Leke mbeni nzoni mbeti-kapa ti sewa

¹ Na yâ Fango ye ti lo na ndo Hoto, Jésus awa lani awamango lo, lo tene: ‘I gi royaume ti Nzapa na mbilimbili ti Lo kozoni.’ (Mat. 6:​33). Tâ nzoni lege ti tene aye ti yingo aga na kozo ndo na yâ akusala so andu sewa ayeke ti sû mbeni mbeti-kapa. Mû angoi kete ti leke mbeni mbeti-kapa ti aye so sewa ti mo ayeke sala ni yenga oko oko. Sala kusala na mbeti-kapa so ayeke na lembeti 6 ti supplément so. Na bango ni tongana pialo ti sewa, ambeni alingbi ti zi ambeti-kapa ti yâ ti Kusala ti Royaume so na ti collé ni na tele ti mbeti-kapa ti ala. Ambeni alingbi ti sû akusala ti ala na yâ ni.

² Tapande ti mbeti-kapa so a fa ni na gbe ni ge alingbi ti mû maboko na mo ti leke mbeti-kapa ti mo. Mo yeke bâ ande so a ndu akpengba kusala osio: (1) gango na abungbi ti kongregation, (2) fango tënë legeoko na sewa, (3) étude ti sewa na (4) gingo nda ti versê ti lâ oko oko na sewa. Ti sû aye so na ndo ti mbeti-kapa ti mo ayeke mû maboko na mo ti “hinga ye so ayeke nzoni ahon”. (aPhil. 1:​10). Nga, a yeke wara na lembeti 4-5 ambeni wango na ndo ti aye osio so.

³ A hunda ti tene mbeti-kapa ti sewa ni angbâ gi na ndo ti aye osio so pëpe. Tongana mo na sewa ni ayeke leke ambeni bungbi ti kongregation legeoko, a yeke nzoni ti sû ni na lê ti mbeti-kapa ti mo. Tongana mo na sewa ni ayeke diko ka Bible na peko ti versê ti lâ oko oko, wala na mbeni ngoi nde, sû ni nga na ndo ti mbeti-kapa ni. Tongana, mingi ni, mo na sewa ti mo ayeke sala mbeni ngia legeoko mo lingbi ti sû ni na ndo ti mbeti-kapa ti mo.

⁴ Leke mbeti-kapa ti sewa ni ti lingbi na bezoin ti sewa ni nga na dutingo ti azo ti da ni kue. Ngoi na ngoi tara ti bâ na lege wa mbeti-kapa ni ayeke tambela nzoni, na tongana a hunda ti gbian mbeni ye na yâ ni mo lingbi ti sala ni.

[Tënë ni na lembeti 3]

Mbeni tapande ti mbeti-kapa ti sewa

Ndapelele Peko ti midi Lakui

Lun. Versê ti Mandango ye

lâ oko oko legeoko na sewa

Mer. Versê ti

lâ oko oko

Jeu. Versê ti Ekole ti Kusala

lâ oko oko ti aChrétien na

Bungbi ti Kusala

Ven. Versê ti

lâ oko oko

Sam. Versê ti

lâ oko oko

Fango tënë legeoko na sewa

(Lango ti kangbingo apériodique)

Dim. Versê ti

lâ oko oko

Diskur na

mandango

Tour ti Ba Ndo

[Tënë ni na lembeti 6]

Mbeti-kapa ti sewa

Ndapelele Peko ti midi Lakui

Lun.

Mar.

Mer.

Jeu.

Ven.

Sam.

Dim.

.................................................................