Gi ti wara tere na ala hio

Ngbene ye na peko ti so a kiri a leke yâ ti site ti e, demande ti azo so ahunda na ndo ti internet ti tene a manda Bible na ala ague na li ni mingi. Fini kode ti fango tënë na ando so azo ayeke dä mingi asara nga si wungo ti azo so ahunda ti manda Bible ague na li ni. Filiale ayeke bâ lege ti ademande ni hio. Na tapande, tongana mbeni zo ahunda na ndo ti jw.org ti manda Bible, a-ancien ti territoire so zo ni ayeke dä ayeke wara lakue mbeni lettre so bureau ti filiale ti ndo ni ayeke tokua na ala lango use na pekoni. Me, e mä so ambeni zo so ahunda ti manda Bible, aita ayeke gue ti bâ ala hio ape teti yenga mingi. Tongana nyen la e lingbi ti hinga biani so a mû maboko na mbeni zo so aye ti manda Bible kozoni si bê ti lo awoko?—Marc 4:14, 15.

Tongana mbeni zo so alango na yâ ti territoire ti ala pëpe aye ti manda Bible, a lingbi ala sû mbeti na lê ti formulaire Veuillez suivre l’intérêt (S-43) hio na ala mû ni na secrétaire ti congrégation ti ala na lango ti bungbi ti peko. Lango oko wala use na pekoni, a lingbi secrétaire atokua ni na bureau ti filiale na ndo ti adresse ti congrégation so ayeke na ndo ti site jw.org. A lingbi a-ancien abâ site ti ala ni lakue. Tongana a-ancien awara mbeni lettre so afa so mbeni zo aye ti manda Bible, a lingbi ala sara hio ti wara tere na zo ni. Tongana a hunda na mbeni ita ti gue ti bâ zo ni a lingbi aduti kozo ye so lo doit ti sara. Tongana zo ni ayeke na yanga-da ape, peut-être mo lingbi ti zia mbeni mbeti so mo zia adresse ti mo dä.