Ti bâ akete kete ye nzoni afa so mo bi bê na azo
1 Jéhovah Nzapa na Christ Jésus ayeke anzoni tapande ti azo so ayeke bâ atâ ye so atia azo na so ayeke mû maboko na ala (2 Chron. 16:9; Marc 6:34). Tongana e bâ aye so anzere na nga agbu bê ti azo so e yeke wara na ngoi ti fango nzo tënë, a yeke mû lege na e ti leke fango tënë ti e ti lingbi na ni.
2 Gi ti bâ akete kete ye kue: Jésus ayeke lani zo so ayeke bâ akete kete ye nzoni (Marc 12:41-43; Luc 19:1-6). Legeoko nga, e lingbi ti bâ ambeni ye ti vorongo, wala atënë so a sû na tele ti mbeni gbazabanga wala kutukutu, wala aye ti ngia ti amolenge na ngoi so e yeke lï na yâ ti gbagba ti mbeni zo. Ye so alingbi ti mû lege na e ti leke mbeni li ti tënë alingbi na ye ni so e bâ ti fa nzo tënë si a ndu zo ni.
3 Ye so e yeke bâ na lê ti mbeni zo nga na yâ salango ye ti lo alingbi ti fa na e ambeni ye na ndo atënë ti bê ti zo ni (aProv. 15:13). Peut-être mbeni sewa ti lo akui wala mbeni kpale nde alingbi ti sala si lo yeke na bezoin ti tene a dë bê ti lo. Tongana e diko na lo ambeni versê so andu tâ kpale ti lo ni, a yeke nzere na lo mingi (aProv. 16:24). Mo lingbi ti bâ so zo ni ayeke ndulu ti hon na mbeni ndo, wala lo yô mbeni kete molenge so ayeke toto ngangu. Tongana a yeke tongaso, a yeke nzoni ti leke ti kiri ti bâ lo na mbeni ngoi nde. Tongana e bi bê na zo ni na e “sala be-nzoni” na lo, a lingbi peut-être ti pusu lo ti mä e na ngoi so e yeke kiri ti bâ lo.—1 Pi. 3:8.
4 Leke yâ ti atënë ti mo: Bazengele Paul abâ lani na gbata ti Athènes mbeni balaga so a sû na tele ni, a tene: “Teti nzapa so e hinga lo pëpe.” Ye so apusu lo ti gbian lege so lo fa lani na nzo tënë ni, teti lo tënë: “Tongaso ye so i yeke sambela so i dë i hinga pëpe, mbi fa ye so na i.” Kode so Paul asala lani na kua amû lege na ambeni zo so ayeke mä lo ti dengi mê nzoni na tokua ti Royaume na nga ti ga aChrétien.—Kus. 17:23, 34.
5 Legeoko nga, tongana e yeke azo so ayeke bâ akete kete ye nzoni, a yeke mû lege na e ti hinga ye so agbu bê ti mbeni zo na ti leke fango tënë ti e alingbi na ni. Hunda atënë so alingbi ti pusu zo ni ti fa aye so agbu bê ti lo. Gi ti hinga aversê so alingbi ti maï nzara ti zo ni (aProv. 20:5). Ti bâ akete kete ye na nga ti bi bê na ambeni zo ayeke mû lege na e ti fa nzo tënë na lege ni.