Qoqqowiꞌnera Noo Manna Baala Qaagooshshu Ayyaanira Koyisse!

Ammajje 27nni zamacha hananfeemmo yannara, qooxeessinkera heeꞌranno manni baalu Kiristoosi reyoha Qaagooshshu Ayyaana ninke ledo ayirrisanno gede koyinseemmo. Qoleno hasatto noonsa manninni xaandummoro hasattonsa lexxitanno gede assate faana ganne kaaꞌla hasiissannonke.

ASSA HASIISSANNORE

HASAAWU BITIMA COYIꞌRA

“Manna baala mittu baxxino ayyaanira koyinsanni heeꞌnoommo. Badheessa 23nni, alame woꞌmate lowo miliyoone ikkanno manni Yesuusi Kiristoosi reyo qaagatenna isi reyo kaaꞌlitannonke gara xawissannota Qullaawu Maxaafi lallawo macciishshate gamba yaanno. Kuni koyishshu woraqati ninke qooxeessira konne ayyaana ayirrinsanni saatenna bayicho kulanno. Dandaattoha ikkiro daatto gede koyinsoommohe.”

Qaete anni hasatto noosita leellishannoha ikkiro . . .

• AGAROOSHSHU SHAE ELI

  Wole wote marte hasaawisatto wotira injeessite haꞌri.

• QAGOOSHSHU AYYAANI VIIDIYO LEELLISHI

  Wole wote marte hasaawisatto wotira injeessite haꞌri.

Galagalte hasaawisate daatto wote. . .

• QULLAAWA MAXAAFA XIINXALLA HASIISSANNOHU MAYIRAATI? YITANNO VIIDIYO LEELLISHI

  Qullaawa Maxaafa xiinxallate kaaꞌlitanno borro eli.

• QULLAAWU MAXAAFI ADDINTA MAYYEE ROSIISANNO? YAANNO MAXAAFA ELI

  Konni maxaafira qoola 206-208 aana noo hedo horoonsidhe Qaagooshshu Ayyaanire ledde xawisi. Hakkiinnino maxaafa eli.

• MAGANU YAANNORE MACCIISHSHI YITANNO BIROSHERE ELI

  Qoola 18-19 aana noo hedo horoonsidhe Kiristoosi reyo mayi tiro afidhinoro xawisi. Hakkiinnino biroshere eli.