Dango bê na kota bungbi ti lango oko

A yeke sala kusala na atënë so ti bâ kozoni na ti kiri ti dabe na kapa ti kota bungbi ti lango oko ti ngu ti kusala 2005. Article “Fini lekengo ye teti dango bê na akapa ti akota bungbi” so ayeke na lembeti 4 ti supplément so, afa tongana nyen a lingbi a sala ni. Na ngoi ti lisoro ti dango bê ni, kangbi yâ ti ngoi ni ti tene a hunda atënë ni kue. A lingbi lisoro ni aluti na ndo lege so e lingbi ti sala kusala na atënë so a fa.

KAPA TI NDAPELELE

 1. Ngbanga ti nyen azo ayeke lakue na bezoin ti mä tënë ti Jéhovah? Ti mä tënë aye ti tene nyen? (“Nda ni so a lingbi e mä Jéhovah”)

 2. Tongana nyen asewa alingbi ti bata mbeni nzoni programme ti akusala ti yingo? (“Asewa so azia lê ti ala gi na ndo mango Tënë ti Nzapa”)

 3. Tongana nyen ala so ayeke na yâ ti circonscription ti e agbu alege so azi na ala ti fa tënë? (“E sala ye kue teti gloire ti Nzapa”)

 4. Aye wa e lingbi ti manda na yâ gbotongo mê so ayeke na aHébreu chapitre 3 na 4? Na lege wa Jéhovah ayeke sala tënë na e laso? (“Dengingo mê ti mä Nzapa ayeke bata e”)

 5. Ye ti nzoni wa mo wara na yâ diskur ti batême? (“Mungo tele na Nzapa nga na batême”)

NA PEKO TI HUNGO TELE

 6. Ye wa e lingbi ti bâ na ndo ti Jésus na ngoi so lo de maseka, na tongana nyen amaseka na yâ ti circonscription ayeke mû tapande ti lo? (“Lege so dengingo mê nzoni na Tënë ti Nzapa ayeke kpengba amaseka ti e”)

 7. Ambeni lege so ababâ na mama alingbi ti to nda ni ti fa salango ye ti Jéhovah na abébé nga na amolenge ti ala ayeke so wa? (“Amolenge so amä Nzapa na amanda ye”)

 8. Na yâ ambilimbili ye wa a lingbi e dengi mê ti mä Jéhovah, Molenge ti lo nga na “ngbâa be-ta-zo na ti ndara”? (Mat. 24:45, NW ). Ngbanga ti nyen a yeke kota ye ti tene e sala ni? (“E dengi mê ti e lakue na awango ti Nzapa”)