Maï akode ti fango tënë ti mo: Lege ti kiri tënë na azo so aye ti kanga lege na e ti sara lisoro na ala

Ndani so a yeke kota ye: Tara ti bâ so mo hinga so mbeni kota ngu ayeke pika na pupu. Mo hinga so azo ayeke kui tongana ala kpe ti bata tere ti ala pëpe. Mo gue ti sara tënë ni na mbeni voizin ti mo. Na ngoi so mo ye ti fa tënë ni na lo, lo fâ tënë na yanga ti mo lo tene so lo yeke na aye mingi ti sara. Ti tâ tënë ni, mo yeke zia lo gi hio tongaso ti hon ape! Mingi ti azo ti territoire ti e ayeke tomba e, ala bâ pëpe so tënë so e ga na ni na ala andu fini ti ala. Peut-être na ngoi so e ga fade ti fa tënë na ala, ala yeke na mbeni ye ti sarango ni (Mat. 24:​37-​39). Peut-être ala yeke na nzoni bango ndo na ndo ti e pëpe ndali ti atënë ti mvene so azo atene na ndo ti e (Mat. 11:​18, 19). Ala lingbi ti pensé so e yeke sara ye gi legeoko tongana tanga ti abungbi ti vorongo Nzapa kue so ayeke sara gi aye ti sioni (2 Pi. 2:​1, 2). Ni la tongana zo ni ake ti mä e na tongo nda ni, a lingbi e zia lo hio e hon pëpe.