E leke ambeti ti e nzoni la?

A yeke mbeni nzoni hundango tënë so a lingbi e hunda na tere ti e ndali ti ambeti ti e so e leke ti fa na tënë. Mbeni mbeti so yanga ni aba kirikiri, so couleur ni achangé, so ayeke saleté, wala so asuru alingbi ti buba nengo ti bungbi ti e na ti sara si zo so e ye ti mû mbeti ni na lo abâ pëpe pendere ti tënë so amû fini na zo so ayeke na yâ ti mbeti ni.

E lingbi ti sara tongana nyen ti bata ambeti ti e nzoni? Aita mingi abâ so a yeke nzoni ti bungbi amême ambeti place oko na yâ ti bozo ti ala ti fango tënë. Na tapande, ala zia abuku place oko, apériodique na abrochure na mbeni place nde, nga ala yeke na mbeni place ndali ti atract, na ambeni nde tongaso. Na ngoi kue so ala yeke kiri na Bible nga na ambeni mbeti ni na yâ ti bozo ti ala, ala yeke sara ni na hange si a buba pëpe. Ambeni wafango tënë ayeke bata ambeti ti ala na yâ ti mbeni ye tongana vuru nylon. Atâa kode so e sara na kua ayeke so wa, e ye pëpe si mbeni zo awara mbeni faute na yâ ti kua ti e ngbanga ti so e mû na lo mbeni mbeti so ayeke nzoni pëpe.​—2 aCor. 6:3.