Abungbi ti Kusala ti Juin

Yenga ti 5 juin

Bia 207

pn 10: Akete tene. Atokua ti Kusala ti Royaume so alingbi.

pn 15: “E Mu Tapande ti Jéhovah ti Sala Pepe Nzoni Gi na Ambeni Zo.” Sala akozo tene ni ndulu na penze-ngbonga oko, na pekoni sala lisoro na lege ti ahundango tene na akiringo tene. Fa nda ti salango pepe nzoni gi na ambeni zo, tongana nyen Jéhovah ayeke fa ni na gigi, na tongana nyen ti fa ni na gigi na ngoi so e yeke fa tene.​—Ba Étude perspicace, vol. 1, lembeti 1175, par. 8 ti si na lembeti 1176, par. 3.

pn 20: “E Mä Ye so Awe Pepe?” Diskur na lisoro na azo so aga. Hunda na aita-koli nga na aita-wali ti fa tongana nyen fango peko ti ye mbeni amu maboko na ala ti gbu nda ti tâ tene na ti yekia ni nzoni ahon.​—Ba La Tour de Garde ti 15 juillet 1995, l. 21-2; na 15 août 1993 l. 13-14, par. 10-12.

Bia 218 na sambela ti nda ni.

Yenga ti 12 juin

Bia 168

pn 10: Akete tene. Tene ti acompte.

pn 15: “Ekole ti Kusala ti Théocratie na Ngu 2000.” Diskur so surveillant ti ekole ayeke mu. Dabe na agbiango ye so asi teti ngu so: fade devoir ota ni ayeke luti na ndo “Sujets de conversation bibliques” so ayeke na yâ Traduction du monde nouveau; devoir osio ni ayeke ngbâ ande lakue ti sala tene ti azo ti Bible so afa ala na yâ Étude perspicace des Écritures, na pekoni, na yâ tanga ti anze ota ni, a yeke luti ande na ndo “Sujets de conversation bibliques.” Nzoroko so (#) aye ti tene a yeke nzoni ti mu devoir ni na mbeni ita-koli. Wa azo kue so aga ti bata programme ti ala ti dikongo Bible ti yenga oko oko na ti sala adevoir ti ala lakue.

pn 20: “A Lingbi ti Tene Nyen na Zo so Atene Nzapa Ayeke Dä Pepe?” Na lege ti ahundango tene na akiringo tene. Fa anda ti aye nde nde so ague na azo mingi yongoro na mabe na Nzapa. Fa ambeni lege ti leke lisoro na fa ngbanga ti nyen a yeke na lege ni ti mä na bê so Nzapa ayeke. A lingbi ti sala démonstration oko wala use. Ti ambeni tene nde, ba Comment raisonner, l. 106-112, na L’humanité à la recherche de Dieu, chapitre 14.

Bia 220 na sambela ti nda ni.

Yenga ti 19 juin

Bia 219

pn 10: Akete tene. Hunda na ambeni wafango tene ti sala tene kete na ndo mbeni pendere ye so ala wara na yâ kusala ti fango tene.

pn 15: Tongana nyen ti kiri tene na ahundango tene so aye ti kanga lege na lisoro. Lisoro na azo so aga nga adémonstration. Diko “Remarques” ti buku Comment raisonner, l. 15. Soro na yâ alembeti 16 ti si na 20 ahundango tene use wala ota so aye ti kanga lege na lisoro, wala ambeni nde so ayeke mä ni lakue na yâ territoire ti mo. Kiri mo ba ambeni kiringo tene so amu ni, na fa ngbanga ti nyen a yeke ga na anzoni lengo. Andulu démonstration. Tisa awafango tene ti fa ambeni kiringo tene so ala yeke sala na kusala nzoni.

pn 20: Mbi lingbi ti yeda ti sala kua teti mbeni bungbi ti vorongo? Diskur so mbeni ancien amu na ndo La Tour de Garde ti 15 avril 1999, alembeti 28-30. Ambeni ayeda na mara ti kua tongaso me na nda ni ala ba so kua ni ague nde na akpengba-ndia ti Bible. Kiri mo ba ahundango tene so a lingbi a gbu li na ndo ni kozo ti yeda na mbeni kua so andu lege ti vorongo kete. Wa azo so amä tene ti sala ye si ala bata mbeni nzo iri na gbele Nzapa.​—2 aCor. 6:3, 4, 14-18.

Bia 109 na sambela ti nda ni.

Yenga ti 26 juin

Bia 166

pn 10: Akete tene. Fa abrochure so a lingbi ti wara teti fango tene na juillet nga na août. Wa awafango tene ti wara ni ti fa na tene na nda-yenga so, na ti mu rapport ti kusala ti fango tene ti ala na juin.

pn 15: Aye so atia kongrégation.

pn 20: E fa abrochure na juillet nga na août. Diskur na adémonstration. Fa abrochure mingi so kongrégation ayeke na ni, na wa awafango tene ti wara ni teti fango tene. Fa ngbanga ti nyen ambeti so alingbi lakue ti zingo nzala teti atene ti Bible. Na yâ brochure oko oko, gboto ambeni tene wala ambeni foto so alingbi ti sala na kusala ti to nda ti ambeni lisoro. Démonstration oko wala use. Na pekoni, alingbi na nzala ti tene ni so afa na gigi, a yeke nzoni ti sala kusala na brochure Ahunda ti to nda ti mbeni mandango Bible.

Bia 224 na sambela ti nda ni.