La Bible: un livre historique et prophétique
La Bible: le plus ancien livre de l’humanité mais toujours d’actualité ayeke kozo mbage ti alimon ota so a zia na ndo ti DVD so iri ni na Français ayeke La Bible: un livre historique et prophétique. Na peko ti bango limon so, kiri tënë na ahundango tënë so:
(1) Na lege wa Bible ayeda na senda-ye ti laso? (2) Tongana nyen e lingbi ti hinga biani so aMbeti ti Nzapa ti laso agbian pëpe tongana a haka ni na ati so a sû ni giriri? (3) Ye wa ayeke nde mingi na yâ ti angbene kugbe-mbeti ti Bible? (4) Tongana nyen John Wycliffe, Johannes Gutenberg, William Tyndale, John Hus, Martin Luther, Casiodoro de Reina, na Charles Taze Russell amû nga mbage ti ala na kangbingo Bible na dunia mobimba? na tongana nyen Eglize akanga lege ngangu na kusala ni? (5) Tongana nyen anzoni wango ti Bible amû maboko na azo ti hon ndo ti akpale ti seni (Ps. 34:9)? sarango ngia ti nginza (1 Tim. 6:9, 10)? kangbingo tere na sarango lango-sioni na yâ ti mariage (1 aCor. 13:4, 5; aÉph. 5:28-33)? nga na ziango bê na ndo ti gingo mosoro (Mat. 16:26)? (6) Nyen la afa polele so ti sara ye alingbi na akpengba-ndia ti Bible alingbi ti sara si zo ahon ndo ti akengo tere ndali ti tënë ti kodoro, ti tënë ti kete mara na ti mara (Luc 10:27)? (7) Na lege wa sarango ye alingbi na akpengba-ndia ti Bible aga na mo kota ngia? (8) Tongana nyen mo lingbi ti sara kusala na limon so ti mû maboko na ambeni zo?—Bâ Kusala ti Royaume ti février 2006, lembeti 12.