“Mbi Luti Ngangu! Mbi Luti Ngangu! Mbi Luti Ngangu!”

¹ Atene so ti mbeni Chrétien be-ta-zo so asö kuâ na Kota Fango Zo ti aNazi afa polele ye so aTémoin saki mingi, so ayeke na fini wala akui awe, aleke na bê ti ala ti ngbâ be-ta-zo na yâ atene ti mabe ti ala atä salango sana ti Nazi. (aEph. 6:11, 13) A fa pendere mbaï ti kpengba-be na ti hongo na ngangu ti ala na yâ kasete vidéo so apika bê La fermeté des Témoins de Jéhovah face à la persécution nazie. A wa azo kue na yâ ti kongregation ti ba ni na ti kangbi atene ti bê ti ala nga na bibe ti ala na popo ti mba.

² Zia ahundango tene so apusu mo ti gbu li: (1) Ngbanga ti nyen aTémoin ti Jéhovah aluti ngangu na gbele aNazi? (2a) Abango ndo nde nde wa azo ayeke na ni la ni na ndo balango ndo, na ngbanga ti nyen? (2b) Tongana nyen ye so andu asewa ti aTémoin? (3) A tokua la ni aTémoin oke na yâ akando ti sana, a hinga ala na ndo so na lege ti nyen, na tongana nyen Gestapo asala ye na ala? (4) Ngele wa aita ti e aduti la ni ndulu pepe ti futa ti tene a zi ala? (5a) Tongana nyen na lawa aTémoin ti Jéhovah asala tene polele ti ke asioni salango ngangu ti komandema ti Hitler? (5b) Hitler asala ye tongana nyen? (6) Tongana nyen dutingo beoko ti azo ti Jéhovah asö fini ti ala na ti ambeni zo nde, na lege ti mitele nga na ti yingo? (7) A sû bia ti Royaume wa na yâ mbeni kando ti sana? (8) Atapande wa ti akoli, awali, na amolenge be-ta-zo apusu mo ti bata be-biani ti mo na mbage ti Jéhovah, atä ye wa asi na mo? (Ba nga Annuaire 1999, alembeti 144-7.) (9) Teti mo yeke mbeni oko ti aTémoin ti Jéhovah, tongana nyen vidéo so apusu mo ti bi bê na ndo dutingo nde na sese so?

³ Tapande ti aTémoin ti Jéhovah so akpengba zo na so a fa ni na yâ kasete vidéo Fermeté alingbi ti mu maboko na apendere, même ala so ayeke pepe aTémoin, ti luti na gbele akota kpale tongana kengo zo, akamarade, nga na yingo-ti-hinga. Tongana mo yeke mbeni pendere so ague na kete wala na kota da-mbeti, mo lingbi ti mu lege na awafango ye ti mo ti sala kusala na kasete so na yâ ti classe? Peut-être mo lingbi ti mu na ala mbeni kasete vidéo ni na ti fa na ala so a yeke mbeni mbage ti mbaï so a hinga ni nzoni mingi pepe wala mbeni limon so ayeke na mbeni nzoni ye ti manda.

⁴ Kasete Fermeté ayeke mbeni pendere gbakuru ti fa tongana nyen fango ye ti Nzapa amu na e ngangu na lege ti yingo ti nzere na Nzapa na lutingo ngangu teti ye so ayeke mbilimbili. (1 aCor. 16:13) Kangbi ni na azo kue so asala nzala ti tâ tene.