Mo dabe ti mo na ni?

Mo diko a-article ti Tour ti Ba Ndo so asigigi ade ti ninga ape so nzoni? Bâ wala mo lingbi ti kiri tënë na ahundango ndo so ge:

Kuä ti li ti Samson la amû lani ngangu na lo?

A yeke pëpe kuä ti li ti Samson la amû na lo ngangu. Kuä ti li ti lo ni ayeke fä ti kota songo so lo yeke na ni na Nzapa ndali ti so lo yeke Naziréen. Songo so abuba lani na ngoi so Dalila a sara si a fâ kuä ti li ti lo.​—15/4, lembeti 9.

Legeoko tongana ti bê ti e, aye ota wa ayeke sara ngangu na ndo ti bê ti e na lege ti fä?

(1) Tengo kobe nzoni. Bê ti e ayeke na bezoin ti anzoni kobe, legeoko nga a lingbi e te gbâ ti akobe ti yingo. (2) Tarango tere. Tongana e fa tënë na nzara ni ayeke sara si bê ti e na lege fä angbâ nzoni. (3) Azo so e yeke na popo ti ala. E lingbi ti sara si gingo bê ti e akiri na peko tongana e bungbi lakue na amba ti e aChrétien so ayeke bi bê ti ala na e.​—15/4, lembeti 16.

Na ngoi ti mungo diskur ti kuâ ti mbeni Chrétien, ngbanga ti nyen a yeke na lege ni pëpe ti sara kusala na Psaume 116:15 na ndo ti zo ni so akui so?

Versê ni atene: “Kui ti azo ti nzobe ayeke ye ti ngere ngangu na lê ti L’Éternel.” A ye ti tene so Nzapa ayeke zia lege pëpe ti tene awakua be-ta-zo ti lo kue akui ndali ti so lo bâ ala tongana ye ti ngere ngangu. Lo yeke zia pëpe si a futi awakua ti lo kue tongana mbeni groupe na ndo ti sese.​—15/5, lembeti 22.

Acolporteur ayeke azo wa?

Kozoni na ngu 1931, “acolporteur” ayeke iri so a yeke iri lani na apionnier.​—15/5, lembeti 31.

“Royaume nde nde so kue” so a sara tënë ni na Daniel 2:44 ayeke aroyaume wa?

Prophétie so aye ti sara tënë ti aroyaume, wala angorogbia, so ambage nde nde ti image so Daniel afa ndani ayeke fä ni.​—15/6, lembeti 17.

Lawa la ngangu komandema ti Grande-Bretagne na Amerika aga mbasambala ngangu ngorogbia so prophétie ti Bible asara tënë ni?

Grande-Bretagne na Amerika aga ngangu ngorogbia na yâ ti dunia na ngoi so Grande-Bretagne na Amerika abungbi oko ti sara kusala maboko na maboko ti sara mbeni kpengba ye na ngoi ti Kozo Bira so Amû Sese Kue.​—15/6, lembeti 19.

Mo lingbi ti sara nyen ti sigigi na gbe ti ngangu ti asioni yingo?

Zi tere ti mo na aye kue so akpa ye so ayeke sara si mo wara songo na asioni yingo (Kus. 19:19, 20). Sara ngangu ti “ga nduru na Nzapa”, na hingango na bê ti mo kue so lo lingbi ti mû maboko na mo ti sigigi na gbe ti asioni yingo na lo yeke sara ni (Jac. 4:7, 8).​—1/7, lembeti 12.

Ndali ti nyen si mara ti kuâ so Jésus akui na ni so asara si ambeni Juif atï lani?

Mbeni mbeti afa so na ngoi ni kâ aJuif abâ lege so a fâ na Jésus tongana mbeni ye ti kamene. Ti azo ni, mara ti kuâ so mo zo mo kui na ni afa ye mingi na ndo ti mo zo ni. Ni la, ti ala Jésus ayeke lani mbeni sioni zo.​—1/7, lembeti 13.

Aye wa alingbi ti mû maboko na mo ti tene gigi ti mo ti kekereke aga nzoni?

Gi ti bâ aye so ayeke ga na peko ti adesizion ti mo (aProv. 22:3). Mû peko ti azo senge senge pëpe. Bâ ndo ayo (aProv. 21:5). Gi ti si na aye so mo zia na gbele mo (Jean 17:3).​—1/7, lembeti 18-19.

Ambeni wango wa ti Bible alingbi ti mû maboko na mo na ngoi so a zi mo na kua wala a kiri na nginza ti kua ti mo na gbe ni?

Diko ngere ni si (Luc 14:28). Gbian dutingo ti mo (aProv. 22:3). Yeda ti sara ambeni kua so lâ oko mo sara ni pëpe (aProv. 29:25). Duti na ngia gi na ye so mo yeke na ni (aPhil. 4:11, 12).​—1/7, lembeti 20-21.