Pusa Fesili

● Ona tatou te mananao e faaaogā ma le atamai a tatou lomiga, o ā fetuutuunaiga tatou te ono faia i le ofoina o lomiga i le molimau atu i magaala?

I le faatinoina o le molimau atu i magaala, e talafeagai ona tatou faalatalata atu i tagata ma mekasini po o lomiga i o tatou lima. E ao ona avea ma o tatou sini le taumafai e faia se talanoaga ma tagata. I lena auala e mafai ai ona tatou mautinoa pe naunau le tagata sa faafesootaia ma ioe e faitau a tatou mekasini. Afai e mafai ona talanoa puupuu i se tasi o mataupu i se mekasini, o le a lelei tele lena. Atonu foi e mafai ona faamatala i ai faapea o la tatou galuega o loo faatinoina i foai tauofo ma e lē o se pisinisi sue tupe, ae o se galuega i le lalolagi aoao ua lagolagoina e ala i foai faamealofa. I nisi tulaga, atonu e tatau ai ona savavali faatasi se tagata talaʻi ma le tagata a o talanoa e uiga i aogā ma mea o loo iai i le mekasini.

Peitai, e ao ona tatou faautauta ma magafagafa. O le toatele o i latou tatou te feiloai i magaala atonu o loo iai i se tulaga nanati ua faapea ai ona faafaigata mo i tatou ona iloa lo latou naunau. I tulaga faapena, atonu e lelei pe a tau o le ofo i ai o se sāvali e faamataʻai ai i latou mo nisi o a tatou lomiga se tele pe a latou toe feiloai ma i tatou ma mafai ona tu mai mo sina talanoaga.

E ala i le faatinoina pea o le galuega i magaala i nisi o nofoaga ma taimi, o le a faamasani ai tagata ma i tatou ma atonu o le a fiafia ai e talanoaina ni mataupu pe a maua so latou avanoa, ma e lava ai foi le taimi e tuu mai ia i tatou e faamautinoa ai lo latou naunau.

Tatou te mananao e faaaogā ma le atamai a tatou lomiga. O le mea lea, e ao ai ona tatou taumafai e filifili se taimi talafeagai e ofo ai lomiga. O lo tatou faia faapea o le a mafai ai ona tatou fuafua e tuliloa le naunau faaalia ma maua ai le taimi e faamatala i ai le uiga o la tatou galuega.