Mo yeke wara ye ti nzoni na lege ti Gingo nda ti tënë ti Nzapa lâ oko oko?

Eskê dikongo Bible nga na acommentaire ti Gingo nda ti tënë ti Nzapa lâ oko oko ayeke na popo ti aye so mo yeke sara lâ na lâ ti ga nduru mingi na Jéhovah? Tongana a yeke tongaso ape, mo peut ti sara si aga mbeni ye so mo yeke sara lâ oko oko? Aita mingi ayeke sara texte na ndapre, tongaso si ala lingbi ti gbu li na ndö ni na yâ ti lango ni tongana ala yeke sara akua ti ala (Jos 1:8; Ps 119:97). Tongana nyen la mo lingbi ti wara ye ti nzoni mingi na lege ti versê ni? Diko atënë so angoro versê ti Bible ni ti hinga tënë ni nzoni. Tara ti gbu li na ndö ti mbeni mbaï ti Bible so afa mama-ndia so a sara tënë ni na yâ ti versê ni. Na pekoni, sara ye alingbi na mama-ndia ni na yâ ti fini ti mo. Tongana Bible la a-aidé mo ti mû adesizion, a yeke fa lege na mo nga mo yeke wara ye ti nzoni na peko ni.—Ps 119:105.

Asewa ti Béthel na yâ ti dunia ayeke gi nda ti tënë ti Nzapa lâ oko oko na ndapre. Na yâ ti angu so ahon ade ti ninga ape, a yeke zia mingi ti akapa so na ndö ti JW Télédiffusion na gbe ti mbage AVIDÉO > AMBENI BUNGBI NGA NA ADISKUR. Lawa la ti ndangba ni mo kiri mo bâ mbeni kapa ni oko wala ahon so? Peut-être mbeni ye ni ayeke tâ ye so mo yeke na bezoin ni. Na tapande, tongana nyen la mbaï ti Lot alingbi ti aidé mo na yâ ti adesizion ti mo?

BÂ VIDÉO NDOYE DUNIA SO PËPE (1Jn 2:15), NA PEKONI KIRI TËNË NA AHUNDA SO:

• Mama-ndia ti Bible wa la ayeke na gunda ti kapa ti Vorongo Nzapa na ndapre ni so?

• Tongana nyen la mbaï ti Lot afa kpale so e yeke wara tongana e ndoye dunia so wala aye so ayeke na yâ ni?—Ge 13:12; 14:12; 19:3, 12, 13, 24-26

• Tongana nyen la e yeke fa so e ndoye Jéhovah me pëpe dunia so wala aye so ayeke na yâ ni?