Mbani Anafuna Ine Kucemera?

Pyaka pyonsene tisawangisira kakamwe kucemera anthu a mucisa cathu toera agumanike pa Cikumbuso pabodzi na ife. M’mbuto mwa kucemera basi ene anthu a mucisa cathu, tisafunikambo kucemera anthu anadziwa ife. Kazinji kene, munthu asaenda ku Cikumbuso angadziwa mwadidi munthu adancemera. (Anuário de 2008 tsa. 11 ndima 3;tsa. 14 ndima 1) Mbani anango anafuna imwe kucemera?

• Acibale anu

• Andzanu akubasa na akuxikola

• Anyakuendekana anu

• Anthu anacitira imwe maulendo akubwereza na anyakupfundza anu a Bhibhlya

Kusiyapo pyenepi, akulu a mpingo asafunika kucemera ale adasiya kusonkhana na mpingo. Ndiye tani khala munthu anafuna kucemera imwe nee asakhala mucisa canu? Imwe munakwanisa kusaka mu jw.org pa khundu yakuti PYA IFE, “Cikumbuso” toera kudziwa ndzidzi na mbuto inafuna kucitwa Cikumbuso cifupi na kunakhala iye. Pakukhunganyika cikumbuso caka cino, nyerezerani anthu anafuna imwe kucemera, buluka penepo acemereni.