Duti nzoni-kue na yâ tambela ti mo kue

1. Ngbanga ti nyen a yeke kota ye ti duti nzoni-kue na yâ tambela ti e kue?

¹ Teti e yeke awakua ti Nzapa so ayeke nzoni-kue, Jéhovah, e yeke sala ngangu ti duti nzoni-kue na yâ tambela ti e kue (1 Pi. 1:15, 16). So aye ti tene e yeke sala ngangu ti bata andia ti Jéhovah na yâ ambage kue ti fini ti e. Kota bungbi ti district ti ngu so ayeke mû ande na e mbeni lege so ayeke nde ti fa na gigi tambela so ayeke nzoni-kue.

2. Tongana nyen e lingbi ti fa na gigi nzoni tambela na ando ti lango?

² Na ando ti lango: Fa so mo yekia ye so a yeke leke teti mo, nga fa so mo yeke kiri singila na salango kusala maboko na maboko na mveni ti da ni.

3. Tongana nyen tambela ti amaseka Témoin alingbi ti pika bê ti azo?

³ Anzoni salango ye ti e alingbi ti duti mbeni kpengba tënë ti témoin teti azo. Na ngu so ahon, mbeni maseka Témoin ahunda na yekiango ndo na mbeni wali so ayeke yamba azo na hôtel mbeni ye ti sû na mbeti, na lo kiri singila na lo na pekoni. Ye so andu bê ti wali ni, na lo tene na azo: “Amaseka so ayekia azo tongana lo so, mo yeke wara ala tongana ti kozo pëpe.” Ye oko, ngoi na ngoi, a yeke bâ so amolenge so a bâ lege ti ala nzoni pëpe atambela kirikiri. A lingbi ababâ na mama azia amolenge asala gi aye ti bê ti ala pëpe, me a lingbi ala fa lege na ala ti sala si tambela ti ala asepela Jéhovah.​—aProv. 29:15.

4. Nzoni tambela andu nyen na ndo ti kota bungbi ni?

⁴ Na ndo ti kota bungbi ni: A lingbi nzoni tambela ti e asigigi polele mbilimbili na ndo ti kota bungbi ni. Zia mo yeda na fango lege ti azo ti yambango azo, na ndo ti batango akutukutu nga na yâ ti ndo ti bungbi ni (aHéb. 13:17). A lingbi asewa aduti na ndo oko ahon ti zia amolenge, nga na ala so akono kete, ti duti na popo ti ambeni maseka nde. A lingbi a tingbi oko pëpe kamba ti amasini tongana caméra na akamba ti kuran wala ti sonorisation ti ndo ni. A lingbi nga ti sala kusala na amasini so gi tongana a yeke kanga lege na ambeni zo pëpe. Tongana mo ye ti mû foto, sala kusala na flash pëpe na ngoi ti abungbi. A lingbi a sala si atéléphone ti maboko na ambeni ye tongaso agboto lê ti azo pëpe. A lingbi e fa nga na gigi tambela ti Chrétien na ngoi so a yeke kangbi afini mbeti.

5. Tongana nyen tambela ti e na akota bungbi ayeke mû gloire na Nzapa?

⁵ Tambela ti e azia e nde na tanga ti azo, na amû gloire na Nzapa ti e (1 Pi. 2:12). Na kota bungbi ti district, fade azo ayeke bâ akusala ti aTémoin ti Jéhovah. Ni la, leke na bê ti mo ti duti nzoni-kue na yâ tambela ti mo kue.

[Kete tënë na lembeti 6]

Fa na gigi tambela so ayeke nzoni-kue

◼ Fa so mo kiri singila teti ando ti lango ni

◼ Fa lege na amolenge nzoni

◼ Bi bê na azo