O le Tusi i Kerisiano Eperu

10 Talu ai ua iai i le Tulafono le ata+ o mea lelei i le lumanaʻi+ ae e lē o le tino mai o mea, e lē mafai lava la e le Tulafono* ona faia ia lelei atoatoa o ē e faalatalata atu i le Atua,+ e ala i le ofoina atu e lē aunoa o taulaga lava na i lea tausaga ma lea tausaga. 2 Ana lē o lea, pe sa lē tatau la ona taofia le ofoina atu o taulaga, talu ai e uma loa ona faamamāina i latou ua tuuina atu le auaunaga paia, ona lē toe iloa lea o agasala i le lotofuatiaifo?* 3 Peitaʻi, o nei taulaga ua faamanatu atu ai agasala i lea tausaga ma lea tausaga,+ 4 auā e lē mafai ona aveesea agasala e le toto o povi poʻa ma ʻoti.

5 O le mea lea, ina ua afio mai o ia i le lalolagi, ua ia fetalai mai: “‘O taulaga ma mea na ofoina atu ua e lē finagalo i ai, ae ua e saunia se tino mo aʻu. 6 E te leʻi fiafia foʻi i taulaga mū* ma taulaga o agasala.’+ 7 Ona ou faapea atu lea: ‘Faauta! Le Atua e, ua ou sau e fai lou finagalo (auā ua tusia e uiga iā te aʻu i le tusi tāʻai).’”*+ 8 Ina ua uma fetalaiga muamua e faapea: “E te lē finagalo pe fiafia i taulaga, ma mea e ofoina atu ma taulaga mū ma taulaga o agasala”—o taulaga ia na ofoina atu e tusa ai ma le Tulafono— 9 ona fetalai mai lea o ia: “Faauta! ua ou sau e fai lou finagalo.”+ Ua ia faalēaogāina mea na muamua, ina ia faavaeina ai le mea lona lua. 10 O le “finagalo” foʻi lea+ ua faapaiaina ai i tatou i le ofoina atu o le tino o Keriso Iesu, lea e na o le faatasi lava ona faia.+

11 E tutū foʻi ositaulaga uma e galulue i lea aso ma lea aso e faia le auaunaga paia,*+ ma ofo atu e lē aunoa ia lava taulaga,+ ia e lē mafai ona aveeseina atoatoa ai agasala.+ 12 Ae ua ofoina atu e lenei tagata le taulaga e tasi e faavavau mo agasala, ma nofo ai i le itu taumatau o le Atua,+ 13 o loo faatalitali ai o ia seʻia faia ona fili ma mea e tū ai ona vae.+ 14 Auā e ala i le taulaga e tasi, ua ia faia ai i latou ua faapaiaina ina ia atoatoa ona lelei+ e faavavau. 15 Ua molimau mai foʻi le agaga paia iā i tatou ina ua faapea mai: 16 “Ua fetalai mai Ieova:* ‘O le feagaiga lenei ou te osia ma i latou pe a mavae na aso. Ou te tuuina aʻu tulafono i o latou loto, ma ou te tusiaina foʻi i o latou mafaufau.’”+ 17 Ona toe faapea mai lea: “Ou te lē toe manatuaina a latou agasala ma a latou solitulafono.”+ 18 Afai ua faamagaloina na agasala, e lē toe ofoina atu la se taulaga o agasala.

19 O le mea lea le ʻauuso e, ona o le toto o Iesu, ua tatou lototetele* ai e ui i le auala e oo atu ai i le mea paia,+ 20 lea ua ia tatalaina* ai mo i tatou se ala fou e ola ai, e ui atu i le ʻie puipui,+ o lona tino lea, 21 talu ai foʻi e iai la tatou ositaulaga sili e vaaia le aiga o le Atua,+ 22 o lea, seʻi o tatou faalatalata atu ai i le Atua ma le lotofaamaoni ma le faatuatua atoatoa, ona ua faamamāina o tatou loto ma lelei o tatou lotofuatiaifo,+ ua faatā‘eleina foʻi o tatou tino i le vai mamā.+ 23 Ia tatou tausisi e taʻutaʻu atu ma le lē fefoʻifoʻiaʻi i le lautele lo tatou faamoemoe,+ auā o lē na faia le folafolaga e faamaoni o ia. 24 Ia tatou manatunatu* foʻi le tasi i le isi ina ia faatupu* ai le alofa ma galuega lelei,+ 25 aua neʻi tuulafoaʻiina le faapotopotoina o i tatou+ e pei o le masani a isi, ae ia fefaalaeiauaʻi,+ ia sili foʻi ona faia faapea auā ua outou iloa ua matuā latalata mai lava le aso.+

26 Auā afai ua tatou faia pea le agasala ma le loto i ai ina ua uma ona tatou talia le poto saʻo o le upu moni,+ e lē toe iai se taulaga mo a tatou agasala,+ 27 ae e na o le faatalitali atu ma le matataʻu i le faamasinoga, ma le toʻasā aasa e faaumatia ai o ē e tetee atu.+ 28 O sē e lē usiusitaʻi i le Tulafono a Mose, e oti o ia e aunoa ma le alofa mutimutivale i le molimau a le toʻalua po o le toʻatolu.+ 29 Po o le ā so outou manatu, pe e lē sili ea ona mataʻutia le faasalaga e tatau ona oo i le tagata ua ia soli le Alo o le Atua, ma o lē ua manatu e lē tāua le toto o le feagaiga+ lea na faapaiaina ai o ia, ma o lē ua faatigā ma ʻinoʻino i le agaga o le agalelei faifua?+ 30 Auā ua tatou iloa Lē na fetalai mai: “O aʻu e faia le tauimasui; ou te taui atu lava.” Na toe faapea mai foʻi: “O le a faamasinoina e Ieova* lona nuu.”+ 31 O se mea e mataʻutia le maua e aao o le Atua soifua.

32 Ae ia outou manatua pea aso ua mavae ina ua outou maua le malamalama,+ na outou tumau ai i tauiviga i le tele o mafatiaga. 33 O nisi taimi na fai outou ma taulaʻiga o faifaiga ma puapuaga i luma o le lautele,* ma o nisi taimi na outou tofo faatasi ai i mafatiaga o ē na oo i ai tofotofoga. 34 Auā na outou faaalia le tigā alofa iā i latou o i le falepuipui, ma onosaia ma le olioli le faoa o a outou mea,+ i le iloa e sili atu ona lelei ma tumau le tofi ua iā te outou.+

35 O lea la, aua neʻi lafoaʻia lo outou lototetele,* auā e maua ai le taui tele.+ 36 E tatau ona outou tumau,+ ina ia outou maua ai le faataunuuga o le folafolaga, pe a uma ona outou faia le finagalo o le Atua. 37 Auā ua “toeitiiti lava”+ ona “taunuu mai lea o lē o loo maliu mai, ma e lē faatuai mai lava.”+ 38 “Ae o laʻu auauna amiotonu, e ola o ia i le faatuatua,”+ ma “afai e tuumuli o ia, e lē fiafia loʻu loto iā te ia.”+ 39 A o i tatou e lē o ni ē e tuumuli i le faaumatiaga,+ ae o ē e iai le faatuatua lea e faatumauina ai o tatou ola.