Vidiyu Yakuthema Kunyerezerwa Mwacidikhodikho
“Vidiyu iyi isacitisadi munthu kunyerezera!”
“Iyo yakhuya mwakucimbiza ntima wanga!”
“Ndakhala wakukomerwa kakamwe!”
1 Kodi mwapibvambo tenepa mudamala imwe kwene kuona pa ulendo wakutoma vidiyu ya Os Jovens Perguntam: Como Fazer Verdadeiros Amigos? Piaka pingasi ndulimu, mbale wamphale akhanenseka m’umaso wace, pyenepi pyacitika na thangwi ya axamwali adasankhula iye. Iwo ancitisa kuluza cifuno ku undimomwene na iye aluza uxamwali wace na Yahova. M’kupita kwa nzidzi yabuluswa vidiyu yakuti Verdadeiros Amigos. Iye alemba: “Mudaona ine vidiyu ineyi mwakubwerezabwereza, maso anga adzala na misozi. Ndikupereka takhuta kwa Yahova thangwi ya ciphedzo cidafika m’nzidzi wakuthema.” Vidiyu ineyi yamuwangisa kucinja umaso wace na kugumana axamwali adidi. Iye athimizira: “Pisaoneka mwapakweca kuti imwe musadziwa mwadidi pinacitikira aphale na atsikana.” Anyakubala pabodzi na aphale na atsikana, thangwi yanji nkhabe kuona pontho vidiyu ineyi pa pfunziro yanu ya banja inafuna kudza? Ingamala khundu ibodzi na ibodzi limisani vidiyu, na cezani mwakusudzuka na mwakuona ntima m’kudinga mabvunzo anagumanika pa ndima izi zakutowerera.
2 Khundu Yakutoma: Kodi ndi ninji xamwali wandimomwene?—Mis. 18:24.
3 Mipingizo Ya Uxamwali: Kodi munakwanisa tani kukunda mabvero akuti mulikuikhwa pakhundu? (Afil. 2:4) Thangwi yanji musafunika kusasanyira makhaliro anu, na mbani angakwanise kukuphedzani kucita pyenepi? Kodi ndi ninji cinafuna kutifungulira njira towera kukhala na miyayi ya kucita axamwali azinji, na iwo angakwanise kugumanwa kupi?—2 Akor. 6:13.
4 Uxamwali Na Mulungu: Kodi munakwanisa tani kukulisa uxamwali wapaduzi na Yahova, na thangwi yanji kucita pyenepi kusafuna kuwangisira? (Sal. 34:8) Kodi mbani angakwanise kuwangisa mwadidi uxamwali wanu na Mulungu?
5 Axamwali Akuipa: Kodi mbani axamwali akuipa? (1 Akor. 15:33, Mphangwa Zadidi) Kodi axamwali akuipa angakwanise tani kutsogolera munthu ku kufudzwa kwauzimu? Kodi cakucitika ca m’Biblya cinalonga pya Dina cisakupfunzisaninji?—Gen. 34:1, 2, 7, 19.
6 Drama Ya Ntsiku Zino: Kodi Tera akhuiwa tani na kusowa axamwali? Kodi ndi mathangwi api adalonga Tera kuti ancitisa kukhala na axamwali a dziko? Kodi iwo aikha Tera pa makhaliro api a ngobzi? Kodi ndi ninji cidaacimwanisa anyakubala a Tera kudzindikira ngobzi ikhagumanika na iye, mbwenye iwo acinja tani manyerezero awo towera kuphedza Tera kuwanga pontho mwauzimu? Kodi mpainiya wacikazi apangiza tani kukhala xamwali wandimomwene kwa Tera? Thangwi yanji Akristu asafunika kubvera Misangani 13:20 na Yeremiya 17:9? Kodi ndi pfunziro ipi yakufunika idapfunza Tera?
7 Khundu Yakumalisa: Kodi ndi mapfunziro api adapfunza imwe kubulukira ku vidiyu ineyi? Kodi munakwanisa tani kuiphatisira towera kuphedzambo anango?—Sal. 71:17.