Mo yeke sara nyen tongana kpale ti seni asi na mo gi hio tongaso?
Kpale ti seni alingbi ti si na e gi gbagburu tongaso (Jacq. 4:14). Tongaso, zo ti ndara ayeke leke tere ti lo kozo tongana lege ayeke dä (aProv. 22:3). Mo soro awe akode ti kaïngo na kobela so mo yeke yeda na ni nga mo sû ni na mbeti awe? Ti mû maboko na mo, a sigigi na DVD Soigner sans transfuser—Besoins et droits du patient, so iri ti use mbage ni ayeke Des alternatives à la transfusion—Documentaires. Na ndembe so mo yeke bâ ni, bâ wala mo lingbi ti kiri tënë na ahundango tënë so ge. Teti so na yâ ti vidéo ni a fa ambeni kete mbage ti akode ti surungo na zo, a lingbi ababâ na amama asara ye na ndara ti bâ wala ala lingbi ti bâ ni legeoko na amolenge ti ala.
(1) Ngbanga ti nyen ambeni wanganga ayeke kiri ti bâ atënë na ndo ti mungo mênë na zo? (2) Fa atapande ota ti surungo zo so ahunda kpengba kode ti tene wanganga asara ni, sân ti mû mênë na zo. (3) Ngbanga ti nyen awanganga mingi na ndo ti sese kue ayeda ti kaï kobela na sarango kusala na mênë pëpe? (4) Afini mandango ye na yâ ti ada-nganga afa nyen na ndo ti sarango kusala na mênë? (5) Akpale wa zo alingbi ti wara tongana a mû na lo mênë? (6) Mingi ti akota wanganga atene nyen na nda ni na ndo ti nzoni ti ayorö so a yeke sara na kusala na place ti mênë? (7) Aye wa ayeke sara si zo ayeke na mênë pëpe, na a lingbi ti sara nyen ti tene mênë ti zo adü mingi? (8) Nyen la a lingbi ti sara ti tene abengba globule adü mingi na yâ ti tere ti zo ti kobela? (9) Akode wa a yeke sara na kusala ti kanga lege si mênë ayuru mingi pëpe na ngoi ti surungo zo? (10) Ayorö so a yeke mû na place ti mênë alingbi ti sara kusala nzoni na tere ti amolenge wala azo so ye ti ngangu asi na ala na so alingbi ti sara si ala wara kuâ? (11) Wanganga so aye ti kaï kobela ti zo, lo yeke sara ye nzoni tongana nyen na mbage ti zo ti kobela ni?
Teti so a yeke na zo oko oko ti yeda wala ti ke ambeni kode ti kaïngo na kobela so a fa ni na yâ ti vidéo so, ku ngbii kpale asi na mo awe si mo mû desizion pëpe. Chapitre 7 ti buku “Ndoye ti Nzapa” nga na ambeni mbeti so buku ni atokua zo dä nga supplément ti Kusala ti Royaume ti novembre 2006 alingbi ti mû maboko na mo ti mû nzoni desizion mo wani. Na pekoni, tongana mo wara batême awe, sû adesizion ti mo ni na ndo ti carte DPA, nga mû ni lakue na tere ti mo.
[Kete tënë na lembeti 3]
Mo soro awe akode ti kaïngo na kobela so mo yeke yeda na ni nga mo sû ni na mbeti awe?