Sauniga o le Auaunaga mo Tesema

Vaiaso e Amata ia Tesema 6

Pese 118 (205)

10 minu: Faasilasilaga masani ma Faasilasilaga e fili mai La Tatou Faiva o le Malo.

20 minu: “Fesoasoani i Isi ia Iloa le Alo o le Atua, o Iesu Keriso.” Ia talanoaina i fesili ma tali. Ia faataitai taulimaga o loo i le palakalafa e 2 (e se tagata talaʻi ua lava le poto masani) ma le palakalafa 4 (e se tagata talaʻi talavou). Ia faalaeiau i tagata uma e faatomua le tusi o Tala o Le Tusi Paia po o le Greatest Man mai lea fale i lea fale ma i le molimau atu lē fuafuaina pe a faaalia le naunau o tagata.

15 minu: “Faaavanoa se Taimi mo le Galuega Mekasini.” O le lauga, ma se talanoaga ma le aofia. Pe a talanoaina le palakalafa e 3, ia faataitai le auala e ono taulimaina ai mataupu eseese o loo i mekasini fou, i ituaiga eseese o tagata e ono fetaui i ai i la tatou lava oganuu.

Pese 103 (193) ma le tatalo faaiu.

Vaiaso e Amata ia Tesema 13

Pese 80 (146)

10 minu: Faasilasilaga masani, tala o le tupe, ma faafetai mo foai faameaalofa. Ia faamālō i le faapotopotoga mo le lagolagosua limafoai i manaoga o le faapotopotoga, i le Faaputuga Tupe a le Sosaiete mo Maota o le Malo, ma le galuega a le Sosaiete i le lalolagi aoao. Faatutū atu ni manatu se tasi pe lua e ono faia ai se talanoaga, na e mafai ona faaaogā i upu tomua i le auaunaga i le fanua i le faaiuga o lenei vaiaso.

20 minu: Manaoga o le faapotopotoga.

15 minu: “Le Yearbook—O se Faaputugaoa o Faalaeiauga.” O se lauga aasa e faamatilatila ai faatatauga o mau o loo siiina ai. Ia faatulaga ni tagata talaʻi ua lelei ona muai faataitaia, ina ia faamatala mai ma le uigā e tusa ai ma lagona le tala o loo taʻua i le mataupu, ma mea na tutupu na o loo taʻua i itulau e 32 o lomiga o le Watchtower o Ianuari 1, 1990, Ianuari 1, 1987, ma Ianuari 1, 1986.

Pese 81 (165) ma le tatalo faaiu.

Vaiaso e Amata ia Tesema 20

Pese 16 (39)

5 minu: Faasilasilaga masani. Ia taʻua faatulagaga a le faapotopotoga mo se molimau atu faapitoa ia Tesema 25.

15 minu: “Ia Pāʻia le Loto o Lau Tagata Aʻoga o le Tusi Paia.” O fesili ma tali ma se faataitaiga. Ia faamamafa le manatu e faapea, e ao i tagata uma o le faapotopotoga ona atiina aʻe le tomai tau aʻoaʻo atu. Pe a uma ona talanoaina le palakalafa e 3, ia faataitai e se tagata talaʻi le auala e fefulifulisai ai manatu ma le tagata aʻoga o le Tusi Paia, i le faaaogā o fesili ma mau mai le palakalafa e 13 ma le 14 i le mataupu 1 o le tusi Ola e Faavavau.

10 minu: “Ia Tele le Lūlū ae Ia Faautauta.” O se talanoaga i fesili ma tali. Ia faamatilatila faaupuga o le a sili ona talafeagai i la outou oganuu. O nei fautuaga e ao ona toe autalu i faatasiga mo le auaunaga i le fanua i le faaiuga o lenei vaiaso.

15 minu: “Amataina Suesuega Faale-Tusi Paia ia Tesema.” O se talanoaga ma le aofia. Pe a talanoaina le palakalafa e 4, ia faataitai le auala e amata ai se suesuega faale-Tusi Paia i se toe asiga. Ia faalaeiau i tagata uma ina ia faia se suesuega faale-Tusi Paia i aiga i masina taitasi, pe a mafai.

Pese 59 (112) ma le tatalo faaiu.

Vaiaso e Amata ia Tesema 27

Pese 24 (51)

5 minu: Faasilasilaga masani. Tala Faatiokarate. Ia faataitai le auala e faaaogā ai lomiga na o le a faatomua atu i le oganuu lava ia ia Ianuari.

10 minu: O le ā le Sese o le Faataitai e Faaaogā Vailaau Faasāina? E talanoaina e ni tagata talaʻi talavou se toalua ma se toeaina, le taatele o le faaaogāina o vailaau faasāina i aʻoga. La te taʻua faapea, ua lē iloa e nisi talavou se sese o le faaaogāina o vailaau faasāina i nisi o taimi. E ioe atu le toeaina faapea ua leaga tulaga o mea talu mai foi taimi sa aʻoga ai o ia. Na te taʻua e faapea, e lē o matuā taʻu patino mai i le Tusi Paia vailaau faasāina, ae o taiala lelei mo le faaaogāina o vailaau faasāina e mafai ona maua i le tusi Reasoning, i itulau e 106-112. E faitau e talavou mau, ona latou fefulifulisai lea ma le toeaina manatu i le mataupu a o talanoaina. E faatutū atu e talavou ni o laua lava manatu i ni auala la te ono teteeina ai omiga mai a la tupulaga.

30 minu: Autaluga o le polokalama o le Tauaofiaga Itumalo o “Aʻoaʻoga Mai le Atua.” E mafai ona muai vave tofia atu i ni uso agavaa se toalua pe toatolu le autaluina o aso taitasi, ma o nei uso o le a mafai ona latou faasino atu i manatu autū. O lenei autaluga ua lelei ona sauniunia, o le a fesoasoani i uso e manatua ai manatu autū mo le faatatauina ia i latou lava ma le faaaogāina foi i le fanua. O ni faaopoopoga mai le aofia ma ni a latou taʻutinoga e fia faamatala mai, e ao ona faapupuu ma tuusao i le manatu tāua.

Pese 26 (120) ma le tatalo faaiu.