Acréature ti yingo kutu mingi

Bible afa na e so acréature ti yingo ayeke mingi. Jéhovah lo wani ayeke yingo.—Jean 4:24; 2 aCorinthien 3:17, 18.

Na mbeni ngoi lani Jéhovah ayeke gï lo oko na yâ ti dunia kue. Na pekoni, lo to nda ti leke acréature ti yingo so a iri ala a-ange. A-ange ayeke na ngangu mingi nga ala hinga ndo mingi ahon azo. Jéhovah aleke a-ange mingi; Daniel, mbeni wakua ti Nzapa, abâ na yâ ti vision a-ange kutu mingi.— Daniel 7:10; aHébreu 1:7.

Nzapa aleke a-ange so kozo si lo leke sese (Job 38:4-7). Ala yeke pëpe lani azo so avivre na sese ge si akui.