Kpengba Bê ti Kiri Singila Teti La Bible: Le livre le plus ancien toujours d’actualité
Ahundango tene so ge agboto lê mingi na ndo ti aye so peut-être mo ba na ngoi so mo yeke ba la ni vidéo so: (1) Aye wa afa biani so ye oko ti lingbi na Bible ayeke pepe? (2) Mu mbeni tapande ti fa tongana nyen Bible, atä a ninga mingi, ayeda na senda-ye ti laso. (3) Tongana nyen e lingbi ti hinga biani so Bible ti laso agbian pepe tongana a haka ni na angbele Mbeti ti Nzapa so asû? (4) Ye wa ayeke nde mingi na yâ ti angbele manuscrit ti Bible, na a pusu mo ti zia bê ti mo na ndo ni tongana nyen? (5) Tongana nyen John Wycliffe, Johannes Gutenberg, William Tyndale, Mary Jones, na Charles Taze Russell asala si akangbingo Tene ti Nzapa amu ndo sese kue? (6) Tongana nyen Église akanga lege ngangu na Bible, me ye nyen amu lege na lo ti ngbâ juska na ngoi ti e? (7) Kota ti wungo ti aBible so bungbi ti Jéhovah akiri pekoni na ayanga nde nde na asala ni ayeke tongana nyen? (8) Tongana nyen nzoni wango ti Bible amu maboko na azo ti hon ndo ti akpale ti salango lakue ngia ti nginza (1 Tim. 6:9, 10), kangbingo ti mariage nga na dutingo be-ta-zo pepe (1 aCor. 13:4, 5; aEph. 5:28-33), na gingo bê ahon ndo ni teti amosoro (Mat. 16:26)? (9) Fä wa ayeke dä so salango ye alingbi na akpengba-ndia ti Bible alingbi ti sala si zo ahon ndo ti akengo tele na lege ti tene ti kodoro, ti mara na ti akete mara so ayeke na sese? (10) Na alege wa mandango aye so ayeke na yâ ti Bible aga na kota ngia na mo? (11) Mo bi bê ti mo so azo wa si alingbi ti wara nzoni na lege ti vidéo so, na fade mo yeke fa ni na ala tongana nyen?