Nene ti mandango Bible zo mveni nga na sewa!
1. Kota bingo bê wa Wabatango Bungbi ayeke na ni na mbage ti e na ngoi so? na ngbanga ti nyen?
1 Legeoko na ngoi ti akozo Chrétien, Wabatango Bungbi abi bê ti lo mingi na nzoni duti ti azo ti Jéhovah (Kus. 15:6, 28). So vuko mbinda ti kota ye ti vundu ayeke nduru mingi, a yeke kota ye ti tene wafango tënë oko oko ti Royaume aduti na kpengba songo na Jéhovah. Tongana nyen mo yeke sara ande kusala na ngoi so a mû kozo teti Mandango Buku ti kongregation? A wa zo kue ti mû ngoi so ti bungbi ti manda tënë ti Nzapa na sewa. Sarango kusala nzoni na ngoi so ayeke mû lege ande na e ti lï mingi na yâ ti Mbeti ti Nzapa na ti nyon ngu so ayeke na yâ ni, ngu so amû fini.—Ps. 1:1-3; aRom. 11:33, 34.
2. Tongana nyen e mveni e lingbi ti leke kapa ti mandango Mbeti ti Nzapa na yâ sewa ti e?
2 Bungbi ti mandango tënë ti Nzapa na sewa na lakui: A wa amokonzi ti sewa ti sara kusala ti ala na gbele Jéhovah tongaso si mbeni nzoni kapa ti mandango Mbeti ti Nzapa na sewa aduti dä (Deut. 6:6, 7). Fade aita-koli na aita-wali kumbamba so ayeke na sewa na gbe ti ala pëpe ayeke wara lege ti mû ngoi so ti manda Bible ala mveni na ti gi nda ti aye. A yeke kota ye ti tene e kue e “zia l’heure ti [e] ahon senge pëpe,” me ti mû ni ti manda ye na ti gbu li tongaso si e bata ngangu ti e na lege ti yingo na yâ ti “ngoi so ayeke sioni.”—aÉph. 5:15, 16.
3, 4. Aye wa so a fa e lingbi ti manda ni? na ndani ayeke nyen?
3 Ye ti manda: Index des publications Watch Tower wala Watchtower Library na ndo ti CD-ROM alingbi ti mû maboko na mo ti wara asango so alingbi ti sara si mandango Bible ti mo aduti mbeni ngoi so amû ngia. Asewa alingbi ti gbu li na ndo ti atënë so ayeke na yâ ti Tour ti Ba Ndo, ati so ayeke sigigi lakue tongana “Clés du bonheur familiale”, “Enseignez vos enfants”, na “Pour nos jeunes lecteurs”. E yeke nga na Réveillez-vous! so molongo ti tënë “Les jeunes s’interrogent. . . ” ayeke dä mingi, nga na ambeni pendere tënë so andu akpengba ye so Nzapa acréé.
4 Dikongo Bible na yâ ti siriri alingbi ti sara si akpengba-ndia ti Nzapa nga na atënë ti lo angbâ na yâ ti bê ti azo kue ti yâ ti sewa ni (aHéb. 4:12). Na ambeni ngoi, ala lingbi ti bâ na ti sara lisoro na ndo ti avidéo so bungbi asigigi na ni. Lege ayeke mingi ti sigigi na aye ti manda nga na kode ti sarango ni. Ti hunda na amembre ti sewa ti mo ye so ala ye ti manda, mo bâ ni tongana nyen?
5. Ngbanga ti nyen mandango Bible e mveni nga na sewa ayeke kota ye na yâ ti fini ti e laso?
5 Nene ti sara ni fadeso: Ti kpengba songo ti e na Nzapa ayeke leke e ti “luti kpô ti bâ salut ti [Jéhovah, MN ]” (Ex. 14:13). Ababâ na amama ayeke na bezoin ti fango lege ti Nzapa si ala bata amolenge ti ala “na popo ti awagame ti kirikiri so atambela kirikiri.” (aPhil. 2:15). A lingbi a mû maboko na amolenge ti hinga ye ti sara na ekole so tambela ti azo ni abuba gi bubango (aProv. 22:3, 6). Akoli na awali ayeke sara nzoni ti kpengba “kamba ota” ti mariage ti ala na tere ti Jéhovah (Zo-ti. 4:12). Tongaso, zia e sara ye na ndara ti mû tanga ti ngoi so angbâ ti kpengba tere ti e na yâ ti “mabe ti [e] ti nzoni ahon kue”!—Jude 20.