Sauniga e Fesoasoani ia i Tatou e Faia Soʻo
VAIASO E AMATA IA FEPUARI 4
Pese 51 (92)
10 minu: Faasilasilaga masani ma Faasilasilaga ua Filifilia mai La Tatou Faiva o le Malo. A lava le taimi, fautuaina ni auala e taulimaina ai mekasini o loo iai i la tou oganuu. Faalaeiau ia tofu sao i le auaunaga i le fanua i lenei faaiʻuga o le vaiaso.
15 minu: “Lototele e Faasalafa le Valaaulia i nā ‘Sau ia!’” Talanoaga i fesili ma tali ma faataʻitaʻiga. Ia ufitia manatu i le mataupu o La Tatou Faiva o le Malo, faamatilatilaina ai le faatatauga o le mau o le tausaga, Faaaliga 22:17. Aaoina ni taulimaga pupuu se lua e fautuaina ai ni auala e faatino ai le ofo o tusi o loo faia i la outou oganuu.
10 minu: “Vivii ia Ieova i Pesega.” Lauga faalaeiau e faavae i le mataupu. Faaaogā pese o le polokalama i lenei afiafi e faataʻitaʻi ai manatu ua aumaia i le mataupu.
10 minu: Manaoga o le faapotopotoga po o se lauga e faavae i le “Auauna Talavou i Taimi o le Tusi Paia” i Le Olomatamata, Tesema 1, 1990, itulau 4-7.
Pese 57 (107) ma le tatalo faaiʻu.
VAIASO E AMATA IA FEPUARI 11
Pese 103 (193)
10 minu: Faasilasilaga masani. Tala o le tupe. Faaaofia ai faaleoga o le sapaitalia mo le lima foai o le faapotopotoga i le tausia o manaoga o le faapotopotoga, ma faaoo atu i uso le talialoaia e le Sosaiete o foai ua auina atu.
20 minu: “Taulimaina o le Tala Lelei—I le Molimau atu i Magaala.” Fesili ma tali. Faaofi i ai ni faataʻitaʻiga pupuu se lua pe tolu e faataʻitaʻi ai manatu e mafai ona faaaogā e tagata talaʻi i le molimau atu i le faaiʻuga o lenei vaiaso.
15 minu: Fai ni fuafuaga mo le Paeonia Lagolago i le Vaitaimi o le Faamanatuga. Lauga faalaeiau ma ni faamatalaga aogā mo i latou o ē e fia paeonia lagolago a lē o Mati pe o Aperila po o masina uma e lua. Faasino i mea o loo i Faasilasilaga e faatatau i le paeonia lagolago. Faamatala po o ā faatatauga e mafai ona fai e le faapotopotoga ma tagata talaʻi taitoatasi ina ia faalaeiau ma fesoasoani ai ia i latou o ē o le a paeonia i le vaitaimi o le Faamanatuga. Ia sauni ni pepa talosaga o paeonia lagolago mo i latou o ē atonu e talosagaina i le sauniga o loo mulimuli mai. E mafai ona taʻua faapea e lima faaiʻuga o vaiaso atoatoa ia Mati ma o le a faia ni taumafaiga faapitoa e valaaulia ai tagata i le faamanatuina o le Faamanatuga ia Mati 30 ma i le lauga faapitoa i le lautele ua faatulagaina mo Aperila 7.
Pese 58 (130) ma le tatalo faaiʻu.
VAIASO E AMATA IA FEPUARI 18
Pese 96 (71)
10 minu: Faasilasilaga masani. Pusa Fesili. Faasino i tagata talaʻi uma le manaoga ia iloa le igoa saʻo o a latou faapotopotoga atoa ma igoa o nisi, o toeaina, pe a lē o i latou uma. Faalaeiau le tofu sao atoatoa i le auaunaga i le fanua i lenei faaiʻuga o le vaiaso, pe ofoina atu ni faufautuaga mo manatu talafeagai e talanoa i ai i mekasini fou.
15 minu: “Faataunuuina La Tatou Faiva o le Malo o ni Molimau a Ieova.” Talanoaina e se toeaina o se faiaʻoga agavaa faamatalaga ua aaoina ma faataʻitaʻi le aogā o vala ua taʻua mo le faaleleia o la tatou faiva.
20 minu: “Ua E Sauni e Faafetaiaʻia se Aiaiga Faafomaʻi e Luʻia le Faatuatua?” Iloiloga i fesili ma tali e se toeaina tomai, e ufitiaina ai palakalafa mai le amataga o le mataupu i le sulu e oo i le tamaʻi ulutala “Fesoasoani Aogā i le Taimi Manaomia.” Faamamafa ia aua lē faatalitali seia tupu se mea ona faatoa manatu lea i le mea e fai. Fuafua agaʻi i luma o se aiga i le taimi nei—ia sauniuni!
Pese 25 (151) ma le tatalo faaiʻu.
VAIASO E AMATA IA FEPUARI 25
Pese 107 (190)
10 minu: Faasilasilaga masani ma Tala Faatiokarate. Fautuaina ma faataʻitaʻi ni taulimaga talafeagai o mekasini. Faalaeiau e tofu sao i le auaunaga i le fanua i le faaiʻuga o lenei vaiaso.
18 minu: “Ua E Sauni e Faafetaiaʻia se Aiaiga Faafomaʻi e Luʻia le Faatuatua?” Fofogaina e se failauga agavaa se lauga manino i manatu mai le tamaʻi ulutala “Fesoasoani Aogā i le Taimi Manaomia,” e oo i le faaiʻuga o le mataupu i le sulu, e faamamafaina ai le aogā o le galulue ma toeaina ma le ofisa o le lala pe a feagai ma se tulaga faafomaʻi faafuaseʻi.
17 minu: Sauniuni mo Auaunaga ia Mati. O le a tatou ofoina le tusi Revelation—Its Grand Climax At Hand! faa-Peretania ia Mati. Sa auina atu faufautuaga lelei mo le faatomuaina ma le ofoina o lenei lomiga i La Tatou Faiva o le Malo o Fepuari 1989. Talanoaina nisi o ia faufautuaga atonu e aogā i tagata talaʻi i faaiʻuga o lenei vaiaso. Faataʻitaʻi le taulimaina o le tusi ma faamatala le auala ua lagolagoina ai i foai tauofo i le lalolagi aoao le galuega tau aʻoaʻoga faale-Tusi Paia. O se ofo e sui ai mo i latou o ē le mafai ona tautatala faa-Peretania, ia ofo so o se tusi faa-Samoa e 192-itulau.
Pese 32 (63) ma le tatalo faaiʻu.