Fa Parè va Iha?

Fa parè va iha laha misy loza tampoky aminareo eny? Tena manimba ty loza manahaky sikilony, horohoron-tany, tany mikomaky, ala may, na ranobe. Manampoky koa ty malaso, ty mpanao grevy, noho ty arety mandripaky sady tsy mifily tanà. (Mpto 9:11) Ka manao ho zao mihintsy hoe tsy hisy ani-zao aminay atoy.

Tsy maintsy mioma soa iaby tsika mba tsy ho azon-doza. (Oh 22:3) Marina fa manampy antsika ty fandamina lafa misy loza, fe tsika kiraidraiky mihintsy ro tsy maintsy mioma.—Ga 6:5.

HENTEO TY VIDEO HOE FA PARÈ VA IHA LAHA MISY LOZA? BAKEO VALEO FANONTANEA RETOA:

• 

  Manino ty fifandrambesa soa amy Jehovah ro tena hanampy antsika lafa avy ty loza?

• 

  Manino ro tena ilà ty...

  • • manambara ani-ze fomba hahazoa antsika amy anti-panahy alohani-loza iny, anatini-loza iny, noho lafa tampitsy loza iny? (Ohatsy hoe trano na nimero telefony, sirtò laha niova)

  • • manoma kitapo misy ze raha tena ilà noho mora rambesy?—g17.5 6

  • • mandiniky mikasiky ani-ze loza mety ho avy noho ty raha tokony hatao amy loza reo?

• 

  Ino iaby ty raha telo azontsika atao lafa misy olo tratsini-loza?