Kodi Ndi Upi Ntundu Wadidi Kakamwe Wa Ukonzi?

Dotoro wankulu na anestesista [nyakuthondolesa mpsopswo wa operasau] Dr. Michael Rose alonga: “Ntenda onsene anatambira ukonzi wokhonda phatisira ciropa, mwandimomwene, ndi nyakutambira ntundu wadidi kakamwe wa operasau wakukwanisika.” Kodi ndi njira zipi za mitombwe yakupita m’mbuto mwa ciropa ingaphatanizwe ‘m’ukonzi okhonda kuphatisira ciropa’? Imwe musafunika kudziwa towera kucita cisankhulo mbamudziwa mphangwa zinaphatanizwa m’ukonzi na operasau. Onani vidiyu yakuti Sem Sangue: A Medicina Encarou o Desafio. Buluka penepo, yeserani kubvesesa kwanu m’kudinga mabvunzo akutowerera awa.—Cenjezo: Nakuti vidiyu isaphataniza pipangizo pyacigwagwa pya operasau, anyakubala asafunika kuphatisira nzeru m’kuona vidiyu ineyi na ana ang’ono.

(1) Kodi ndi ipi thangwi ikulu inacitisa Mboni za Yahova kukhonda kuikhwa ciropa? (2) Pyenepi pingaphataniza ukonzi, kodi Mboni za Yahova zisafuna kucitanji? (3) Kodi atenda ali na ufulu upi? (4) Thangwi yanji ndi kwakuthema na kwakupitawirira kusankhula mitombwe yakupita m’mbuto mwa ciropa? (5) Pangaoneka kuluzika kwa ciropa, kodi ndi njira ziwiri zipi zinafunika madotoro kuphatisira mwakucimbiza? (6) Kodi ndi midida ipi minai ya mitombwe yakupita m’mbuto mwa ciropa? (7) Kodi adotoro anakwanisa tani (a) kucepesa kuluzika kwa ciropa, (b) kukoya maselula akufuwira a ciropa, (c) kuinjipisa ciropa, na (d) kubwerezera ciropa cidaluzika? (8) Fokotozani macitiro akudziwika ninga (a) hemodiluição na (b) recuperação intra-operatória de células. (9) Kodi ndi ninji pinafunika imwe kudziwa pya mitombwe yakupita m’mbuto mwa ciropa? (10) Kodi mphyakukwanisika kucita operasau yakugopswa na yakunensa mwakukhonda kuphatisira ciropa? (11) Kodi ndi uthambaruki upi wakuphindulisa unacitika nkati mwa ukonzi?

Kutawira maukonzi anango mwa anapangizwa m’vidiyu ndi cisankhulo ca munthu m’bodzi na m’bodzi mwakubverana na cikumbuntima cakupfunziswa na Biblya. Kodi mwasankhula ntundu wa mitombwe yakupita m’mbuto mwa ciropa inafuna imwe na ana anu kutawira? Acibale anu akuti si Amboni tayu asafunikambo kudziwa mwadidi cisankhulo canu na mathangwi ace.—Onani “Perguntas dos Leitores” m’revista A Sentinela ya 15 de Junho de 2004 na ya 15 de Outubro de 2000.