Autaluga o le Aʻoga o le Faiva Faatiokarate
O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Tesema 26, 2005. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Novema 7 e faasolo atu iā Tesema 26, 2005. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]
UIGA O LE TAUTALA
1. O le ā le mea e ao ona fai ina ia faamautinoa ai o a tatou apoapoaʻiga, o loo avatu “ona o le alofa”? (File. 9) [be itu. 266]
2. O ā auala e mafai ai ona “apoapoaʻi atu i le aʻoaʻoga e ola ai”? (Tito 1:9) [be itu. 266 pala. 5–itu. 267 pala. 1]
3. Aiseā e tāua ai le faalaeiauina o tagata i a tatou lauga, ma e faapefea ona tatou faia? [be itu. 268 pala. 1-3, pusa]
4. I le faataʻitaʻi atu iā Mose, e faapefea i lo tatou fesoasoani atu i isi e toe tomānatu i mea na faia e Ieova mo ona tagata, ona maua ai le loto tele? (Teu. 3:28; 31:1-8) [be itu. 268 pala. 5–itu. 269 pala. 2]
5. Aiseā e avea ai le talanoa ma le fiafia e faatatau i mea o loo faia e Ieova i le taimi nei, ma mea o le a ia faia i le lumanaʻi o se faamalosiau i ē o loo faalogologo iā i tatou? [be itu. 270-271]
LAUGA NU. 1
6. O le ā le Septuagint, ma aiseā e naunau ai i ai le ʻau Kerisiano? [bsi05 itu. 15 pala. 12-pala. 14]
7. O ai le ʻau Masoreta, ma o le ā la latou fesoasoani mataʻina na faia i le faaliliuina o le Tusi Paia? [bsi05 itu. 18 pala. 18; itu. 19 pala. 20-21]
8. O fea na faavae mai ai le vaega faa-Eperu o le New World Translation i le faa-Peretania, ma aiseā e faapea atu ai o lenei faaliliuga e lelei ma e maufaatuatuaina? [bsi05-SM itu. 22-23 pala. 28, 30]
9. Na faapefea i uluaʻi Kerisiano ona faaalia lo latou matuā naunau e lomia le Afioga a le Atua? [bsi05-SM itu 23-24 pala. 1-5]
10. O le ā ua faaalia e se suʻesuʻega o manusikulipi o loo iai nei, ma mau o le Tusi Paia e faatatau i le Tusi Paia? [bsi05 itu. 30 pala. 32]
FAITAU TUSI PAIA O LE VAIASO
11. Ona na lē faatagaina Tavita e fausia le malumalu, po o se faailoga lea o le lē faamaoniaina e Ieova o taua na tauina e Tavita? (1 No. 22:6-10)
12. I lana tatalo i le faapaiaina o le malumalu, na faapefea ona faailoa e Solomona faapea e uaʻi atu Ieova e lē gata o manaʻoga o ona tagata i le avea ai o se faapotopotoga, ae na te silafia foʻi tulaga patino o tagata taʻitoʻatasi e matataʻu iā te ia? (2 No. 6:29, 30)
13. O ā “aitu” o loo faasino atu i ai i le 2 Nofoaiga a Tupu 11:15?
14. Talu ai na amata le pulega a Paasa i le lona “tolu o tausaga o Asa” talu ona avea ma tupu i Iuta, ma e na o le 24 tausaga na tupu ai Paasa, e faapefea la ona tatou faapaleni le taimi na alu ane ai o ia “i Iuta” i “le tolugafulu ma le ono o tausaga o le nofoaiga a Asa”? (1 Tu. 15:33; 2 No. 16:1)
15. E faapefea ona faaata manino mai i le 2 Nofoaiga a Tupu 20:22, 23 mea ua toeitiiti lava ona tutupu lea i le lalolagi a Satani?