Dango bê na kota bungbi ti circonscription
A yeke sala kusala na atënë so ti bâ kozoni na ti kiri ti dabe na kapa ti kota bungbi ti circonscription ti ngu ti kusala 2005. Article “Fini lekengo ye teti dango bê na akapa ti akota bungbi”, so ayeke na lembeti 4 ti supplément so, afa tongana nyen a lingbi a sala ni. Na ngoi ti lisoro ti dango bê ni, kangbi yâ ti ngoi ni ti tene a hunda atënë ni kue. A lingbi lisoro ni aluti na ndo lege so e lingbi ti sala kusala na atënë so a fa.
KAPA TI NDAPELELE TI KOZO LANGO NI
1. Aye wa alingbi ti mû maboko na e ti wara ndara so alondo na Nzapa?
2. Ngangu wa ala so ayeke na yâ circonscription ti e asala ti ndu azo mingi na nzo tënë?
NA PEKO TI HUNGO TELE
3. Ngbanga ti nyen a yeke kota ye ti tene zo ti yâ ni ti aChrétien aduti na sioni oko pëpe? Ye so ahunda ti tene e sala nyen?
4. Tongana nyen e lingbi ti fa na gigi so e ye siriri na aita ti e?
5. Salango ye na lege ni aye ti tene nyen, na tongana nyen e yeke fa ni na gigi na lege so e yeke sala ye na ngoi ti e?
6. Ye nyen e manda na yâ tapande ti Saül na ti Noé? Na alege wa e lingbi ti fa so e ‘mä tënë fade fade’ wala e duti ndulu ti mä yanga? (Jacq. 3:17)
7. Tongana nyen aChrétien alingbi ti bata tele ti ala na dutingo pëpe na mara ti salango ye use?
8. Na lege wa e lingbi ti mû tapande ti Paul na salango tënë ti ndara ti Nzapa?
KAPA TI NDAPELELE TI USE LANGO NI
9. Ngbanga ti nyen a lingbi e sala ye na hange na sorongo akusala so e yeke gi, na ye wa ayeke mû maboko na e ti sala ni?
10. Ngangu wa ala so ayeke na yâ ti circonscription ti e ayeke sala ti ga na abungbi lakue, na tongana nyen ala wara aye ti nzoni na salango tongaso?
11. Tongana nyen amokonzi ti sewa alingbi ti kpengba azo ti da ti ala?
12. Aye wa so a sala tënë ni na e si atia circonscription?
NA PEKO TI HUNGO TELE
13. Tongana ti so a sigigi polele na yâ ti kota diskur, akusala ti mbilimbili wa ndara so alondo na nduzu asala ni awe?
14. Ngbanga ti nyen a yeke tâ ye ti buba ti zia bê na e mveni wala na ndo ala so ndara ti Nzapa afa lege na ala pëpe? Na yâ aye wa e yeke na bezoin ti sala ye na donzi?
15. Ndara ti Nzapa abata e yongoro na agbanda wa?
16. Ngbanga ti nyen a yeke kota ye teti e ti sala ye alingbi na awango so a mû na kota bungbi ti circonscription?