Sauniga o le Auaunaga mo Setema
Vaiaso e Amata ia Setema 2
Pese 1 (13)
8 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo.
10 minu: “Suesueina o Le Tagata Silisili o Ē Uma na Soifua Mai.” O se lauga, faatasi ai ma se sao a le aofia. Faamamafa le manaoga mo sauniuniga mamao.
12 minu: “Savavali i le Faatuatua.” Fesili ma tali.
15 minu: “Taulimaina o le Tala Lelei ma se Uiga Mautinoa.” Fai ni faamatalaga amata e faavae i le palakalafa 1. Faamatala atu e faapea afai e uma tusi Olaga Faaleaiga a le faapotopotoga, ona faaaogā lea o le tusi Ola e Faavavau e ofo e sui ai. Ona talanoa lea na o le palakalafa e 2-4 o le mataupu. Ia faataitai ni taulimaga ua saunia lelei e faaalia ai le auala e ofoina ai le tusi Olaga Faaleaiga, fai se toe asiga, ma amataina se suesuega i le tusi o Le Poto. Ia avatu se faamanatu e uiga i le taʻua o le fuafuaga o foai tauofo.
Pese 7 (51) ma le tatalo faaiu.
Vaiaso e Amata ia Setema 9
Pese 15 (127)
12 minu: Faasilasilaga masani a le faapotopotoga. Tala o le tupe. Ia talanoa le mataupu “Talaʻi le Malo.”
18 minu: Autalu le Lipoti o le Tausaga Faaleauaunaga a le Faapotopotoga i le 1996. O se lauga aasa e atiaʻe ai a le ovasia o le auaunaga. (Tagai i le tusi, Our Ministry, itulau e 100-102.) Ia faailoa mai ni itu na lelei ai taumafaiga a le faapotopotoga, ma avatu le faamālō. Ia faailoa le tele ua faia e le galuega a paeonia sauatoa ma paeonia lagolago e fesoasoani ai i le faaauilumaina o le galuega i le faapotopotoga. Ia taʻua le aofai o ē auai i sauniga, i le faamamafaina o le tāua o le auai e lē aunoa i sauniga. Ia otooto ni sini aogā o taumafai i ai le faapotopotoga ina ia ausia i le tausaga o loo sau.
15 minu: “Taulimaina o le Tala Lelei ma se Uiga Mautinoa.” Autalu na o palakalafa 6-8, ma faataitai se taulimaga mai lea faleoloa i lea faleoloa i le uluai asiasiga ma le toe asiga. Faalaeiau tagata uma ia vave faia a latou toe asiga.
Pese 22 (130) ma le tatalo faaiu.
Vaiaso e Amata ia Setema 16
Pese 11 (85)
15 minu: Faasilasilaga masani a le faapotopotoga. Ia taʻua ni iuga lelei mai le faaalia o le vitiō Jehovah’s Witnesses—The Organization Behind the Name e tataʻi mai ai tagata loto naunau i le faalapotopotoga. Ia taʻua puupuu ni mea na tutupu se tasi pe lua mai Le Olomatamata o Fepuari 15, 1995, itulau e 23-25.
15 minu: “Ia Avea ma Faaaʻoaʻo i Upu ma le Amio.” Fesili ma tali.
15 minu: Amioga Faa-Kerisiano i le Aʻoga. E talanoa atu le tamā i lona atalii po o le afafine ina ia faailoa mai ni faafitauli e tautevateva ai i siomaga i le aʻoga; e na te faamamafa le manaomia ona leoleo faasaga i ē latou te auaufaatasi i le aʻoga ma alofia faiga e foliga mai e lē lelei. Na te autaluina le pusa i le itulau e 24 o le polosiua Aʻoga ma faamatala le manaomia ona faataatitia ni faaaoaoga lelei i le avea o se Molimau. Ia taʻua e le tamā ni faaosoosoga e mapuna aʻe e aofia ai le faaaogaina o fualaau faasaina, faia o tuugatala, auai i faatasitasiga faitele, po o le auai i taaloga; e la te talanoaina le auala e alofia ai faafitauli. E faalaeiau e le tamā ia le talavou ina ia aua neʻi faatalatū i le faailoa atu ia te ia pe a iai ni faigata e tulai mai—e na te fia iloa ma e fia fesoasoani foi.
Pese 3 (32) ma le tatalo faaiu.
Vaiaso e Amata ia Setema 23
Pese 16 (143)
10 minu: Faasilasilaga masani a le faapotopotoga. Ofo atu ni fautuaga i le auala e taʻua ai le fuafuaga i foai tauofo pe a ofoina lomiga, e pei o nei e mulimuli mai: “O a matou lomiga e ofo e aunoa ma se totogi, ae matou te talisapaia sina foai itiiti e lagolago ai la matou galuega i le lalolagi aoao.” “E toatele e fesili pe faapefea ona matou tufaina atu lomiga e aunoa ma se totogi; matou te fiafia ona o le toatele o tagata latou te talisapaia le tāua o lomiga, e latou te ofoina mai sina foai itiiti i la matou galuega i le lalolagi aoao.” “O la matou galuega, e lagolagoina e meaalofa tauofo. E toatele tagata latou te faitauina a matou lomiga e latou te faia ni foai itiiti e lagolago ai lenei galuega o aʻoaʻoga faale-Tusi Paia.” (Tagai i La Tatou Faiva o le Malo faa-Peretania o Tesema 1993, itulau e 7.) Faamatala le mafuaaga e tāua ai le tuuina atu i ē loto naunau o se avanoa e fesoasoani ai e lagolagoina la tatou galuega e sili ona tāua.
15 minu: Manaoga o le faapotopotoga. Po o se lauga e faavae i le mataupu “Vaai i Talaatu Nai Lo Mea o E Iloa Nei!” i Le Olomatamata o Fepuari 15, 1996, itulau e 27-29.
20 minu: “Talaʻi le Tala Lelei i so o se Mea.” Fesili ma tali. Ia faaaofia ai na o palakalafa e 1-15. Faitau ia palakalafa e 3 ma le 5. Ia faaaofia ai ma ni mea na tutupu ia i latou o le faapotopotoga o ē na taulau i le molimau atu i ala tetele po o auala o femalagaaiga mo le lautele.
Pese 23 (200) ma le tatalo faaiu.
Vaiaso e Amata ia Setema 30
Pese 11 (85)
12 minu: Faasilasilaga masani a le faapotopotoga. Talanoaina le Pusa Fesili.
20 minu: “Talaʻi le Tala Lelei i so o se Mea.” Fesili ma tali. Faaaofia ai palakalafa e 16-35. Faaalia le auala e mafai ai ona faatatauina i le faapotopotoga lava latou ia fautuaga. Ia faataitai mai palakalafa e 23-25. Faitau ia palakalafa e 34-35.
13 minu”: Autalu Lomiga mo le Ofo ia Oketopa. O le a tatou faatomuaina mekasini o Le Olomatamata ma le Ala Mai! E mafai ona ofo tusiga i toe asiga. Talanoa i manatu eseese e pei o le: (1) Fuafuaga ua lomia ai mekasini e pei ona faamatalaina i le uluai itulau. (2) Ua lomia ia mekasini i le tele o gagana, ina ia mafai ai ona maua le poto o le Tusi Paia i le lalolagi aoao. (3) Ua fuafuaina Le Olomatamata mo suesuega totino, suesuega faaleaiga, ma suesuega a vaega. (4) E faitau e le toatele o tagata o lotu eseese a tatou lomiga. (5) O le a matou tuuina atu kopi fou i so o se tasi e manao moni e faitau i ai. (6) Ua fuafuaina faapitoa lava nei lomiga mo tagata pisi. (7) Na lomia Le Olomatamata talu mai le 1879; a o le Ala Mai! talu mai le 1919. (8) Ua tatou tufatufaina atu na lomiga e aunoa ma se totogi. (Tagai i Le Olomatamata, itulau e 2; Ala Mai!, itulau e 4.) Ia faaiu i le faitauina o faamatalaga na faia e se tagata faitau na faaalia le loto talisapaia.—Tagai i Le Olomatamata o Ianuari 1, 1994, itulau e 32.
Pese 2 (15) ma le tatalo faaiu.