Sauniga o le Auaunaga mo Iulai

Vaiaso e Amata ia Iulai 6

Pese 63 (123)

10 minu: Faasilasilaga talafeagai mai La Tatou Faiva o le Malo ma so o se faasilasilaga e masani ai. Ia faamatilatila foi ni manatu patino se lua e talanoa i ai e mafai ona faaaogā pe a taulimaina le Olomatamata o Iulai 1, 1992.

20 minu: “Faatomua Polosiua e Faasoa atu ai Lou Faamoemoe o le Malo.” Talanoaga i fesili ma tali; ma ni faataʻitaʻiga. Faailoa atu i le faapotopotoga polosiua o loo iai, ma fesili atu mo ni faamatalaga mai le aofia e uiga i ni polosiua o le a faapitoa ona talafeagai mo la outou oganuu. A iloiloina le palakalafa e 9, ia faataʻitaʻi pe mafai faapefea ona ofo se polosiua talafeagai i se faatulagaga lē fuafuaina i se tuaoi, i se aumea i le galuega, po o se isi mea. A lava le taimi, ia faamatala mai e ni tagata talaʻi sa tofia muamua ni mea na tutupu sa oo ia i latou i le faaaogāina o polosiua. Faalaeiau ma le maelega uso ina ia faia se sao atoatoa i le ofoina atu o polosiua ia Iulai.

15 minu: Faaaogā ma le Atamai Lou Taimi o Malōlōga. Faalaeiau tagata talaʻi ina ia fuafuaina nei e faaaogā le taimi faaopoopo o malōlōga mo le faaauilumaina o manaoga faatiokarate. Faaaofia ai ni faufautuaga mo le molimau lē fuafuaina pe a ō malaga. Ia faalaeiau tagata uma e faataatia ni sini totino, e aofia ai le ō faatasi ma le faitau Tusi Paia faalevaiaso, le faitauina o lomiga a le Sosaiete, ma le faaaogāina ma le atamai o le taimi faaopoopo i vaitaimi o malōlōga.

Pese 81 (165) ma le tatalo faaiʻu.

Vaiaso e Amata ia Iulai 13

Pese 103 (193)

10 minu: Faasilasilaga masani. Tala o le tupe. Tala Faatiokarate. Faamanatu i le faapotopotoga fuafuaga mo le auaunaga i le fanua.

20 minu: “Faafesootaiga o a Tatou Upu Tomua ma Lomiga.” O se lauga puupuu ma faataʻitaʻiga. Ia fuafua mo se tagata talaʻi talavou e faataʻitaʻia le taulimaga faale-Tusi Paia e faaaogā ai faufautuaga o loo faaalia i le palakalafa e 2. A faatomuaina le Isaia 65:21-23, ona faaaogā lea o le faafeiloaiga o loo aumaia i le palakalafa e 5. E mafai e se isi tagata talaʻi ona faataʻitaʻia le ofoina o le polosiua “Faauta!” e aofia ai faufautuaga o loo i le palakalafa e 3 ma le 4. I faataʻitaʻiga uma e lua, e ao i le failauga ona faamamafa le auala na faafesootai ai le taulimaga ma le ofo o le lomiga. Ia faailoa mai i se tasi o faataʻitaʻiga le auala o le a faaauau ai pea le tagata talaʻi pe afai e leai se naunau patino e faaalia e lē ona le fale. Faamanatu i le faapotopotoga e ave ni a latou polosiua ma mekasini pe a uma le sauniga.

15 minu: Fesili e Uiga ia Amaketo. Lauga e talanoaina ai le mataupu mai le tusi Reasoning, itulau e 44-49.

Pese 71 (138) ma le tatalo faaiʻu.

Vaiaso e Amata ia Iulai 20

Pese 4 (6)

15 minu: Faasilasilaga masani. Talanoaina le lipoti o le auaunaga i le fanua a le faapotopotoga ia Iuni, ma avatu se faamālō faatasi ma se faalaeiauga e manaomia mo le faaleleia atili. Faailoa atu pe faapefea ona fesoasoani ia i tatou le toe manatunatu i le mau o le tausaga ma lona aotelega ina ia maua ai le fiafiaga moni a o tatou auai i le auaunaga i le fanua ma le mafuta faatasi ma le faapotopotoga. (Roma 12:9-16) A lava le taimi, ia fautuaina se manatu talafeagai e tasi pe lua e talanoa i ai mo le faaaogāina i le auaunaga i le faaiʻuga o lenei vaiaso.

15 minu: “O E Ofoina Atu ea ni Suesuega Faale-Tusi Paia?” Talanoaga i fesili ma tali, sosoo ai ma ni mea na tutupu sa filifilia e faaalia ai pe mafai faapefea ona amataina suesuega faale-Tusi Paia i le uluai asiasiga po o se toe asiga.

15 minu: Manaoga o le faapotopotoga, pe faatalanoa ni tagata talaʻi se toʻatolu pe toʻafa e uiga i le mea na latou tosina mai ai i le upu moni. E mafai ona faaaofia ai ni toʻatugā sa manaomia ona latou foia.

Pese 101 (186) ma le tatalo faaiʻu.

Vaiaso e Amata ia Iulai 27

Pese 100 (180)

10 minu: Faasilasilaga masani. Pusa Fesili. E mafai ona tofia le ovasia o le auaunaga e taulimaina lenei vaega.

20 minu: “Galueaiina le Naunau i le Feau o le Malo.” A uma sina upu tomua puupuu, ona faataʻitaʻi mai lea o se toe asiga i se (1) tagata o lē na taliaina mekasini fou, (2) tagata o lē na faaalia le naunau ae e leʻi taliaina se lomiga, ma se (3) tagata o lē na taliaina le polosiua “Faauta!” I na mea uma, ia faataatia ai se faavae mo se isi toe asiga.

15 minu: “Taliaina, Faatatauina, ma le Mauaina o Aogā Mai le Afioga a le Atua.” E manaomia ona saunia ni faailoaga pupuu o le talisapaia mo fonotaga matagaluega ua masani ai. E mafai ona toe faamanatu mai ni manatu tāua sa aʻoaʻoina i le fonotaga matagaluega faatoʻā mavae atu. Ona talanoaina lea o le mataupu o loo i le itulau 1 i fesili ma tali. Faasilasila le aso o le isi fonotaga matagaluega e sosoo ai, pe afai ua iloa, ma faalaeiau tagata uma ina ia auai.

Pese 73 (157) ma le tatalo faaiʻu.