Akiringo tënë na ahundango tënë ti i

◼ Ngbanga ti nyen a lingbi e sala hange tongana e yeke fa tënë na lege ti alettre?

Fango tënë na lege ti alettre ayeke mbeni kode so alë lengo mingi awe na lege ti fango nzo tënë. Me aye so achangé na ndo sese kue ade ti ninga pëpe asala si azo ayeke na mbito ti zi yanga ti alettre so ala hinga ndo so alondo dä pëpe. Mingi ni, azo ayeke bâ na nzoni lê pëpe a-enveloppe so a hinga ndo so a londo dä pëpe, wala so adresse ti zo so atokua lettre ni ayeke na ndo ni pëpe, mbilimbili tongana a sû ambeti ni na maboko wala tongana enveloppe ni ane. Azo so awara ni alingbi ti bi mara ti alettre tongaso sân ti zi yanga ni. Tongana nyen e lingbi ti sala si ye tongaso asi pëpe na ambeti ti e?

Tongana lege ayeke dä, a lingbi a sû lettre ni nga na mbeti so ayeke na ndo enveloppe ni na masini. A lingbi a sû iri ti zo ni na ndo enveloppe ni. Tokua mbeti pëpe gi na “Azo ti da ni kue”. Na ndo ni, zia lakue adresse ti mo mveni na ndo lettre ni. Tongana a yeke na lege ti ndara pëpe ti sû adresse ti mo mveni, sû iri ti mo na ndo ni, nga na adresse ti Da ti Royaume. Tokua pëpe alettre sân iri ti mo, wala sân ti fa ndo so a londo dä. Sala kusala lâ oko pëpe na adresse ti filiale.​—Bâ Kusala ti Royaume ti mai 1997 na li ti tënë Akiringo Tënë na Ahundango Tënë ti I.

A lingbi ti wara ambeni wango nde, nga na mbeni tapande ti lettre so a sû na yâ ti buku Wara nzoni na lege ti Ekole ti Kusala ti aChrétien, alembeti 71-73. Fade awango so ayeke mû maboko na e ti sala kusala nzoni na alettre ti fa nzo tënë na azo.