Faasologa o le Sauniga o le Auaunaga

Vaiaso e Amata iā Setema 9

Pese 16 (143)

13 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faaaogā fautuaga i le itulau e 8 e fai ai ni faataʻitaʻiga se lua i le auala e ofoina ai Le Olomatamata o Setema 1 ma le Awake! o Setema 8. I faataʻitaʻiga taʻitasi, ia faaali atu auala eseese e taulima ai le manatu e taofia ai talanoaga, “Ou te lē fiafia i Molimau a Ieova.”—Tagaʻi i le tamaʻitusi Amata ma Faaauau ai Talanoaga, itulau e 9-10.

17 minu: “Fesoasoani i Isi Ina ia Vivii iā Ieova.”a Pe a lava le taimi, ia faaaofia ai ni manatu aogā mai le tusi Reasoning, itulau 196-199.

15 minu: Aiseā ua Leai ai se Faatuatua? Talanoaga ma le aofia. E masani lava ona tatou feiloaʻi ma tagata e lē lava lo latou faatuatua. (2 Tesa. 3:2) Ina ia faaoo atu iā i latou le upu moni e uiga iā Ieova, e tatau ona tatou malamalama muamua i mea ua faaaafiaina ai o latou mafaufauga e uiga i le Atua. Ia iloiloina manatu e fā ia e māfua ai ona faigatā mo tagata ona faaalia le faatuatua, o loo taʻua i le Reasoning, itulau 129-130. Ia valaaulia le aofia e faaali mai ni o latou manatu, i ni auala e taulima ai manatu na e fā. Ia faamatala atu se taulimaga uigā i se mea na tupu, po o le faaaogā o le taulimaga o loo i le Awake! o Aokuso 22, 1993, itulau 14-15.

Pese 29 (222) ma le tatalo faaiʻu.

Vaiaso e Amata iā Setema 16

Pese 4 (43)

10 minu: Faasilasilaga a le faapotopotoga. Tala o le tupe. Ia faalaeiau tagata uma e autalu a latou faamaumauga o le fonotaga matagaluega ua tuanaʻi atu, ina ia sauniuni ai mo le Sauniga o le Auaunaga i le vaiaso fou.

18 minu: O ā Mea na Tatou Ausia i le Tausaga ua Teʻa? Lauga a le ovasia o le auaunaga. Ia faamatilatila mea na ausia i le lipoti a le faapotopotoga i le tausaga faaleauaunaga o le 2002. Ia faamālō atu i le ʻautalaʻi uma mo mea lelei na latou ausia. Ia uaʻi atu i gaoioiga a le faapotopotoga i le auai i sauniga, o toe asiga ma suʻesuʻega faale-Tusi Paia, paeonia lagolago, ma faailoa atu ni auala e faaleleia ai nei vala. Ia faataatia ni sini e mafai ona ausia mo le tausaga fou.

17 minu: O Luʻi ua Faafesagaʻi ma Mātua Nonofo Toʻatasi. Ia faatalanoa e se toeaina se matua se toʻatasi pe toʻalua o loo iai i lenei tulaga, (po o ni mātua e lē upu moni a latou paaga) ina ia iloa le auala o loo gafa ai ma faafitauli o le toleniina, aʻoaʻiina, ma le faatonutonuina faaleagaga o a latou fanau. Pe faapefea ona latou faatinoina tiute tauave i le aiga, ma i le taimi e tasi o loo auai e lē aunoa i sauniga ma talaʻiga? Ia faamatilatila nisi o fautuaga o loo aumaia e le tusi Aiga Fiafia, itulau e 104-110. Ia faamatala atu ni auala moni e mafai ai e isi ona fesoasoani i mātua nonofo toʻatasi, o loo i le itulau e 113-115.

Pese 19 (164) ma le tatalo faaiʻu.

Vaiaso e Amata iā Setema 23

Pese 18 (162)

10 minu: Faasilasilaga a le faapotopotoga. I le faaaogāina o fautuaga o loo i le itulau e 8, ia faataʻitaʻi e se toeaina le auala e ofoina ai Le Olomatamata o Setema 15, ma ia faataʻitaʻi e se auauna o le faiva le ofoina o le Awake! o Setema 22. Pe a uma faataʻitaʻiga taʻitasi, ia toe taʻu atu le fuaiupu muamua po o fuaiupu amata e lua, ia na faatupu ai le naunau o lē ona le fale.

10 minu: Manaʻoga o le faapotopotoga.

25 minu: “Ia Outou Matataʻu i le Atua ma Avatu iā te Ia le Viiga.” (Faaa. 14:7) Lauga ma se talanoaga ma le aofia, e autalu ai le polokalame o le fonotaga matagaluega lea na faia i le tausaga faaleauaunaga ua teʻa. Ia valaaulia le faapotopotoga e faaalia mai o latou taofi, i manatu autū na latou aʻoaʻoina, ma auala na mafai ona latou faatatauina ai na manatu i o latou olaga, atoa ai ma olaga o o latou aiga. (E mafai ona tofia mamao ni tagata e tali mai i nei manatu eseese.) Ia faamatilatila vaega nei o le polokalame: (1) “Ia Fesoasoani i Ē Fou e Ati Aʻe le Mataʻu i le Atua.” E faapefea ona tatou fesoasoani atu i tagata fiafia na auai i le Faamanatuga, e agaʻigaʻi i luma ma avea o ni auauna maelega a Ieova? (2) “E Uiga le Mataʻu iā Ieova i le ʻInoʻino i le Leaga.” (w87-E 4/15 16-18) E faapefea ona fesoasoani iā i tatou le Faataoto 6:16-19, e liliu ese mai mea e inosia e Ieova—faamaualuga, pepelo, saʻilia o meafaitino, faafiafiaga lē mamā, le faaaogāsesēina o le Initineti? (3) “Ia Matuā Faalatalata Atu i Ē e te Alofa i Ai.” E tatou te alolofa iā Ieova, Iesu, o tatou aiga, isi i le faapotopotoga; e faapefea i le faalatalata atu iā i latou ona puipuia ai i tatou mai le lalolagi? (4) “Ia Matataʻu iā Ieova, ae Lē o Tagata.” Ua faapefea i le mataʻu ina neʻi lē fiafia mai Ieova, ona fesoasoani iā te oe e manumalo ai mai le matamuli i le talaʻiga, le usitaia o mataupu silisili tauatua i galuega po o aʻoga, po o le teena o omiga mai lau pule ina ia misi ai sauniga, fonotaga ma tauaofiaga? (5) “Ia Faia Mea Uma Lava ia Viia ai le Atua.” (Sala. 119:37; Epe. 4:13) Aiseā ua fesoasoani ai le mataʻu i le Atua iā i tatou, ina ia ʻalofia ai le faaaogāsesēina o le ʻava malosi, matamata ma faitau i faiga lē mamā faaleituaiga, po o le faia faalilolilo o isi agasala? (6) “Ia Savavali Pea i le Matataʻu iā Ieova.” O ā ni auala ua faamanuia ai oe e Ieova, a o e faatagaina lona agaga paia e gaoioi atoatoa i lou olaga?—Sala. 31:19; 33:18; 34:9, 17; 145:19.

Pese 26 (212) ma le tatalo faaiʻu.

Vaiaso e Amata iā Setema 30

Pese 8 (53)

15 minu: Faasilasilaga a le faapotopotoga. Faamanatu atu i le ʻautalaʻi e faia a latou lipoti mo Setema. Ia talanoaina le mataupu “Ua Agaʻi i Luma le Polokalame o le Fausiaina o Maota o le Malo.”

15 minu: Aiseā ua Uigaese ai a Tatou Mekasini? Lauga ma le talanoaga ma le aofia. O la tatou ofo iā Oketopa, o Le Olomatamata ma le Ala Mai! Ia talatalanoa i māfuaaga ua uigaese ai a tatou mekasini: (1) Ua faaeaina ai le suafa o Ieova. (2) Ua faalaeiau ai le faatuatua iā Iesu. (3) Ua faalauiloa ai le Malo o le Atua. (4) O loo faamamafaina ai e faapea o le Tusi Paia le faavae mausalī o manatu uma. (5) Ua faamatala ai faataunuuga o valoaga o le Tusi Paia. (6) Ua faamatala ai māfuaaga moni ua tutupu ai mea i le lalolagi. (7) Ua faaalia ai le auala e feagai ai ma faafitauli i aso nei. (8) Ua faagaee ai le naunau o so o se tagata. (9) E solitū i mataupu faapolotiki. Ia faia ni faataʻitaʻiga pupuu se lua, ma i faataʻitaʻiga taʻitasi, ia faaali mai le auala e mafai ona faaaogā ai nisi o nei manatu e amata ai se talanoaga.

15 minu: “Ia Faatāuaina Alāmanuia Mai le Atua.”b Ia taulima e se toeaina. Ia faaaofia i le lauga mea ua mātauina i totonu o le faapotopotoga, ma le auala e faaaogā ai ma le faautauta a tatou lomiga. Faalaeiau tagata uma e tatau ona ota na o lomiga e moomia. Ia manatua le faaeaga ua tatou maua e fesoasoani ai tautupe, e lagolagoina ai le galuega i le lalolagi aoao.—Tagaʻi i le mataupu “Ia Tufa Atu i Isi e Tusa ma o Latou Manaoga” i La Tatou Faiva o le Malo o Novema 1996, itulau e 3.

Pese 23 (200) ma le tatalo faaiʻu.

Vaiaso e Amata iā Oketopa 7

Pese 9 (37)

10 minu: Faasilasilaga a le faapotopotoga.

15 minu: Ia Tū Mausalī mo le Upu Moni, i le Aʻoga. Ia faatalanoa se tamaitiiti talaʻi e toʻatasi pe toʻalua o loo iai pea i aʻoga, ma ua latou iloa e tatau ona faaeteete i le aumea atu i tamaiti lē talitonu. E faapefea ona latou sauniuni e faafesagaʻia luʻi ma tofotofoga o sauniga faalotonuu, o siva ma faatasiga tetele a aʻoga, o taaloga pe a tūʻua aʻoga, ma amioga lē mamā? Ia faaaofia i le faatalanoaga auala latou te fuafua e molimau atu ai i le aʻoga.

20 minu: “ʻAlofia ʻMea Lē Aogā.’”c Pe a uma ona talanoa i le palakalafa e 4, ia faaaofia manatu o loo taʻua i le faaopoopoga o La Tatou Faiva o le Malo o Novema 1999, palakalafa 30-32. A o talanoaina le palakalafa e 5, ia faaaofia manatu o i le pusa o Le Olomatamata o Oketopa 1, 1994, itulau e 8. A o talanoaina le palakalafa e 6, faitau le palakalafa e 18 o le faaopoopoga o La Tatou Faiva o Novema 1999.

Pese 11 (85) ma le tatalo faaiʻu.

[Faaopoopoga i lalo]