Amataina o le Talanoaga pe a E Toe Asiasi Atu
1 Ina ia uigā i le amataina o se talanoaga ma se tasi o lē na faaalia le naunau i le uluai asiasiga, ia taumafai e talanoa atili i le mea na faavaeina i lena faatasiga muamua. O le sini, ina ia fesoasoani ai i le tagata e talisapaia le aogā o manatu ma lomiga na tuu muamua ia te ia.
2 Ia faaalu le taimi e sauniuni ai mo le faia o le toe asiga. Filifili ni faamatalaga e faagaeeina ai ua i lomiga o loo e faatomuaina. Faaaogā le faautauta e filifili ai le telē o le mataupu e talanoaina ma le umi e te nofo ai. I le tele o tulaga, e sili atu ai ona faia se talanoaga puupuu o se manatu e tasi pe lua, seʻi vaganā ua faaalia se naunau e lē masani ai. Ia manatunatu i matua o loo mulimuli mai:
3 O ā tulaga i le lumanai e mafai ona tatou faatalitalia e tatau ona aumaia i le lalolagi pe afai o le a avea ma aiga e faavavau o le tagata? Ua faavae lenei talanoaga i le Isaia 11:6-9 ma le 65:25, e pei ona faamatalaina ma faataʻitaʻia i le tusi Worldwide Security i itulau e 172-175.
E mafai ona faatomuaina le talanoaga i le faapea atu:
◼ “Ina ua ou asiasi mai i le taimi ua tuanai, sa ta talanoa ai i le auala na fuafuaina ai e le Atua le lalolagi ina ia tumau e faavavau. Ae na ou tuua se fesili e te mafaufau i ai: O ā ni tulaga e tatau ona iai i lena taimi? Ua ou fiafia e toe foi mai ta te fetufaai ma oe i le tali a le Tusi Paia.”
4 Le mea e tatau ona tatou faia ina ia olioli ai i le ola i lalo o le Malo o le Atua: E mafai ona atiina aʻe lenei matua e ala i le faaaogāina o le Ioane 17:3 ma le Ieremia 31:34, e pei ona faamatalaina i le tusi Worldwide Security i itulau e 119-120.
Ina ia amataina, e mafai ona e faapea atu:
◼ “Sa ou fiafia i la ta talanoaga e uiga i le folafolaga a le Atua ina ia faaiʻuina le amioleaga. [Fai i le tagata e aumai lana tusi o le Worldwide Security.] O le fesili e ao ona tatou manatu taitoatasi i ai, e faapea, Ina ia maua aogā mai lenei suiga, o le ā e mafai ona tatou faia ina ia iai i inā? Ia matau le mea na fetalai ai Iesu i le Ioane 17:3, e pei ona sii mai i lau tusi i le itulau e 120.”
5 O ā manaoga o le a faamalieina i le lalolagi Parataiso? E mafai ona e faaaogāina le Salamo 65:9-13 ma le 72:16 po o le Isaia 11:6-9 ma le 65:25. Ua saunia faamatalaga talafeagai i le tusi Worldwide Security i itulau e 174-175.
Atonu e faapea au upu amata:
◼ “A o oʻu iai i inei i le taimi ua mavae [taʻu le aso], na ta talanoaina ai le folafolaga a le Atua e ala i lona Alo ina ia toe faatutuina mai ē pele ua maliliu i se lalolagi Parataiso. O ā nisi o faamanuiaga o le a olioli ai i inā? Ua faasino mai faale-Tusi Paia e lau tusi nisi o ia faamanuiaga o le a iai.” E faavae i manatu o loo i luga, ia faitau se mau e tasi pe lua ua sii mai le Tusi Paia ma faamatalaga mai le tusi, atonu i palakalafa e 7-10.
6 E toatele tagata ua faaalia le naunau i le feau o le Malo o loo tatou talaʻia. I le tele o tulaga, tatou te iloa lelei ai lo latou naunau ina ia tuu ai a tatou lomiga. I isi tulaga, tatou te matauina ai le talisapaia mo la tatou uluai talanoaga faale-Tusi Paia. O le mea lea, ia faia toe asiga i tagata uma lava o ē e faaalia le naunau, ma taumafai e aʻoaʻo i latou i le upu moni.—Mata. 10:11; 28:19, 20; Ioane 21:17; Faaa. 22:17.