A lingbi mbi sambela asaint?

Kiringo tënë ti Bible

Ên-ën. Bible afa so a lingbi e sambela gï Nzapa, na iri ti Jésus. Jésus atene lani na adisciple ti lo: “Tongaso, a lingbi i sambela na lege so: Babâ ti e so ayeke na yayu, e ye iri ti Mo aga nzoni-kue.” (Matthieu 6:9, La Sainte Bible en sango.) Lo hunda lâ oko ape na adisciple ti lo ti sambela asaint, a-ange wala mbeni zo nde, me gï Nzapa awe.

Jésus atene nga na adisciple ti lo: “Mbi yeke lege ni, tâ tënë na fini. Zo oko alingbi ti ga na Babâ na mbeni lege nde pëpe, gï na lege ti mbi.” (Jean 14:6). A yeke gï Jésus oko la ayeke walekengo-songo na popo ti Nzapa na azo (aHébreu 7:25).

Ka tongana mbi sambela Nzapa nga mbi sambela asaint?

Na ngoi so Satan atara lani Jésus, Jésus atene na lo: “A yeke gï Jéhovah Nzapa ti mo si mo doit ti voro lo.” (Matthieu 4:10). Nzapa ahunda ti tene aye kue so andu vorongo, même sambela ague gï na lo oko awe (Ésaïe 48:11).

E yeke son bê ti Nzapa tongana e sambela mbeni zo nde, même asaint wala a-ange so ayeke nzoni-kue. Na ngoi so bazengele Jean atara lani ti voro mbeni ange, ange ni ake na lo tene: “Sara ye tongaso pëpe! Mbi yeke gï mbeni mba ti mo zo ti kua. Mbi yeke nga mba ti aita ti mo na ti azo so kue abata tënë so Jésus afa so na lege ni mbilimbili. A yeke nzoni mo voro Nzapa!” (Apocalypse 19:10, Fini Mbuki, 1995).