Mo yeke mû ande kua ti pionnier auxiliaire?
1. Ngbanga ti nyen ngoi ti Mémorial ayeke mbeni nzoni ngoi ti kono yâ ti kusala ti e?
1 Ngoi ti Mémorial ayeke mbeni nzoni ngoi ti kono yâ ti kusala ti e. A yeke mbeni ngoi so e yeke gbu li ti e na ndo ti kota ndoye ti Jéhovah so lo mû Molenge ti lo tongana sandaga ndali ti e (Jean 3:16). Ye so asara si ngia asi bê ti e mingi na apusu e ti fa na ambeni zo tënë na ndo ti Jéhovah nga ye so lo leke ti sara teti azo (És. 12:4, 5; Luc 6:45). A yeke nga ngoi so e yeke na ngia ti mû mbage na kota kapa ti tisango azo so e hinga ala nga na azo ti yâ ti territoire ti ga na Mémorial legeoko na e. Na pekoni, e yeke sara kue ti maï nzara ti azo so ayeda na tisango ndo ni ti ga. Mo yeke kono ande yâ ti kusala ti mo ti mû kua ti pionnier auxiliaire na nze ti mars, avril wala mai?
2. Ngbanga ti nyen nze ti mars ayeke mbeni nzoni ngoi ti mû kua ti pionnier auxiliaire?
2 Kono yâ ti kusala ti mo na nze ti mars: Nze ti mars ayeke duti ande mbeni nzoni ngoi ti mungo kua ti pionnier auxiliaire. Ala so amû kua ni alingbi ti soro ti sara l’heure 30 wala l’heure 50. Tongana ala yeke na vizite ti surveillant ti circonscription na nze ti mars, apionnier auxiliaire alingbi ti ngbâ ti sara bungbi so surveillant ayeke sara ka na apionnier permanent na apionnier spécial nga ti ngbâ dä juska a hunzi. Mémorial ayeke duti ande na mardi lango 26 ti mars 2013. Ti ngu so, kapa ti tisango azo ni ayo kete ahon ti angu so ahon; kapa ni ayeke to nda ni na lango 1 ti nze ti mars. Na ndo ni, mars ayeke na anda-yenga oku. Tongaso, ngbanga ti nyen mo leke pëpe ti kono yâ ti kusala ti mo na nze ti mars?
3. Tongana nyen la e lingbi ti leke tere ti e ti kono yâ ti kusala ti e?
3 Leke tere ti mo fadeso: A yeke fadeso ngoi ti leke yâ ti kapa ti mo na ti bâ aye wa ayeke nzoni ti changé ni ti mû kua ti pionnier. Ti sara kua maboko na maboko na sewa ayeke kota ye mingi, tongaso mû ngoi ti vorongo Nzapa na yâ ti sewa ti sara lisoro na ndo ti aye so sewa ni azia na gbele ala nga ti leke kapa ti ala (aProv. 15:22). Tongana mo wara lege pëpe ti mû kua ti pionnier auxiliaire, zia si mo nze pëpe. Mo lingbi ti leke kapa ti mo ti fa tënë mingi ahon ti so mo yeke sara ka? Mo lingbi ti leke ti fa tënë na ambeni lango nde na yâ ti yenga ni?
4. Aye ti nzoni wa e yeke wara tongana e kono yâ ti kusala ti e na nze ti mars, avril nga na mai?
4 Tongana e kono yâ ti kusala ti e na nze ti mars, avril nga na mai, e yeke duti na ngia mingi teti so e sara na Jéhovah nga e mû ye na azo (Jean 4:34; Kus. 20:35). Kota ye ni kue ayeke so, asacrifice so e sara na ngangu ti e kue ayeke mû ngia na Jéhovah.—aProv. 27:11.