Nyen la Royaume ti Nzapa ayeke ga ande ti sara?

Kiringo tënë ti Bible

Royaume ti Nzapa ayeke zi ande agouvernement ti azo kue na ayeke komande na ndö ti sese kue (Daniel 2:44; Apocalypse 16:14). Tongana ye ni so asi awe, Royaume ti Nzapa ayeke . . .

• Zi azo ti sioni, so kion ti bê ti ala aga na sioni ye na ndö ti e kue. “Âdu ti azo ti sioni, a yeke zi ala na ndö ti sese.”​—aProverbe 2:22.

• Sara si abira kue akaï. “[Nzapa ayeke] sara si abira ahunzi na ndö ti sese kue.”​—Psaume 46:9.

• Ga na siriri nga na nzoni duti na ndö ti sese. “Zo oko oko ayeke duti ande na gbe ti keke ti vigne ti lo nga na gbe ti keke ti figue ti lo, zo oko ayeke zia mbeto na yâ ti ala pëpe”—Michée 4:4

• Sara si sese aga mbeni paradis. “Ndo so ahule ngangu ayeke duti ande na ngia mingi; kpangbala ndo ti désert ayeke duti ande na ngia, nga apendere fleur ayeke sigi dä gbani gbani.”​—Ésaïe 35:1

• Sara si zo oko oko kue awara mbeni nzoni kua so lo wara ngia na yâ ni. “Azo so [Nzapa asoro] ala ayeke wara ngia na yâ ti kua so ala sara na maboko ti ala. Ala yeke bâ pasi gï senge senge pëpe.”​—Ésaïe 65:21-23.

• Zi kobela biani biani. “Zo ti kodro ni ayeke tene ande pëpe: ‘Terê ti mbi ason.’”—Ésaïe 33:24.

• Sara si e ga mbakoro encore ape. “Zia si terê ti lo akiri aza ahon ti lâ ti maseka ti lo; zia lo kiri na tango so lo de maseka si ngangu ti lo ayeke mingi so.”​—Job 33:25

• Zingo azo so akui awe. “Ala kue so ayeke na yâ ti adû ti kuâ ayeke mä ande go ti [Jésus], na ala yeke sigi.”​—Jean 5:28, 29.