Faasologa o le Sauniga o le Auaunaga

MĀTAU: Pe tasi i le lua masina talu ona uma ona auai atu le faapotopotoga i le Tauaofiaga Itumalo “Usiusitai i le Atua,” e ao ona faatulaga se 15 i le 20 minute o le Sauniga o le Auaunaga (atonu e faaaogā le vaega o manaʻoga o le faapotopotoga) ina ia toe autalu ai manatu mai le tauaofiaga ua iloa e tagata talaʻi e aogā i le faiva i le fanua. O le vaega faapitoa i le Sauniga o le Auaunaga, o le a aumaia ai iā i tatou le avanoa e faamatala ai le auala o tatou faaaogā ai mea na tatou aʻoaʻoina mai le tauaofiaga, ma le auala ua fesoasoani ai lenā tulaga ia uigā atili ai la tatou faiva.

Vaiaso e Amata iā Aokuso 8

Pese 59 (77)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

10 minu: “Po o E Faaaogāina Tamaʻi Pepa?” Lauga ma se talanoaga ma le aofia. Valaaulia le aofia e fai mai ni o latou manatu i iʻuga lelei ua maua i le faaaogāina o tamaʻi pepa. Ia faaaofia ai ma se faataʻitaʻiga puupuu o se tagata talaʻi o loo valaaulia se tagata fiafia ia auai i se sauniga, e ala i le faaaogāina o se tamaʻi pepa.

25 minu: “O le Taimi Lenei e Talaʻi Ai!”a Ia muaʻi faatulaga se paeonia sauatoa se tasi pe lua e faamatala fetuutuunaʻiga ua la faia ina ia paeonia ai, faapea ma faamanuiaga ua la olioli ai ona o le faia faapea.

Pese 90 (169) ma le tatalo faaiʻu.

Vaiaso e Amata iā Aokuso 15

Pese 9 (11)

10 minu: Faasilasilaga a le faapotopotoga. Faaaogā fautuaga i le itulau e 6 (pe a talafeagai ma la outou oganuu) e faataʻitaʻi ai le auala e ofo ai le Olomatamata o Aokuso 1 ma le Ala Mai! o Iulai-Setema. Faaali mai se toeaina ma se tagata talaʻi ua lē atoatoa le malosi o le tino o loo faia se molimau e ala i le telefoni.

15 minu: Pe E te Manatua? Talanoaga ma le aofia e faavae i le Olomatamata o Aperila 15, 2005, itulau e 30. Valaaulia le aofia e fai mai ni o latou manatu i fesili taʻitasi. Ia faamamafa manatu tāua o le mataupu. Ia faalaeiau tagata uma e faitau lelei lomiga taʻitasi o Le Olomatamata ma le Awake!

20 minu: “Amataina o Suʻesuʻega Faale-Tusi Paia i ni Talanoaga Pupuu Faapea ma le Telefoni.”b Ia faaaofia ai ma se taulimaga puupuu e faaalia ai le auala e amata ai se suʻesuʻega faale-Tusi Paia i le uluaʻi asiasiga, i le faaaogāina o se palakalafa se tasi pe lua i le polosiua o le Manaomia. Ia faamatala puupuu mea na tutupu e faalaeiau ai, pe tasi pe lua e tusa ai ma le amataina o suʻesuʻega faale-Tusi Paia i le telefoni.

Pese 25 (30) ma le tatalo faaiʻu.

Vaiaso e amata iā Aokuso 22

Pese 70 (103)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai mo foaʻi na auina atu.

15 minu: Manaʻoga o le faapotopotoga.

20 minu: “Talaʻia o le Malo—O se Tofiga Tāua.”c Pe a talanoaina le palakalafa e 4, ia toe autalu le faatulagaga faapitoa mo le lipotia o le taimi i le auaunaga i le fanua e 15 minute e i latou ua itiiti se mea e mafai ona fai ona o le tulaga matua po o maʻi o le tino.—Tagaʻi i La Tatou Faiva o le Malo o Oketopa 2002, itu. 8, pala. 6.

Pese 96 (204) ma le tatalo faaiʻu.

Vaiaso e Amata iā Aokuso 29

Pese 37 (45)

10 minu: Faasilasilaga a le faapotopotoga. Ia faamanatu i tagata talaʻi e auina mai a latou lipoti o le auaunaga i le fanua mo Aokuso. I le faaaogāina o fautuaga i le itulau e 6 (pe a talafeagai ma le oganuu a la outou faapotopotoga), ia faataʻitaʻi le auala e ofo ai le Olomatamata o Aokuso 15 ma le Awake! o Aokuso 22. I se tasi o taulimaga, ia faataʻitaʻi le faia o se toe asiga i se ala mekasini.

15 minu: “Molimau Atu e Aunoa ma ni Upu.”d Valaaulia ni tagata talaʻi ua filifilia, e faamatala mai pe na faapefea i lo latou mātauina o amioga lelei a tagata o le Atua ona fesoasoani iā i latou e avea ai o ni auauna a Ieova.

20 minu: Faamamafa le Tusi Paia i Lau Uluaʻi Asiasiga. Fai se talanoaga ma le aofia. Ia toe autalu fautuaga o loo i La Tatou Faiva o le Malo o Setema 2004 itulau 4, palakalafa 2, mo le tataʻi atu o manatu i le Tusi Paia i lau uluaʻi asiasiga. Faataʻitaʻi le auala e faaaogā ai se taulimaga se tasi pe lua o loo fautuaina faatasi ma le lomiga o loo ofo iā Setema. O fautuaga o loo i le faaopoopoga o La Tatou Faiva o le Malo o Ianuari 2005 mo le taulimaina o le ofo e tatau ona talanoaina ma faataʻitaʻi pe a lava le taimi.

Pese 54 (71) ma le tatalo faaiʻu.

Vaiaso e Amata iā Setema 5

Pese 45 (56)

10 minu: Faasilasilaga a le faapotopotoga.

15 minu: “Faia o Suʻesuʻega Faale-Tusi Paia e Agaʻigaʻi i Luma—Vaega 12.”e Ia muaʻi fuafua se tagata talaʻi se toʻatasi pe toʻalua e faamatala mai po le ā na fesoasoani iā i laʻua e agaʻigaʻi ai i luma i le amataina ma le faia o suʻesuʻega faale-Tusi Paia.

20 minu: Faamaopoopo se Fesoasoani mo Ē ua Matutua. Se lauga e fai e se toeaina e faavae i le Olomatamata o Aokuso 15, 1993, itulau 28-29, i lalo o le tamaʻi ulutala “E Aogā Le Maopoopo.” Ia taʻua fuafuaga ua fai i le faapotopotoga e fesoasoani ai i ē mamaʻi ma i latou ua matutua.

Pese 89 (164) ma le tatalo faaiʻu.

[Faaopoopoga i lalo]