Kodi Imwe Musanyinyirika?

Kunyinyirika kucitanji? Kunyinyirika kulemba phaso ya DPA (Diretrizes Antecipadas Relativas a Tratamentos de Saúde e Outorga de Procuração) yakuti isapaswa Mboni za Yahova zakubatizwa basi. Nakuti ‘imwe nkhabe kudziwa pinafuna kukugwerani mangwana,’ ndi pyakufunika kuti mutonge mwanyapantsi na kulemba ntundu wa ukonzi na pinafuna imwe kuti picitwe pa ukonzi wa mwandzidzidzi. (Tgo. 4:14; Mach. 15:28, 29) Towera kukuphedzani yabuluswa vidyu yakuti Tratamentos Alternativos à Transfusão: Atendendo às Necessidades e aos Direitos do Paciente. Ioneni, na buluka penepo phemberani towera kubwerezera pidapfunza imwe na ciphedzo ca mabvunzo ali pantsiapa.—Onani: Nakuti vidyu ineyi iri na pipangizo pang’no pya operasau, anyakubala asafunika kuphatisira luso towera kuona khala asafunika kuiona pabodzi na anapiana peno nkhabe.

(1) Thangwi yanji akonzi anango asadinga pontho pya ukonzi wa kuikha ciropa? (2) Longani pitsanzo pitatu pya maoperasau akunensa adacitwa nee kuikha ciropa. (3) Kodi ndi akonzi na madotoro angasi pa dziko yonsene yapantsi adapangiza cifuno cawo ca kukonza anyakuduwala mbakhonda kuikha ciropa? Thangwi yanji iwo ali akufunisisa kucita pyenepi? (4) Kodi kupfunza kudacitwa na nyumba za ungumi cincino kwapangizanji thangwi ya kuphatisira ciropa? (5) Kodi ndi zipi ngozwi za kuikha ciropa pa ukonzi? (6) Kodi akonzi azinji a luso afika pa kudzindikiranji mu kulonga pya maphindu a ukonzi wa ntundu unango wakukhonda kuikha ciropa? (7) Kodi ndi ninji pinacitisa kusowa ciropa m’manungo? Kodi anthu asakwanisa kukhala na utenda unoyu mpaka papi? Kodi ndi ninji cinafunika kucitwa towera kuphedza munthu wakuti ali na utenda wakusowa ciropa m’manungo? (8) Kodi inacitiswa tani selula yakufwira kuti iphate basa yayo m’manungo a ntenda? (9) Kodi ndi ninji pinacitwa towera ciropa cikhonde tayika maka mu ndzidzi wakucitwa operasau? (10) Kodi ukonzi wa ntundu unango wakukhonda kuikha ciropa ungakwanise kuphata basa kwa anapiana peno kwa pyakucitika pya mwandzidzidzi pyakuti pisaikha umaso wa anthu pangozwi? (11) Kodi ndi upi ubodzi mwa midida ya makhaliro adidi wakuti ndi wakufunika kakamwe towera kucitisa kuti ukonzi ukhale wadidi? (12) Thangwi yanji ndi pyakufunika kwa Akristu kucita mwanyapantsi cisankhulo cawo ca ukonzi wakusowa ciropa? Kodi tinakwanisa tani kucita pyenepi?

Kutawira ukonzi unango udapangizwa mu vidyu ndi cisankhulo ca munthu ekhene mwakubverana na cikumbuntima cakupfunziswa na Biblya ca munthu m’bodzi na m’bodzi. Kodi mwasankhula ntundu wa ukonzi na pinafuna imwe kuti picitwe pa ukonzi kwa imwe ene na kwa ananu mwakukhonda kakamizwa? Towera kudziwa pyakuthimizirika pya ntsonga zenezi, onani “Perguntas dos Leitores” mu A Sentinela ya 15 de Junho de 2004, na ya 15 de Outubro de 2000, na nsolo wakuti “Kodi Ndisaona Tani Makhundu Mang’onong’ono A Ciropa Na Ukonzi Unaphataniza Ciropa Canga Cene?” mu n’thimiziro wa Utumiki Wathu Wa Umambo wa nthanda ya Bingu 2006. Anthu onsene adalemba imwe pa phaso yanu na piwalo pyonsene pya banja pyakukhonda khala Mboni pisafunika kudziwa mwadidi pisankhulo pyanu.