Maï akode ti fango tënë ti mo: Sungo anzoni lettre

NDANI SO A YEKE KOTA YE: Kozo mbeti na aCorinthien ayeke oko ti alettre 14 so bazengele Paul asara ti kpengba amba ti lo Chrétien. Tongana mbeni zo asara lettre, lo yeke na ngoi ti soro atënë ti lo na lege ni, nga zo so ayeke wara ni alingbi ti diko ni lege mingi. Mbeni nzoni lege ti fa tënë na afami wala na azo so e hinga ala ayeke ti tokua na ala alettre. A yeke nga mbeni nzoni lege ti fango tënë na azo so e lingbi pëpe ti sara lisoro na ala lê na lê. Na tapande, mbeni zo apeut ti yeda na tâ tënë, me a yeke ngangu ti wara lo na yanga-da. A lingbi ti duti ngangu ti wara ambeni zo ti yâ ti territoire ti e ndali ti so ala lango na ando so zo ayeke si dä kirikiri ape wala na ando so ayo mingi. Ambeni ye wa la a lingbi e girisa ape, mbilimbili na ngoi so e yeke sara lettre na mbeni zo so e hinga lo ape?

LEGE TI SARA NI:

• 

  Tene tënë so mo yeke tene tongana fade mo wara zo ni. Fa terê ti mo na tongo nda ti lettre ni, nga fa polele ndani so mo sara lettre ni. Hunda peut-être mbeni tënë ti tene zo ni agbu li na ndö ni, nga tokua lo na ndö ti site ti e. Na pekoni, fa na lo so e yeke manda ka Bible na azo na ndo ti ala, wala fa na lo ambeni li ti tënë ti chapitre ti mbeni mbeti so e yeke sara ka na étude na azo. Zia na yâ ti enveloppe ni, aye tongana carte ti jw.org, mbeti ti tisango ndo wala tract.

• Sara gbâ ti tënë ape. A lingbi lettre ni aduti nduru tongaso si zo ni afatigué na dikongo ni ape.—Bâ tapande ti mbeni lettre ni

• Diko peko ni ndali ti a-erreur, nga ti tene aduti polele. Sû mbeti ni mo bâ mo tene mo tokua ni na mbeni kamarade ti mo, sara tënë na kode nga duti na nzoni bango ndo