“Sese kue ayeke tene yanga ti kodro oko”

11:1-4, 6-9

Na Babel, Jéhovah asara si yâ ti azo ti kengo yanga akangbi kirikiri na lege so lo sara si ala tene ayanga ti kodro nde nde. Laso lo ngbâ ti bungbi azo mingi mingi so alondo na popo ti amara kue nga na ayanga ti kodro kue, ti sara si ala tene “yanga ti kodro so ayeke nzoni kue,” si ala lingbi “ti di iri ti Jéhovah, na ala kue asara kua na lo maboko na maboko.” (Sph 3:9; Apc 7:9). “Yanga ti kodro so ayeke nzoni kue” ayeke atâ tënë na ndö ti Jéhovah nga na aye so lo leke ti sara so a sara tënë ni na yâ ti Bible.

Mandango mbeni fini yanga ti kodro ahunda aye mingi ahon gï ti bata afini tënë na li. A hunda ti wara mbeni fini fason ti pensé. Legeoko nga, tongana e yeke manda yanga ti kodro so ayeke nzoni kue, bibe ti e ayeke changé (aRm 12:2). A yeke ye so a lingbi e sara ni lakue lakue si beoko aduti na popo ti azo ti Nzapa.​—1aC 1:10.