Unis grâce à l’enseignement divin—Mbeni Bango Nda ti Tâ Beoko ti Aita
Mbeni surveillant ti circonscription ague la ni ti duti na mandango Bible na mbeni wali so ade ti to nda ti gue na abungbi ti kongregation pepe. Lo tisa lo ti ba kasete-vidéo Unis grâce à l’enseignement divin. Gi na yenga ni so, lo gue na mbeni bungbi na lo tene so lo yeke na ngia ti ga na bungbi ti e. Ngbanga ti nyen kasete-vidéo so alë lengo hio tongaso? Bê ti lo apika na bango na yâ kasete-vidéo ni tâ pendere dutingo beoko ti aita na popo ti mbeni sese so asala ngangu na so ake tele.—Jean 13:35.
Na bango kasete-vidéo so, mo lingbi ti ba na ti hinga siriri nga na ndoye so ayeke na popo ti aTémoin ti Jéhovah na ndo lê sese kue. Na pekoni gbu li nzoni na ndo ti ahundango tene so:
(1) Ngbanga ti nyen kota li ti tene “Fango Ye ti Nzapa” alingbi biani na akota bungbi ti 1993-1994?—Mi. 4:2.
(2) Tâ tene ti Bible aye ti tene nyen teti ambeni sewa? A ye ti tene nyen teti sewa ti mo mveni?
(3) Ngbanga ti nyen a yeke kota ye mingi ti tene Jéhovah afa ye na e?—Ps. 143:10.
(4) Amara ti kpale wa a lingbi hon ndo ni ti leke tele teti akota assemblée so abungbi aita ti akodoro mingi?
(5) Tongana nyen mo ba gango tâ tene ti Psaume 133:1 nga ti Matthieu 5:3 na ngoi ti akota bungbi ti aChrétien so mo gue la ni dä?
(6) Ye nyen afa na gbele azo kue so fango ye ti Nzapa ayeke sala ngangu mingi na ndo azo?—Apoc. 7:9.
(7) Kota mungo batême ahon kue ti atâ Chrétien ayeke la ni so wa?
(8) Atene wa ti Michée, Pierre, na Jésus ayeke ga tâ tene na popo ti aTémoin ti Jéhovah?
(9) Ye nyen afa na mo so mbeni sewa ti azo so aduti beoko nga na ngia ayeke pepe gi mbeni tene ti bango li?
(10) Mo yeke fa ande kasete-vidéo so na azo wa, na ngbanga ti nyen?
Na peko ti so lo ba kasete-vidéo so, mbeni ita-wali atene na lege ti pendere ndulu tene: “Kasete-vidéo so ayeke mu ande maboko na mbi mingi ahon ti glisa pepe so na tâ ngoi ni so gbâ ti aita Chrétien ti koli na ti wali na ndo sese kue ayeke sala na Jéhovah na be-biani. . . . Biani beoko ti aita ti e ayeke na ngele ngangu!”—aEph. 4:3.