Кала амэ варисо на дополас, авелоп годявэрнэс май драго тэ уӷанас, со пала када ԥэнэнпэ андэ Библия, ай инке тэ подас дума кодэлэнца, ко кандэл лэ Дэвлэс ужэ бут бэрша. Но амэнди нащи тэ мангас аврэн тэ витидэн важ амэндэ, со амэ тэ терас. Дэко ворта пушэл кай авэр ԥрал или ԥэй: «Со ту тердоп андэ мэрни ситуацыя?» Ай варико на камэл тэ пристол зор, кай тэ розлэлпэ май драго, и просто терэл кадя, сар терэн авэр мануша.

16. Сави ситуацыя сас андо Коринфо андо пэрво вико, и ко трэбуй сас тэ витидэл, со тэ терэл? (1 Коринфо 8:7; 10:25, 26).

¹⁶ Роздиқаса, со сас андо Коринфо андо пэрво вико андэ амари эра. Кажно христианино андэ кодэва форо трэбуй сас тэ витидэл, тэ хал о мас, саво отдинэсас андэ жэртва аврэ дэвлэнди, чи най. О Павло пистросардя лэнди: «Амэ ӷанас, кай и статуэтка па чачимастэ най дэл и кай исин кати ек Дэл» (1 Кр. 8:4). Дэкасти анда христианоря и совесть домэкэлас тэ тинэн кацаво мас и тэ хан, ай аврэнди най. (Проадинон 1 Коринфо 8:7; 10:25, 26.) Кажно христианино екжэно витидэлас, со тэ терэл. О Павло на камэлас, кай и коринфяноря тэ ԥэнэн аврэнди, со вонэ тэ терэн. Важ кода кай «о Дэл спушэла кажнонэстар па лэстири дила» (Римо 14:10—12).

17. Со можэт тэ авэл, если амэ ласа тэ терас кадя, сар терэн авэр? Росԥэнэн примеро. (Кадяжэ диқэн и картинки.)

¹⁷ Можэт кацаво тэ авэл адес? Да. Например, кала и дума жал пала лечения. Кажно христианино трэбуй екжэно тэ витидэл, лэла во использовать андэ лечения цынёне частицы анда рат чи найb. Да, кадэя тема найвушэро, но амэнди всаек трэбуй андэр латэ тэ розласпэ. Важ кода кай амэ екжэнэ трэбуй тэ витидас, сар тэ личисавас (Римо 14:4). Если амэ просто ласа тэ терас, сар терэн авэр, кадя амэ никала на сытюваса тэ витидас екжэнэ. Ай если амэ витидас екжэнэ и родас советоря андэ Библия, тоди амэ па чачимастэ ашаса май годявэрнэ (Евр. 5:14). Но со, если о христианино пристодя бут зор, кай тэ розлэлпэ андэ кадэва вопросо, но всаек на полэл, сар и библейски принцыпоря поджан каринг лэстири ситуацыя? Тоди лэсти трэбуй тэ пушэл совето кай о ԥрал или и ԥэй, савэ дэлмут кандэн лэ Дэвлэс.

НА ПАРАШЭН ТЭ МАНГЭН СОВЕТО

18. Со о Иегова стердя важ амэндэ?

¹⁸ О Иегова дэл кажнонэсти возможность екжэно тэ витидэл, со тэ терэл. Кадя во сыкавэл, кай патял амэнди. Во подарисардя амэнди и Библия. Ай инке во дэл амэнди лашэ друӷонэн, савэ поможын амэнди тэ полас и библейски принцыпоря. Дицол, кай о Иегова, амаро Дад, фартэ любий амэн и заботийпэ пала амэндэ (Прит. 3:21—23). Сар амэ можэм тэ сыкавас, кай блаӷодарни лэсти?

19. Васо о Иегова можэт тэ лошавэл?

¹⁹ Роздиқам кацаво примеро: и родителя лошавэн, кала диқэн, сар лэндирэ бэяцэ барён, годявэн, ашэн май пашэ каринг о Дэл и заботинпэ пала авэр. Точно кадя о Иегова лошавэл, кала амэ ашас май пашэ каринг лэстэ, пушас аврэндар советоря и прилас кацавэ решэнии, па савэ дицол, кай амэ любисарас лэс.