Tongana mo yapu ayeke pusu ambeni ita ti sara apendere kusala

A-Hébreu 10:24 awa e ti “bi lê na ndo ti mba ti pusu mba ti duti na ndoye na ti sara apendere kusala”. E lingbi ti pusu aita ti e ti sara ye na lege ti tapande ti e nga na asarango ye ti e so afa so e yeke na mabe. Fa peko ti aye ti nzoni so asi na mo na aita ti congrégation. Zia ala bâ ngia so mo wara tongana mo sara na Jéhovah. Na oko ngoi ni, kpe ti haka ala na mo wani wala na ambeni zo nde (aGal. 6:4). Gi ti sara kua na anzoni kode so mo yeke na ni ti pusu amba ti mo ti “duti na ndoye na ti sara apendere kusala; me kpe ti pusu ala ti pensé so tongana ala sara apendere kusala ni ape ala hinga ye so ayeke wara ande ala awe (Bâ buku Ekole ti Kusala, l. 158, par. 4.) Tongana e pusu aita ti e ti duti na ndoye, ala yeke sara ande nzoni na zo nga ala yeke fa tënë.—2 aCor. 1:24.