Shaqqille

Yesuusi Assinore

VIIDIYO: Yesuusi Illiweelo Mancho Hursi

1. VIIDIYO laꞌe; woy Yohaannisi 9:1-7 nabbabbe. Hakkiinni, aante noo xaꞌmuwa hiince:

1. Yesuusi balaxe ma assino? Illiweelo mancho hursinonso dancha duduwo kulinosi?—Yohaannisi 9:35-38 lai.

2. Kuni manchi Yesuusi kulinosi sokka maahoyye yee adhinohu mayira ikkara dandaanno?

Yesuusi Assinorinni Maa Ronseemmo?

2. Hasaawinsoommo manchi shaqqille leellinshummosiro kulleemmosi sokka roore macciishshara dandaanno.

Yesuusi Faale Hadhe

3. Mancho marartinannita leellishshe. Mayi macciishshamasira dandaannoro hedate woꞌnaalle.

1. Togo yitine hedde: ‘Mayi daafira yaadanni nooha ikkara dandaanno? Kaaꞌlammosiranna jawaachishammosira dandeemmohu ma assummorooti?’ Konni garinni heda, godowinta shaqqille leellishshinannisi gede kaaꞌlitannoꞌne.

2. Coyiꞌranno woyite macciishshe. Hatto assaꞌne, hedosi ayirrissinannita leellishshanno. Mitte hajo daafira noosi lao kuliꞌnero, woy iillanni noosi qarra kuliro, coyiꞌrinore agurtine wolere hasaawate higginoonte.

4. Shaqqillunninna ayirrinyunni coyidhe. Mitto mancho mararreemmohanna addinta kaaꞌla hasiꞌneemmoha ikkiro, coyiꞌneemmo gari tenne leellishannoha ikkanno. Coyidhinanni coyenna coyidhinanni gara seekkitine hedde; koffi assara dandaanno coye coyidhinoonte.

5. Mitore assitine kaaꞌle. Mitore assitine kaaꞌla dandiitinanni doogga hasidhe. Danchumma assa hasaawaho doogo fantara dandiitanno.