Ngoi ti Mémorial: Mbeni lege so azi ti fa tënë mingi!
1. Ngbanga ti nyen a yeke nzoni ti gbu li ti e ti bâ wala e lingbi ti fa tënë mingi na nze ti mars, avril nga na mai?
1 Mo lingbi ti fa tënë mingi ahon ti kozo na ngoi ti Mémorial so ayeke ga? Na akodoro mingi, ngu ayeke pika mingi pëpe na lâ ayeke linda hio pëpe. Ambeni wafango tënë so ayeke a-élève wala so ayeke sara kua ti nginza ayeke duti na vacances. Ala lingbi ti mû ngoi ni so ti fa na tënë. Ande na lango 2 ti avril e yeke to nda ti mbeni kota kapa ti tisango azo so asara nzara ti tâ tënë ti ga na Mémorial na lango 17 ti avril. Na pekoni, e yeke sara ande kue ti kono nzara ti azo so aga na Mémorial na e yeke tisa ala ti ga na diskur so a zia ni nde, so a yeke mû ni ande na yâ ti yenga so ayeke to nda ni na lango 25 ti avril. Biani, e yeke na araison mingi ti gbu li ti e ti bâ wala e lingbi ti fa tënë mingi na nze ti mars, avril na mai.
2. Mbeni nzoni lege ti tene e fa tënë mingi ayeke so wa?
2 Kua ti pionnier auxiliaire: Mbeni nzoni lege ti fa tënë mingi ayeke ti mû kua ti pionnier auxiliaire. Teti so e kue e yeke na ye mingi ti sara, a hunda ka ti kiri ti leke yâ ti kapa ti e kozoni na ti gbian ambeni ye na yâ ni (aProv. 21:5). Peut-être na yâ ti akua so mo yeke sara ka lakue lakue, mo lingbi ti pusu na peko ambeni so ayeke kota ye mingi pëpe (aPhil. 1:9-11). Ngbanga ti nyen mo fa pëpe na amba ti mo na yâ ti congrégation nzara so mo yeke na ni ti sara kua ti pionnier ti bâ wala ala lingbi nga ti sara kua so?
3. Tongana nyen la asewa alingbi ti leke tere ti ala ti fa tënë mingi?
3 Na lango so ala yeke manda ande tënë ti Nzapa na sewa, a yeke nzoni ala sara lisoro na ndo ti aye so sewa ti ala azia na gbele lo ti sara (aProv. 15:22). Tongana ala sara kua maboko na maboko na yâ ti sewa ni, peut-être ambeni zo na yâ ti sewa ni alingbi ti sara kua ti pionnier auxiliaire teti nze oko wala anze mingi. Ka tongana mo bâ so lege ti sara kua ti pionnier auxiliaire ni ayeke dä pëpe? Sewa ni alingbi ti kiri ti leke yâ ti kapa ti ala ti fa tënë mingi na lakui wala ti fa tënë aninga na samedi nga na dimanche.
4. Aye ti nzoni wa e yeke wara tongana e fa tënë mingi na ngoi ti Mémorial so ayeke ga?
4 Jéhovah ayeke bâ angangu kue so e yeke sara ti sara na lo na lo yeke bâ asacrifice so e yeke sara na nene ni (aHéb. 6:10). Ti mû ye na Jéhovah nga na amba ti e aga na ngia (1 Chron. 29:9; Kus. 20:35). Mo lingbi ti fa tënë mingi na ngoi ti Mémorial so ayeke ga tongaso si mo wara ngia nga na aye ti nzoni mingi na pekoni?