E “Tiri Nzo Bira ti Mabe”
1 Bazengele Paul awa Timothée ti “tiri nzo bira ti mabe.” (1 Tim. 6:12) Lo mveni asala ye alingbi na atene so. Na pekoni, lo tene na bê kue so lo tiri mbeni nzo bira. (2 Tim. 4:6-8) Na yâ aye kue, lo sala kusala ti lo na wâ, na mbito pepe nga na bê so azia pepe. Na mandango tapande ti lo, e lingbi ti wara bibe tongaso ti sala ngangu ti e kue na yâ bira so e yeke tiri teti mabe ti Chrétien.
2 E sala angangu so ahunda: Paul abi tele ti lo la ni mingi na yâ ti kusala. (1 aCor. 15:10) A yeke nga tongaso teti e tongana e gi azo kue so alingbi na yâ territoire ti e. (Mat. 10:11) So aye ti tene, ti wara ambeni na popo ti ala, peut-être a lingbi e londo hio ti fa tene na ala na ndo ti lege wala ti sala kusala ti e juska na peko ti bekombite, même juska lakui ti ba azo ni na peko ti so ala kiri na yanga-da ti ala awe.
3 A hunda nga ti fa lege na tele ti e mveni na ti leke mbeni nzoni kapa ti ga hio na abungbi ti fango tene so aleke na ando ti mandango buku ti e. Na nda-yenga oko oko, na tapande a hunda ngbonga oko, ti guengo na ti kiringo ni, na azo ti sewa ti Béthel ti gue na territoire ti kongrégation so a tokua ala dä. E lingbi gi ti gonda ambeni sewa wala ambeni wafango tene ti kongrégation ti e so atambela na yongoro lege me so asi na ngoi ni na bungbi. A lingbi a manda peko ti angangu so ala sala nga na lekengo aye ti ala na lege ni.
4 Na mbeni mbage, a lingbi e duti na nzala ti ba peko ti nzala kue ti tene so e wara na yâ kusala ti e. Atä e zia ambeti na ngoi ti fango tene na ngoi kue so lege azi wala na ndo ti lege, a lingbi e sala ngangu ti hinga ndo wala molongo ti téléphone ti zo ni ti ba peko ti nzala so lo fa na ti to nda ti manda Bible na lo.
5 E fa tene lakue: Paul afa la ni tene na wâ nga lo bi bê ti lo dä. (aRom. 15:19) Ti mo a yeke tongana nyen? Mo fa tene na nze so awe? Fade ala so amu li ni na yâ mandango buku ayeke bata si azo kue ti centre ti ala amu mbage ti ala na kusala ni na nze ti janvier. Fade ala yeke mu maboko na mo na yâ ye so.
6 Na mandango tapande ti Paul na ndo mungo mbage kue ti nzo tene, e yeke ngbâ lakue ti “tiri nzo bira ti mabe.”